Children’s Ministries

Children’s Ministries Department thupui leh innghahna:

Children Ministries Department thupui chu nausen pianghlim atanga kum 14 te rinna siam leh thantir. Kar tin a Sabbath School-in sakhaw lam kaihhruaina a pek bakah, kawng hrang hranga naupangte Isua hnena hruai tura an tana rawngbawlna buatsaih a ni. Isua thupek ropui tak “Hnamtina mi zirtiraa siam a, Pa leh Fapa leh Thlarau Thianghlim hminga baptisma chantir” ah hian naupang te pawh an tel ve ngeia kan rin avangin Isua hnena A ta ni tura intiam thei tura hruai tum a ni.

Mission Statement:

Children’s Ministries thil tum chu hmangaih taka Isua rawngbawltu ni tura chawm len a ni.

Hemi ti puitling tur hian heng kawng hi a ruahman a:

  1. Grace-oriented Ministries: Khawngaih/Hmangaih rawngbawlna- hemi hmang hian naupang tinin Isua hmangaihna thu delhkilh kher ngai ve lo an channa, a ngaihdamna famkin pawm a, A hnena inhlanna an neih beisei.
  2. Inclusive Ministries: He rawngbawlna huapzo hian naupang tana thawktu leh a naupanga te chu an vun rawng emaw, hnam emaw, tawng emaw, kum emaw, hausak leh retheih emaw in a thliar hrang leh daidang miah lova Pathian ngaiha hlu an nihna avanga rawngbawl a ni.
  3. Leadership Ministries: Naupangte tana thawktuten hlawk tak leh tangkai taka rawng an bawl theih nan training pek, thuneihna peka thuam a ni.
  4. Service-oriented Ministries: Naupangte mahni veng chhung leh hmun dangah pawh che chhuaka rawngbawlna remchang siam sak a, an dam chhunga an tih’chin chhoh zel atan remchanna siam sak.
  5. Safe Ministries: Sualna a pun nasat taw hem avangin naupangte tana thawktu tur thlan fimkhur hle a tul a. Kohhran chuan mi thlarau mi leh mi nun that e thlang sela. Chu bakah chuan naupang te chunga hleilenna hrang hrang, physical, emotional, spiritual, kohhran thurel fello avanga an tuarna tur atanga hum.
  6. Evangelistic Ministries: Naupang thenkhat chu kohhran huang chhunga awm an nilo thei a, chungte chu Isua hmangaihna in thlen phak tir turin outreach programme- VBS, Branch Sabbath School leh Story Hours ang te siam sak a ni.

CHILDREN MINISTRIES PAWIMAWHNA

            Mi tamtak chuan naupangte chu kan kohhran future pawimawh takah kan ngai a, dik pawh a dik reng. Chuti anih si chuan kohhran leh nu leh pa leh zirtirtute hian mawhphurhna kan nei a ni lawm ni? Future nghakin tunah engmah ti si lovin kan thu mai mai dawn em ni ang? An thanchhoh mek lai hian pause button hmet mail ova, theih tawp chhuaha, chhandamtu pawm thei ngei tura zirtir hi kan mawmawh a ni.

            A hmasa berah, Kohhran tinah Children’s Ministries Coordinator dah. A dawtah chuan Pastor leh Upa zawng zawng ten naupang enkawltute thiamna leh theihna te a tam thei ang ber leh nasa bera hmang thei tura chawhphur leh support a ni.

Zawlnei thu chhuak thenkhatte:

D.A. 496     ‘Awlsam tea chanchintha zirtirna pawm thei mai te chu naupangte hi an ni tih hi a la dik ta zel a, an thinlung chu Pathian thu atana a inhawngna, an pai nghet thei ber bawk. Naupang tete hi an naupan ang hua an hriatna ngaihtuahin Kristian an ni thei vet ho a ni. Thlarau lam thilte zirtir an mamawh a, chung thilte chu Krista nungchang ang an neih theih nan, nu leh pa ten an zirite thin tur a ni.’

