Stewardship
Steward awmzia chu Mizo tawngin’sum enkawltu’ tih ni mahse a țawng bul lamah chuan stig-weard tia hriat lar niin kum zabi 11 vel laia tan niin a hriat theih. ‘STIG tih chu ‘CHENNA IN’ emaw Insak khawilai bik emaw sawi nan hman a ni. WARD tih chu (warden or keeper) VENGTU/ENKAWLTU tihna a ni. Greek țawngah chuan oikonomos leh oikonomia tih a nia. OIKOMOS chuan RUAHMAN/RELBAWLNA lam mawhphurhna a kawk. NOMOS chuan anihna tur anga thiltih a kawk.
Adama chu a enkawltu(steward) a ni a. Amah leh engkim siamtu Pathian chu a neitu a ni.
Enkawltu Enkawltu nihna chu mihring dinhmun ani.
1.Mihring chu vawngtu leh enkawltu
1.Thuneitu nihna Genesis 1:26
2.Khawvel kan ta a ni reng em ? Sam 24:1
3.Eden huanah khan Pathianin ama tan enge a hauh? Gen 2:17
4.Adama leh Evi te suala an tluk hnu khan(Gen 3:6) Pathianin enge a tih tak? Gen 3:24
2. Talents te hmang tha in
1.Eng thil pahnihte nge Pathian chhihhlawhte hnenah a pek? Marka 13:34
2.Eng tiang kawngin nge Pathianin pe kir leh tura kan laka a phut le?Luka 12:48
3.Engtin nge Talent thukru tu hnenah khan Apuin a sawi tak kha? Matthaia 25:26,27
4.Engtin nge Talent tipungtu hnenah khan Apuin a sawi le? Matthaia 25:
3.Kan hunte hmangtha-in
1.Pathian hian hun eng zatnge mitinte min pek Sam 90:10; Sam 89:47
2.Kan thlarau atan engzat nge kan pek tur le ? 2 Korinth 5:20 ; Sam 126:5,6
3.Pathian hna hi engtik ah nge kan thawh ang? John 4:35
4.Engzat nge kar khat chhung hnathawh hun Lalpan min pek ?Exodus 31:15
5.Enkawltu rinawm ni turin engthil pathum nge tih ngai ?Thupuan 1:3
4.Pawisa chunga rinawmna Sam 116:12
1.Kan sum lak luh engzat nge Pathian tana thianghlim tur chu ? Lev 27:30,32; Gen 14:20
2.Kan sum pung engzat nge sawmapakhat atan kan pek ang? Thufingte 3:
3.Sawmapakhat bakah Pathianin enge a la phut ?Sam 96:8
4.Kan thil pung engzat nge kan rinawmna lantirnan kan pek kir ang ?Malakia 3:10
5.Mi rinawm lote’n enge an beisei tur chu ?Malakia 3:9; Hagaia 1:5-11
6.Tithe hi eng atana hman tur nge? Numbers 18:21
7.Vawiina kan sawmapakhat tlingkhawmte hian rawngbawlna a pui em? 1 Korinth 9:13,14
8.isuan tithe pek hi a khap em? Matthaia 23:23
5.Kan taksa enkawlin
1.Pathianin a fate hnena a beisei enge ni?3Johana2.
2.Engtiang kawngin nge Pathian kan chawimawi ang? 1 Korinth 10:31
3.Eng anga tha lo nge kan taksa kan ngaih thah hian lo thleng? Johana 5:14
4.Engtiangin nge kan taksa Pathian tan kan hlan ang?Rom 12:1
6.Pathian hian ei tur atan hian ngatinge a khauh viau? Deuteronomy 14:2,3
7.Eng sa-te nge Pathianin ei atana tlak loh atih?Lev 11:7,8; Deut 14:8
8.Eng vangin nge Pathianin tur nei chi in loh tur a tih? Thufingte 23:31,32; 20:1
9.Kristiante hian meizial,tubur,sahdah,khaini, kan hmang ve tur em ni?1Korinth 10:31;
Rom 12;1
6.Kan nitin atana invawngin .Enkawltu hna hi nitin kan hna lian ber a ni.
