2024 4th Quarter Primary Zirlai 1-na

OCTOBER  5

JAKOBA ZIN KAWNG A TÂWP TA

Chângvawn: “Kan ngilneihna hmangin Pathian chhiahhlawhte kan ni tih kan lantîr”  (2 Korinth 6:6)

Chhiar tûr: Genesis 29: 1–14; Thlahtubulte leh Zawlneite,p 188

Thuchah: In chhûngkhura kan ngilneihna hian mi dangte rawngbâwl dân zir tûrin min \anpui \hîn

In chhûngkuaa miin i ngen ngâi miah lova a \anpui \um che kha ngaihtuah la. Eng nge an tihsak che? An ngilneihna chuan a ti phu zâwk che em? Tûn kâra kan ngaihthlâk tûr thawnthu hian thil pawimawh tak min hriat chhuahtîr a; chu chu ina ngilnei taka awm a\anga mi dang rawngbâwlsak kan zir hi a ni.

Zîng a lo ni a, Jakoba chu Haran pana a zin kawng zawh zêl tûrin a han tho va. A laka unaupa a thinur êm avânga an in chhuahsan a ni. A pa bumin a u malsâwmna dâwn tûr a dâwn khalh a. Hei vâng hian a nu chuan ama nu\a Labana hnêna hun eng emaw chen va awmtîr chu tih dân tûr \ha tak niin a ngâi a. Chu bâkah, chutah chuan Jakoban nupui tûr a va hmuh a beisei bawk a ni.

A hma zânah chuan lung lukhama hmanga a muthilh lâiin mumang a nei a. Leilâwn lo hmuin a chungah chuan vântirhkohte an chhukin an chho va. Pathianin amah chu lo biain a hnêna awm zêl a tiam a. Zînga a han thanharh chuan Pathian chu biain Pathian chu a Pathian a ni ang tiin a tiam a. Tûnah chuan a zin kawng zawh zêl tûrin a inpeih ta.

Zin kawng thui tak a ni a, mel 450 vêl lâi a ni ang, kein chawlhkâr thum zet a kal a. A tâwpa tâwpah chuan, chhûn leh zân tam tak a thang hnuin Haran khawpui chu Jakoba chuan a lo hnaih ta. A nu chhûngte chutah chuan a tawn a beisei a. A zin kawng a tâwp \êp ta a, a hlim khawp mai.

Haran khaw dâiah chuan Jakoba chuan tuichhunchhuah a hmu a. Chhûn lâi a ni a, chutah chuan berâm rual thum lo bawk chu a hmu bawk a. Chhûn lâiah te eng tizia nge tuichhunchhuah bula berâm chu an awm ni ang le tiin a ngaihtuah a. He tuichhunchhuah hi Jakoba  awmna vêla awm nên a danglam a. Tuichhunchhuah kawngkaah chuan lung lian tak hi a awm a. Berâmten tui an inna tûr tui kuang a awm ve si lo. Jakoba chuan tuichhunchhuah chu a va pan a, chu lâi hmuna berâmpu awmte chu a bia a.

“Ka unaute u, khawia awm nge in nih?” a ti a. Pakhat chuan “Haran khuaa mi kan ni” a ti a. Jakoba chuan “He lâia awm ve Labana in hria em?” a ti leh a. Berâmpute chuan, “Hria e” an ti a. Jakoba chuan. “A dam lâi a ni em?” a ti a.

Berâmpu pakhat chuan, “Aw dam lâi e, hei a fanu Rakili pawh a pa berâmte hruaiin a lo kal hi; amah hian a vêng \hîn a” tiin an lama nula tuai deuh lo kal chu a kawhhmuh a. Jakoba chuan a han en a, tuichhunchhuah pana Rakili lo kal chu a hmu a. La hla deuhvah chuan berâm rual hruaiin a lo kal a ni.

Jakoba chuan berâmpute chu biain “Enga ti nge berâmte hi tui intîr a in tlattîr leh mai loh le, ni a la sang hle si a?” tiin a zâwt a. Anni chuan, “Kan thei lo. Berâm rual zawng zawng an kim hunah lung hi lum sawnin ran zawng zawng tui kan intîr a, chutah tuichhunchhuah hi kan chhin leh \hîn a ni” an ti a.

Jakoba leh berâmpute inbiak lâi chuan Rakili chu berâmte nên an lo thleng ta a. Jakoba chuan lung chu a lum sawn a, a pu Labana berâm rualte chu tui a intîr ta a.

Zaidam takin Rakili chu a bia a. “I chhûngte zînga mi Jakoba ka ni a, in chhûngkua hmu tûrin hla taka tânga lo kal ka ni. I pa farnu Rebeki kha ka nu a ni e” tiin a hrilh a. A tâwpa tâwpa a chhûngte a hmu chu a lâwm em avângin a tap ta. A zin kawng thui tak chu a tâwp ta. A chhûngte a hmu leh ta a ni.

