2024 4th Quarter Kindergarten Zirlai 1-na

Chêmtê, tho rawh!

Chângvawn: “Hrisêlna \hâ i neih theih nân ka \awng\ai \hîn.” 3 Johana 2, NIV.

Chhiâr Tûr: Marka 5:21-43; Chatuan Nghahfâk, (2nd Edition, 2014) pp. 380-382.
Thuchah: Damlote tâna kan \awng\aisakin Pathian rawng kan bâwl.

I hmangaih tû emaw a dam loh chângin engtin nge i ngaih a? Eng nge i tih \hin?
Jaira chu mi pawimawh tak mai a ni a. Judate inkhâwmna in enkawl hna pawimawh
tak a thawk \hîn a. Mahse chû hnâ chu thawh pawh a thawh zawm hlei thei lo. A
fanû a dam lo va, mî tû mahin an tihdamsak thei bawk sî lo a ni.
Mahse Jaira chuan amah \anpui theitu tûr mi pakhat a awm tih a hria a. Isuan thilmak a tithei tih mî sawi a hria a. Tichuan Isua hmu tûrin Jaira chu a kal ta vang vang a.
Jaira chuan Isua chu mi dangte nêna Matthaia ina an lo awm khâwm luih chu a hmû a. Isuâ awmna hmun thleng tûrin mipui tâwt tak chu a kêu tâwlh tâwlh a, Isuâ ke bulah chuan a va bawkkhup ta a ni.
|ap \euh chungin Jaira chuan, “Ka fanu dam lo hi a thi \êp a ni. Khawngaih takin lo kal la, a hrisêl a, a dam leh theih nân a lu chungah i kut nghat tûrin ka ngên a che,” a ti a.
A ngenna chuan Isuâ thinlung a dek hlê mai a. Rang takin Jaira in lam pan chuan a ruâl chuan a kal ta nghâl a.
Mahse, chû hmun an thlen hmâ chuan, mipui zîngah mi pakhat hi a lo tlân a. “Isua kha tibuâi duh tawh lo mai rawh. Minit rei vak lo liam taah khân i fanû chu a thi tawh e,” tiin a rawn hrilh a.
Mahse, a thusawi chu Isuan a bengkhawn vê lo. Jaira hnênah chuan, “Hlâu suh. Keimân ka tidam leh thei a lâwm!” tiin a thlamuân a.
Jaira-te in an thlen chuan, mîte chu an lo \ap teng tung mai a, mangang takin an lo khêk râwih râwih a. Isua chuan pâwnah a chhuahtîr vek a. Jaira leh a nupui bâkah, Amah \anpuitu mi pathum chauh chu in chhûnga an awm vê Isuan a phal a.
Hmeichhe naupang ruâng chu amâ khumah an lo muttîr a. A mit pawh a meng tawh lo. Chêt pawh a che rêng rêng lo. Thâwk pawh a thaw bawk sî lo! Isuan chû hmeichhe naupang kutah chuan chelhin, “Chêmtê, ka thusawi ngaithla rawh. Tho rawh le!” a ti a.
Vawi lehkhatah chû hmeichhe naupang thi tawh chu a lo thaw leh ta mai a! A mit a meng a, a khap lep lep a. Nui sen sen chungin a lo \hu chhuak ta mai a ni.
Isua pawh hlim takin a nui var var a. Tichuan chû hmeichhe naupang nû lam chu hawiin, “Thil ei tûr eng emaw han pe têh!” a ti a.
Jaira leh a nupui chu an hlim êm êm a! |anpui ngai taka Jaira âu thâwm kha Isuan a hria a. Mîte chuan a tlâi lutuk tawh tiin sawi sup sup mah se, \anpui tûrin Isua chu a kal ta tho va. Tûnah chuan an fanu duât tê chu a lo nung leh ta mai a ni.
|anpuitu atâna Isua an sâwm chu an lâwm êm êm a. |anpui tûra an sâwmna a lo ngaihthlâk avâng pawhin an lâwm bawk a. An fanu damlo, thi tawh a lo nung leh ta chu an thinlung a lâwmin, a hlim êm êm bawk a ni.
Khâ hmeichhe naupang tê kha Isuan a hmangaih a. A nû leh pâte pawh A hmangaih vek tho va. |anpui an ngaihnaa Amah an koh ngaithlâka \anpui zêl hi Isuan nuâm a ti a.
Nangnî pawh A hmangaih \heuh che u a. |awng\aia Amah in biakna lo chhânsak tûr che uin, A lo châng reng che u a ni. Nangnî, in \awng\ai vê \hîn ang em? Isuân A chhânsak zêl dâwn che u a ni!!!