1.Eng kawngin nge Pathianin kristiante tih tur,hriatna,hmuhna,thusawi, emaw ngaihtuahna hmanga dan a siam?Phillipi 4:8 ; Matthaia 7:12
2.Engtiang kawngin nge kristiante hi khawvel nen kan in pawh dan tur? 2Korinth 6:17; 1 Johana 2:15-17
3.Enge hla te nge kan ngaihthlakin kan sak ang? Sam 92:1-3; Kolosa 3:16; Jakoba 5:13
4.Pathian hian kan incheina lam engtin nge a sawi? 1Timothy 2:9; 1Petera 3:3,4
Pathian ta anihna kan pawm tur a ni
Kristian Chhungkua,p 355 “Pathian ta kan nihna kan pawm tur a ni.-Sumdawnnaa rinawmna leh hlawhtlinna tak tak chu Pathian ta vek an ni tih pawmna a innghat a ni.Engkim siamtu chu a tir atanga bultantu kha a ni.Keini chu A sum lo enkawltu mai kan ni.Chuvangin kan thil neih zawng zawng pawh hi Ama min enkawltir,A duhdana kan hman tur te an ni…..Kan hria emaw,hre lo emaw pawh nise kan vai hian Pathian sum enkawltute vek kan ni.Khawvelah hian Pathian hnen atanga thiamna leh theihna neia tih tur A sawi apiang thawk tura dah kan ni”.“
Kristian Chhungkua,p355 “Pawisa,in leh lo, milem,furniture,thawmhnaw leh khawsak nawmna bungrua reng rengte hi kan ta a awm lo.Vanram pana kal mek,mikhual vak vel mai kan nih hi.Heng thil te hi nunna leh hriselna atan an pawimawh em avanga kawl hawh tir chauh kan ni.Leia malsawmna kan dawn te hi chu chatuan ram hausakna dawng tlak kan nih leh nih loh fiahna hmanrua mai an ni.Chuvangin Pathian fiahna hi kan paltlang theih chuan A thisena lei chawimawina te,ropuinate,,leh chatuan nunna te chu kan la chang dawn a ni
Thawhlawma hma hruaiin
Enkawltu Tana Thurawn p73 “Sawmapakhat pek dan kal hmang tura Pathian remruat dan hi a awlsamin a inrual pat mai.Pathian atanga lo chhuak anih avangin mi tinin rinna leh huaisenna nen an vuan reng thei bawk.A awlsamin a tangkai a,hrethiam tur leh zawm turin thuk taka zir kher a ngai hek lo. Mitinin chhandamna hnathawh hlu tak maiah hian tih theih nei vea inhriatna an nei vek thei bawk.A hmei apa,thalaite thlengin Lalpa tana sum vawngtu,A sum bawmin a mamawh apianga phuhru tu an ni thei a ni
Kohhran sum vawn dan leh a kalphung
Ellen G. White, Education, pp. 138, 139. “Lâwm nachang hriat leh thilphal chungchângah ngenna siam a ni lo. Tluang taka rinawm a ni mai. Sâwmapakhat hi LALPÂ puâl a ni a; Amâ puâl na nâ nâ chu kîr ngêi tûrin min ngên a. . . . Sum thûah kan rinawm a ngai a nih chuan, tih tûr dang tin rêng tobul zâwk, Pathian laka kan mawhphurhna pawh chu kan pawm ngêi dâwn lâwmni?”
Southern Asia Tana Sum enkawl dan zirtirna (Kum 1988, December 5,6 a DIVEXCO inhmuhkhawmnaah pawm nghal a ni) A hnuaia mite ang hian April 1,1989 ațangin Southern Asia Division-a tualchhung kohhran zawng zawngin hman nghal atan rel a ni.
Comprehensive Stewardship Plan, phek 7,8. SAWMAPAKHAT – mimalin sum a lak luh ațangin sawmapakhat a ti hrang tur a ni a,kartinin emaw hun remchang dangah kohhran inkhawm hunah kohhranah a pe lut tur a ni. Thlatinin tualchhung kohhran treasurer chuan Conference treasurer hnenah a theh lut țhin ang.
