Adventist Choir

Adventist Choir hi Mizo Conference of Seventh-day Adventists Official Choir a ni a. Youth Ministries Department enkawlna hnuaia awm a ni. September 2011 khan din tan niin, Pr. PL Thlenga, Youth Director a nih laia din a ni a. Choir member te hi kum 2 tern zel atana thlan niin, Youth Department enkawlna hnuaiah Choir Board mumal tak nen inrelbawlna kalpui thin a ni.

Adventist Choir term hrang hrangah hian zaipawl member inpe tak takte avangin rawngbawlna hlawhtling tak kalpui a lo ni tawh thin a. He zaipawl rawngbawlna hi kohhran chhung mai bakah kohhran pawn lam thlenga kalpui niin, state pawn lam leh India ram pawn lam thleng pawhin kalpui a ni.

Adventist Choir din tawh hnu hian India ram hmun hrang hrang Meghalaya, Manipur, Assam, Pune, Delhi ah te neih tawh niin, India ram pawn Malaysia khawpui Kuala Lumpur leh Thailand khawpui Bangkok ah te zaia rawngbawlna kalpui tawh a ni bawk.