2024 4th Quarter Kindergarten Zirlai 2-na

Isuâ hova intihhlimna

October 12, 2024

Chângvawn: “Dam lo ka nihin nangnin min enkawl \hîn,” Matthaia 25:36, NIV.

Chhiâr Tûr: Luka 4:38-44; Chatuan Nghahfâk, pp. 275-278.
Thuchah: Damlote kan \anpuiin Pathian rawng kan bâwl.

Khawsik sâng tak i nei tawh ngai em? Lum leh hrehawm i tihzia kha i la hria em? Hmânlai hunah khân Isuan damlo khawsik sâng tak chu a \anpui a ni.

Isua chu a châu vê hlê mai a. Ni lêngin mipuite a zirtîr tawh a, chawlh hahdam a
châk vê tawh hlê mai a ni. Isua \anpuitu zînga pakhat chu Petera kha a ni a, an in
awmna pawh a hla lo. Isua chu Petera-te inah châwl tûrin a kal a. Thil ei tûr eng emaw tê tê pawh a awm a beisei a ni.
Mahse Petera-te inah chuan harsatna a awm tlat mai! Petera nupuia nû chu a khuâ a sik a. A pang pawh lo sa hluah mai a, damdâwi han ei mai tûr lah chu a awm bawk sî lo. Petera-te chhûngkua chuan pawi an tihpui êm êm a ni.
Petera chuan, “|anpuitu atân Isua ka sâwm teh ang,” a ti rilrû a. A sâwm ta ngêi bawk a. Isuâ hnênah chuan a nupuia nû chu dam lovin, a khuâ a sik hluah mai a, a reh mai thei bawk sî lo tih a hrilh a. Isuan \anpui sê a duh hlê a ni.
Isua chu thâwm dîm takin Petera-te inah chuan lûtin, hmeichhe dam lo awmna chu a pan nghâl a. A khuâ chu a lo sik hluah mai rêng a! A chhûngte ngaihsak tûr pawhin a tho peih ngang lo a ni.
Isua chuan hlim takin a’n nuih sâih a. Chutah, chû hmeichhe lamah chuan kûn hniâmin, a khawsik chu kal kiâng daih tûrin a hrilh a. A khawsik chu a teh ta nghâl mai a nih chû! Ani pawh chu tho chhuak nghâlin, Isua leh a zirtîrte ei tûrte a siamsak ta nghâl mai a ni.
Chû chu chanchin ngaihnawm tak a nî! Petera-te inlêng chuan khawsik a tidam thei a nih chû! Mîte chuan chû thû chu an inhrilh chhâwng zêl a. Chû khuaa mî zawng zawngte chuan Isuan Petera nupuia nû khawsik a tihdam tih chu an hre ta \heuh mai a. Nakin lawkah chuan Petera-te in kiangah chuan mipui tam tak an lo pung khâwm a. |henkhat chu damlo, Isua tihdam nih duhte an ni a. |henkhat chu an chhûngte leh \hiante damlo rawn hruaite pawh an ni bawk.
|henkhat chu kêin an lo kal a, \henkhat chu an \hianten an rawn zâwn bawk a. Lo kal chu an indawt zut reng mai a. Tâwp chin nei lo tûr ang hiâl an ni mâi!
Chûng mîte chu Isuan a hmangaih \heuh a. Damlo leh \anpui ngai tam tak Isuan a hmuhin, a khawngaih êm êm vek mai a ni. An vâi chuan lo dam \ha vek sê a duhsak a ni. Chutiang a nih avâng chuan zân thlengin anni chu A tidam zui zêl a. Damna chan duha Amah rawn pantu an awm chhûng chu a \anpui ngar ngar mai a ni.
Chû nî chu ni rei tak leh hlimawm tak a ni. Isua pawh a hahin, a châu vê hlê nâin, a hlim hlê tho a ni. Damlo tam tak \anpui a, a tihdam theih avângin a hlim a. Isuan damlote tihdam zêl hi a duh a. Nangnî eng nge in tih vê theih ang le?
Hlim takin in nuih sâih thei a. Mî tihlim thei hlâte pawh in saksak thei a. Tuisik in tûrte pawh in pe thei bawk a. Chûng zawng zawng bâkah chuan, Isuâ tihdam tûrin in \awng\aisak thei a ni. In \awng\aina chu Isuan ngaithlâin, a chhânsak zêl dâwn che u a ni!

Tìh Tûr leh Sawi Tûr
Sabbath Chàwhnû: Tûn kâr nî tinin Bible thawnthu zirlai hi chhiar ho \hîn ula, heta zaizir hmanga chângvawn sawi dân tûr hi hmang ang che u:
Dam lo . . . . . . . Chal dawm tûr
Ka nihin. . . . . . . . . . . Mahni inkâwk la.
Nangnin. . . . . . . . Mi dangte kâwk la.
Min enkawl \hîn.. . Mî kuah anga mahni inkuah.
Matthaia 25:36 . . . Kutphah thlawp a; lehkhabu kêu anga tih leh.
Sunday: Dam lo tû emaw tâna Sabbath Sikula milem emaw, card emaw in siam kha thawn tûrin naupang chu \anpui ula. Chû mî tân chuan \awng\aisak ang che u.
Thàwh\annî: Vawiin hian in chhûng zînga tû emaw chu vawi lî tal kuah ang che u. |um khatah ti sek sek lo vin khât mâwi tâwk tal ni se. Mîte va pawm/kuah hian rilru nuâm zâwkin kan awmtîr thei tih hre reng ang che u.
Thàwhlehnî: Mî tûte emaw chuan rilru nuâm zâwk an lo put theih nân hlimna lam hlâ sa ho teh u.
Nílâinî: Mi hrisêl \ha pângngaite chuan tui emaw theitui emaw tam tâwk an in bâkah, eitûr hrisêl chî chauh an ei \hîn a ni. In fâ chuan intûr hrisêl glass hnih tal a neih theih nân \anpui ula, no khat chu amahin in se, no khat dang chu chhûngte zînga mî emaw, an \hian emaw intîr vê tûrin in ti dâwn nia.
Níngãnî: Mi tû emaw rilru/taksa awm nuâm chiah lo in hriat chuan, chû mî chu call/tlawh tûrin in fâ chu in fuih phûr dâwn nia. Damlote kan \anpui thei tih hriat hi a \hâ a ni lo’m ni?
Zìrtâwpnî: In chhûngkaw worship-naah, hê Bible thawnthû hi lemchanah hmang ula. An dam loh laia an rilru awm dân phung sawi tûrin in chhûng zînga tû emaw chu sâwm ula. Isua anga mi dangte kan \anpui vê theih dân tûr ngaihtuah tlâng ula. Damlo tû emaw tân \awng\aisakin, “Isuâ hnêna lâwmthu sawina” lam hlâte in sa ho dâwn nia.