Sawmapakhat nilo, Thawhlawm dangte chu – Khawvel pum kohhran tan leh tualchhung kohhran tan hmun hnihah a țhen țhin tur a ni. Mimalin thawhlawm a thawh chu thawhchhan bik a neih loh chuan Treasurer chuan a hnuaia tarlan angin zat leh zatin a țhen tur a ni. Sabbathschool Thawhlawm, Divine service thawhlawm, Birthday/Lawmna leh AY thawhlawmte chu a zatve (50%) kartin a mi chu khawvel pum kohhran (world Church Funds) a tan pek tur a ni a, a zatve dang (50%) chu tualchhung kohhranin a chan tur a ni thung. Thawhlawm thawh tu in thawhlawm a bik atan a thawh a nih chuan kohhran treasurer chuan thawhlawm bik anihna tarlangin a ziak lut țhin tur a ni.
Tualchhung tana tihhran zawng zawng chu tualchhung kohhranin a chang vek ang a, Churchboard-in a hmanna tur atan ruahhmanna a siam ang. Khawvel pum kohhran thawhlawm (Mission offerings) chu Thla tinin Conference Treasurer hnenah thawn/ thehluh țhin tur a ni. (CSP phek 8 leh Church Manual 2015,phek 112) Sabbathsikul (Mission Offerings) Thawhlawm zawng zawng chu Sabbathsikul secretary chuan kartin kohhran sum enkawltu(treasurer) hnenah a theh lut ang a,a ni chuan fel takin a lo chhinchhiah ang. Treasurer chuan sum a dawn reng rengin receipt a pe zel ang (Church Manual 2015,phek 112 & 113,135).
November 21-24,1989-1 DIVEXCO-in hmuhkhawmnaah nemngheh a nih danin, Comprehensive Stewardship Plan chuan tualchhung kohhran treasurer hnenah,Thawhlawm bik a nih loh chuan Sabbathschool , Divine Service,Piancham leh Lawmna thawhlawm te, AY thawhlawmte chu a zat leh zat a țhen turin a ti a ni. Adventist Youth Ministries sum lut chu Secretary chuan Treasurer hnenah a thehlut ang a,treasurer chuan a sum dawn reng reng receipt a pe zel ang (Church Manual 2015,phek 112 & 113)
Sawmapakhat/Thawhlawm Ip hmanga pawisa thawhna hman hian, thawhlawm thawhtu in a thawhlawm thawhzat hriat chianna turin a țanpui a ni (CSP phek 10).
Kohhran Thawhlawm khawnte hi mi pakhat aia tamin an chhiarho țhin hi a țha khawp mai. Dan tlangpuiin Deaconte leh kohhran treasurer-ten an chhiar țhin a, thawhlawm ziahna ah an ziak lut țhin a ni (CSP phek 4).
Thawhlawm thawhtin te chu duplicate receipt ah ziah luh țhin tur a ni a, chu chu chhiarpuitu Deaconte emaw Deaconess te hnenah kohhran treasurer chuan chu receipt chu a pe chhuak nghal ang. Sawmapakhat chu Thawhlawm dangte nen chawhpawlh miah loh tur a ni a, a hran a tih fel tur a ni (CSP phek 4 & Church Manual phek 114).
Treasurer chuan a pawisa dawn chu a tlem emaw, a tam emaw a hma thei ang berin receipt pe sela, fel takin engkim a chinchhiah thlap tur a ni(Church Manual phek 114).
Stewardship kan tih hi enge a awmzia ni ang le ?
Enkawltu nihna hi Isua Krista nena lal nihna inzawmna mihring lam a ni. Krista lalna pawmtu, Pathian nena thawhhona neia kal a, leia a thil tihte enkawl tura Pathian agent anga che thin nunphung a ni. Stewardship hi Pathian nena Lordship inzawmna mihring lam a ni–thu dangin sawi ila, integrated lordship. Hei hian nun kawng tinreng a huam a, sum pawh a huam tel a, Chutiang chuan enkawlna hian huam zau tak leh nitin nunah hmanna a nei zau hle.
Engtiang in nge enkawltu nihna ngaih pawimawh chu a danglam a, engvangin nge?
