Graceland School

Graceland Adventist School hi 15 July, 1967 khan Saitual hmunah, ‘Seventh day Adventist Mission School’ tiin , Pu Thangpuimangan Bible chhiar leh tawngtaiin a hawng a. Headmaster hmasa ber leh bul tan tu chu Pu Lalliana Colney a ni. Hun engemaw chen Saitual-ah a awm hnuin, ni 9 August 1978 khan tuna a awmna Police Veng, Keifang, Saitual ah hian sawn a ni ta a ni.

Graceland Adventist School hi a hming hmasa, Seventh day Adventist Mission School tih chu kum 1978-a tuna a awmna hmuna sawn anih rualin, Headmaster tanglai, Pu C.Chawngthanzama chuan ‘GRACELAND ADVENTIST SCHOOL’ tiin a hming hi phuahin, thlak a ni ta a ni.

Kum 1978-a School Building sak chu hun rei tak hman a nih hnuin, kum 2013 leh 2014 humah Mizo Conference of Seventhday Adventist atangin Building Grant hmuh a ni a. Tuna Nursery, KG leh Hostel atana hman mek hi sak a ni a. Chumi bakah kum 2016-ah Mizo Conference President, Pr. R.Biakthansanga hmalakna in, Maranatha in tuna kan School Building hi min rawn sak sak ta a ni.

Hun rei tak chhung chu Class-VII thleng zirna ni thin kha kum 2013 atangin HIGH School hawn tan a ni a, Class-IX a bul tan a ni a, 2014 ah Class-X hawn chhoh leh a ni. Tichuan, Graceland Adventist School chu Nursery-Class-X zirna School a lo ni ta a ni.

School din tirh atanga tun thleng a kan kal theihna chhan chu Pathian khawngaihna leh enkawlna vang liau liau a ni a. Lalpa chu fakin awm rawh se.