C.G.169      ‘Naupang tet laia inzirtir pawimawh dan hi ‘lutuk’ awm thei lo a ni. Naupang kum sarih hnuai lamin thil a zir ang tluka nungchang siamtu hi a hnu zeal an zir atangin an hria.’

171                ‘Naupang kum 12-15 inkar velin kawvel thil leh chatuan thil an hriat tam theih tawh zia hi mi tlemte chauin an hria.’

C.T. 166-7    ‘Khawvel chanchin khar mek lai hian heng naupang leh thalaite hian thutak tana hriatpuitu an nihna chu thlarau leh thiltihtheihna in mite mak tih khawpin an tarlang ang. Pathian tih dan an lo zir tawh a, an thinlung chu khun taka Pathian thu zirna leh tawngtaina in a tinem a. Kan hma lawkah hian naupang tamtak chu Pathian thlaraua thiamin kohhran member puitling zawk ten thutak an puan theihloh hunah khawvel hnenah thutak an puang dawn a ni.’

GENERAL CONFERENCE STATEMENTS ON CHILDREN:

Seventh-day Adventist kohhran chuan naupang tinin chhungkaw hlim leh nuam leh Pathian in ni tura a lo duan an nih ngei theih nan zalenna leh dikna chanvo an nei tih a ring a.  1989 ah UNO in naupangte pawimawhna a ziah ‘Convention on the Rights of the Child’ tih zulzui in leh Isuan naupangte a lo ngaihhlutna hre rengin heng lak a\ang hian naupangte ven leh \anpui a tum a ni.

  • Retheihna – retheihnain naupang \hanlenna leh hriselna leh zirna a khawih avangin ei tur, thuam leh chenna nei lote \anpui.
  • Illiteracy – Nu leh pa ziak leh chhiar thiam lo chuan an faten an thlen tur thleng phak lovin an siam a, he harsatna hi tihkian  a tum a ni.
  • Hriselna – Naupang maktaduai tam tak chuan damdawi \ha leh hriselna tura ei tur an nei lova, hengte \anpui hi kan mawhphurhna a ni.
  • Hleihluak taka naupang chhawrna: Naupang tam tak chu hlawh tlemtein dawrah te leh labor-ah te chhawr an ni a, \henkhatte phei chu puitling in tisa chakna hrikthlak nan an hmang a, heng tuar te \anpui hi kan tum a ni. 
  • Tharum thawhna: Indona tualchhung leh hnam indona avangin naupang tam tak kumtin an thi a.  A thi lote pawhin tisa leh rilru lam hliam thuk tak an tuar a, hengte chhanchhuak tura puih hi kan tum a ni. 

Kohhran chhunga naupang programme te:

  1. Naupang Sabbath School:
  2. Beginner (Cradle Roll) Kum 0 – 2
  3. Kindergarten kum 3 – 5
  4. Junior kum 6 – 10
  5. Earliteens kum 12 – 14
  6. Children’s Church: Divine Service – Hei hi rei tak \hu theilo naupang kum 2-8 tan a ni zual bikin a pawimawh hle.  Junior te chu junior church an neih loh chuan service pangngaiah an tel thei a.  Hei hi thla khatah \um khat emaw \um hnih emaw neih a ni.
  7. Naupang \awng\ai inkhawm: Naupangte rinna tihchak nan leh an phak tawka inzirna hun a ni.  Biak inah kher lo pawh inah a neih theih.
  8. Naupang Baptisma Class:  Naupang baptisma chan chak te tana chang thei tura buatsaihna a ni.  Kohhran thurin an hriat thiam theih tura zirtirna  tur a ni..
  9. Naupang zaipawl: Music hi rawngbawlna \angkai tak anih hriat tirna atan leh zai lam zirtirna atan a \angkai.
  10. Children’s Sabbath: Kum tin October chawlhni vawi thumnaah neih \hin, kohhran rawngbawlnaah naupang te telh ve a, thiltih tir.
  11. Naupang retreat:
  12. Children Music Festival