Tun hmalam khan kohhran sum hmanna lam ngaih pawimawh a nih avangin Bible-a innghat lo hmanga sum thawhkhawm hi ngaih mawh a ni ta a ni. Thilpek lampang tipung tura nawrna hian Bible-a enkawltu nihna chiang taka hriatthiamna neih loh avangin enkawlna dodalna leh duh lohna a thlen fo thin. Zirchianna leh Bible hriatthiamna chuan enkawltu nihna hian zirtir nihna a ngaihtuah tur a ni tih min hrilh a–mite chu Pathian hriatna nena kal dun tura tanpui a ngai a ni. Pathian nena inlaichinna neih chauhvin Pathian kan thawhpui tak tak thei a, sawma pakhat leh thilhlan hmangin rawng kan bawl thei a ni.
Lal nihna (Lordship) tih hian eng nge a sawi tum?
Lal nihna chu kan nitin nunah Pathian nena inzawmna a ni. Thlarau Thianghlim rawngbâwlna hmanga Krista chu Chhandamtu, Neitu, leh kan chhûnga awma kan pawm rah a ni. Lal nihna tih awmzia chu Pathianin kan nun kaihruai tur leh a duhzawng tihlawhtling tura a Thlarau hmanga chakna pe tura rinna a ni.
Mimal nunah enkawlna țha tak neih theihna tura thil pawimawh ber berte chu engte nge ni? Enkawlna bul tanna chu Pathianin enkawltu hna a tan tir tih hriat hi a ni. Nunna min pe a, intimate partnership-ah min sawm bawk. He thawhhona hi Isua Krista chu Chhandamtu anga pawm atanga tan a ni–chhandam hlimna tawn a ni. Chu chuan kan nun Lalpa emaw, Neitu emaw anga pawm thei khawpa Amah rinchhan turin min hruai a ni. Chutiang chuan A kaihhruaina chu kan pawm a ni. Chumi hnuah chuan Thlarau Thianghlim min pe a, Isua Krista chu kan nunah rawn luhtir a, nun leh a rawngbawl theihna chakna min pe a ni (Ezekiela 36:26-27; Phil. 2:12-13, leh Ephesi 3:16-19). Chutiang chuan Pathian chuan Amah nena thawhhona neiin kan nun a kaihruai a, a tichak bawk.
Sum hi enkawltu rawngbawlnaah hian a tel chhunzawm zel tur em ni?
Sum leh pai lama zirtir nihna hi stewardship rawngbawlna atana thil pawimawh tak a ni. Sum hi kan nunah Pathian nena inneihna dik tak a ni (Matthaia 6:24). Kan nun hi sum leh pai lamah Pathian nen kan inzawm hi a pawimawh hle. Zirtîr nihna pêng pakhat chu kan nun pêng tinah Pathian chu Pathian ni tûra zir hi a ni. Sum nena inzawmna hi kan nunah Lalpa chu Lalberni tura kan ruat bulpui ber tihna a ni. Sum leh pai zirtirna hian Pathianin kan kuta sum leh pai lama a dahte enkawl dan zir a huam a ni. Bible-a thil ngaih pawimawh ber ruahhmanna te, budget siam leh enkawl te, Pathianin kan kuta a dah zawng zawng hmanga enkawl te a huam a ni.
Stewardship rawngbawlna hlawhtling tak neih theihna tura thil pawimawh tak takte chu engte nge ni?
Enkawltu nihna hi Pathian Lal nihna mihring lam a nih avangin zirtir siamnaah kan rilru kan dah a ngai a ni–miten Pathian an hriat theihna tura tanpui leh an nun kawng tinrengah a inzawm tir hi. Chutiang chuan stewardship rawngbawlna hian zirtir nihna nunphung philosophy zau tak a siam chhuak a ni. Zirtîr nihna chungchangah a sensitive tur a ni a, discipling resources a siam chhuak tur a ni. Hei hian thlarau lam hruaitu nihna chu enkawltu rawngbawlna atana thil pawimawh tak a ni. Chuvangin hruaitute thlarau lam hruaitu nihna siam tura pui thei tur resources pawh kan siam a ngai a ni. Chutih rual chuan sum leh pai lama zirtirna kawngah pawh resources kan siam chhunzawm zel a ngai a ni. Hei hian sâwma pakhat leh thilhlan chungchânga Bible zirtîrna a huam a ni. Stewardship hi hruaitu rintlak leh kohhran sum leh pai hriatna atanga din a nih avangin, stewardship rawngbawlnaah hian Kohhran sum leh pai chungchang leh kohhran sum hman dan chungchang thu kimchang leh hriatthiam theih tak tak ah te a tel ve tur a ni.
Sawma pakhat
Sawma pakhat chu eng nge ni?
Sawma pakhat chu rinawmna thiltih a ni–Pathian chu kan kuta a dah hmun sawma ṭhena hmun khat pe let lehin kan thil neih leh nunna neitu a nihzia hriatchhuah hi a ni. A thianghlim a, Pathian ta a ni. “Ram zawng zawng sawma pakhat, leia buh emaw, thinga rah emaw, Lalpa ta a ni a; Lalpa tan a thianghlim a ni” (Leviticus 27:30, NIV).
Engvangin nge sawma pakhat ka pek ang?
Pathianin sawma pakhat pek dan tur min hrilhna chhan bulpui ber chu kan nunah thiltihtheihna lam hawia Amah nen inzawmna tha tak nei thei tura min puih vang hi a ni. Sawma pakhat pek chhan chu Pathian chibai bukna a ni. Kan thil punna hmun sawma ṭhena hmun khat A hnena kan pek let hian Pathian chu kan kuta a dah zawng zawngte neitu a ni tih kan hre chiang hle. Sum lakluh emaw, tihpun emaw atanga sawma pakhat kan pek apiangin Pathian chu kan kuta a dah zawng zawng neitu a ni tih kan hre reng thin.
Sawma pakhat pek chhan ber chu eng nge ni?
A tum ber chu Chanchin țha rawngbawlna tur atan a ni. Bible sawi danin sawma pakhat pek chhan bulpui ber chu Pathian chu neitu a ni tih hriatthiamna min pe hi a ni. Kan Kohhran kaltlangin sawma pakhat chu A hnenah kan pe let leh thin. Chumi hnuah Pathian chuan a kohhran rawngbawltute tanpui nan leh a rawngbawlna sum atan a hmang ta a ni.
Engtin nge sawma pakhat ka pek ang?
Sawma pakhat pek dan tha ber chu i sum emaw, i thil siam emaw i tihpunna 1/10 emaw, sum lakluh emaw i hriat hmasak ber chu dah hrang la, Pathian kohhran ah pe rawh. Pathian chu i Siamtu leh I tlantu a ni tih hre reng chungin I lawina kohhranah dah rawh.
Engtin nge sawma pakhat hi hman a nih?
Seventh-day Adventist Kohhran chhungah sawma pakhat chu tualchhung kohhranin an dawng a, Kohhran Policy angin sawma pakhat sum zawng zawng chu conference office-ah thawn tur a ni. rawngbawlna atan pastoral hlawh atan sum hman a ni
1. Sawma pakhat pek chhan ber chu pawisa khawn khawm hi a ni lo va, mimal tinte’n nun kawng tinrengah, a bik takin sum leh pai leh thil neih kawngah Isua Krista lalna chu inzawmkhawm tir tura tanpui a ni zawk.
2. Mi tin hian Pathian hnena sawma pakhat pek hi tawnhriat kan neih a pawimawh.
3. Sawma pakhat pek thu bul ber hi mimal emaw chhungkaw emaw tihpunna ațanga siam a ni. (Lev. 27:30-33).
Thilpekte (Offerings)chu eng nge ni?
Thilpek hi Pathian malsawmna leh thatna chhân lêtna, hmangaihna kan chhân lêtna a ni. Kan nun hi sum leh pai hmanga Pathian nen inzawmna tha tak neih belh zel tura puitu atan an thawk a ni. Pathian chu Neitu a nihzia hriain, Thlarau Thianghlimin thiam loh a chantirna chu kan hrethiamin–kan kuta a dahte kan enkawl a, kan kuta a dah ṭhenkhat chu pe let lehin Pathian ta a nihzia kan lan tir a ni.
Engtin nge thilhlan ka pek ang?
Kan thilpekte hi thu bul pahnihin a kaihruai tur a ni-Pathianin mal a sawm angin leh a Thlarau hmanga min kaihruai ang zelin–“Mi tinin an thinlunga pek tura an rel chu pe tur a ni a, duh lo emaw, nawr luih emaw ni lovin, Pathianin hlim taka petu a hmangaih si a” (2 Kor. 9:7, NIV).
“Storehouse” tih hian eng nge a awmzia?
“Storehouse” tih thumal hi tunlai tawngkam a lo ni ta a, sawma pakhat kan kenna hmun kan thlan dan sawina a lo ni ta a ni. Malakia 3:10-a Pathian kohna ațanga lo chhuak a ni-“Ka inah eitûr a awm theih nân sâwma pakhat zawng zawng chu thawhlawm inah rawn la rawh u,Vân tukverhte chu hawnsak che uin Malsawmna dawn sên loh khawp hial ka vûr dawn che u nge dawn lo, mi han fiah teh rêng u, Sipaihote LALPA chuan a ti.
“Storehouse” tih thumal hi khawi atanga lo chhuak nge?
Storehouse tih ngaihdan hi Lal Hezekia hun harhna hun lai khan mipuiten harhna an kalpui mek zingah sawma pakhat an pek tawhte an pek let leh khan a intan a ni. Chutiang chuan thil tam tak an rawn luhtir a, lalin thil dahkhawmna pindan siam turin thu a pe ta a ni (2 Chronicles 31:2-11).
Seventh-day Adventist Kohhranah hian engtin nge “Storehouse” hi a thawh?
conference office hi Seventh-day Adventist Kohhran chhunga sawma pakhat dahna hmun anga ngaih a ni. Sawma pakhat chu tualchhung kohhran kaltlangin pek kir a ni a, chumi hnuah conference-ah hlan chhawn a ni a, chutah chuan khawvel kohhran hmun hrang hrangah sem a ni.
STEWARDSHIP MINISTRIES
Stewardship ministries hi enkawltu țha tak ni tura memberte țanpuitu atana din leh kohhran zawng zawng Pathian remruatna anga thilphalna awmze nei tak mai tihpuitlin a nih theihnana din a ni. Enkawltu nihna hian a nih dan tur ang taka Mihring nun pumpui enkawlna hi a huap a ni; enkawlna hna hian kan taksa te, kan theihna te, kan sum leh paite hi enkawl dan tur ang taka enkawla , hman dan tur ang taka hmang turin min fuih a ni (Church Manual 2015,phek 139)
Stewardship Ministries department leader mawhphurhna te
1. Stewardship ministries leader chuan Kristian enkawltu nihna nunphung hi, a takin a nunpui ngei tur a ni.
2. Kohhran thlarau lam, sum leh pai hmanga rawngbawlna pawh a man thiam bawk tur a ni.
3. Leader chuan Conference stewardship ministries director te, Pastorte leh Board thawhpui sela
4. Leader chu Conference stewardship leh kohhran mipuite kara palai hna thawktu ber a ni (Church Manual 2015, phek 140)
5. Stewardship Ministries hruaitu(leader) chu khawvel pum kohhran thawhlawm leh tualchhung kohhran thawhlawm enkawl dan chungchanga kohhran mite zirtir tura mawhphurtu a ni.
6. Sabbathsikul hunah khawvel pum kohhran thawhlawm hi zau zawka hman a nih dan phung chiang taka sawifiah tur a ni.
7. Divine service hunah chuan zau zawka tualchhung thawhlawm hman dan chiang taka sawifiah(promote) țin tur a ni.
8. Kristian nundan kawngah entawn tlak a ni ang (CSP phek 9,17).
TUALCHHUNG KOHHRAN STEWARDSHIP COMMITTEE-A TEL TUR TE CHU :-
Chairman : Church Pastor /Elder
Secretary : Stewardship Leader
Memberte : Elderte, Head deacon, Treasurer te, Personal Ministries Leader, Finance committee Chairman, Communication secretary (CSP phek 20).