       Rakili chuan, “Hetah hian lo nghâk la, ka pa hnênah heta i awm thu ka va hrilh ang e” tiin rang takin in lam panin a tlân ta nghâl a. A pa hnênah Jakoba chanchin chu a hrilh a. Labana chuan chu leh chena hla a\anga Jakoba lo kal a hriat chuan mak a ti a. Rakili rualin hmanhmawh takin tuichhunchhuah lam a pan a. “Jakob, ka hmu che chu ka lâwm hle mai” tiin a tupa chu a pawm a, a fâwp a. “Heta i lo kal chu a lâwmawm hle mai. Ti rawh i haw ang” a ti a.

Labana chuan hma a hruai a, rei lo teah Labana in chu an thleng a. Jakoba chuan Labana hnênah a rawn kalsan a chhûngte chanchin a hrilh a. A nu Rebekin a pu Labana hnêna a kaltîr dân te a hrilh a. A pu chuan a tupa chu lâwmin Labana chhûngkuaa mi a lo ni ta. 

Jakoba chuan tuichhunchhuah ata lung lum sawnin Rakili a \anpui a. A berâmte chu tui a intîr bawk a. Tu ma’n ti tûrin an ngên lo. Ngilneihna leh zahderna Rakili chungah a lantîr a ni. Ti tûra ngên kher lohvin mite i \anpui thei em? Mahni chhûngte chunga ngilneiin mi dang rawngbâwlsak i zir thei a ni. Tûn kârah hian mi dangte rawngbâwlsak tûrin eng nge i tih ang le?

Tih tûrte

Sabbath

• In chhûngkuain berâm an vulhna hmunah kal ula. A theih chuan berâmte chu chhiar la. I chhûngte chu berâmin eng nge an mamawh ber zâwt la. A nih loh leh berâm chungchâng inziahna lehkhabu en la, eng tianga enkawl nge an mamawh? Pathian hnênah ran i hlimpui avângin lâwmthu hrilh ang che.
• I zirlâi hi i chhûngte hrilh ve la. Chângvawn kha zirtîr ang che. (chêt dân tûr Sabbath sikula in zir kha hmang la)

Sunday

• In chhûngkaw inkhâwmnaah Genesis 29 :1–3 chhiarin sawi ho ula. Jakoba zin kawng tâwp dân sawi ula. Eng nge a hmuh? Tuichhunchhuah an chhin chhan eng nge nia i rin?
• In Sabbath sikulah in lem ziak ula. Tûn kâra i chhûngte chunga ngilneihna i lantîr hriat chhuahtîrtuah hmang ang che. Makti deuhvin siam ang che.

Thawtânni

• Vawiinah chhûng inkhâwm lâiin Genesis bung 29: 4–6 chhiarin sawiho ula. Jakoban berâmpute kha engtin nge a koh ? Engte nge a zawh a engtin nge an chhan? Berâmpute khân Jakoba kha an hria em?  Engte nge sawia i rin?
• Lehkhapuanah ‘in,’ ‘sikul’ leh ‘\henawm’ hmun siam thliah la, kâr khat chhûnga i chunga miin ngilneihna an tih lan tarlang thliah teh. Mi ngilneite avângin Isua hnênah lâwmthu sawi la.

Thawhlehni

• Vawiin chhûng inkhâwmah Genesis 29 :7 leh 8 chhiar la. Jakoba ngaihdânin berâmpute tih tûr kha eng nge? Engatinge an tih loh? Mi dangin an tih anga tih zêl tûr a ni em? Eng vângin? Entîrna siam rawh.
• Midangte danglamna pawm thei tûrin Isua dîl la. Nângmah ang lo deuh Tu emaw ngaihtuah la, an tân \awng\âi ang che.

Nilaini

• In chhûngkuain Genesis 29 :9–12 chhiar ula, Engtin nge Jakoban Rakili rawng a bâwlsak? Rakilin engtin nge Jakoba rawng a bâwlsak?
• Jakoba leh Rakili inlaichîn dân sawi la. I nutei emaw patea fate nên in inlaichîn dân eng nge? Tûn kârah an chunga ngilneihna i lantîr theih dân tûr ngaihtuah ang che. ‘Sing for Joy’ no 136 ‘A Happy Home’ emaw No 137 ‘Mâwinain a hual’ tih sa la. I chhûngte avângin Isua hnênah lâwmthu sawi la, ngilneihnaa rawng i bâwlsak theih nân dîl ang che.

Ningani

• Chhûng inkhâwmnaah Genesis 29:13,14 chhiarin sawi ho ula. Jakoba hmu tûra Labana hmanhmawh chhan eng nge nia i rin? An inhmuh khân eng nge a tih? Eng nge sawi duna i rin? Châng 14 chhiar la, Labana sawi awmzia eng nge ni?
• Lehkhapuanah i ke thla chhui la, chep thla ang che. Chutah chuan mi \anpui nâna i ke hmanga i tih theih tûr ziak ang che. Naktukah ti la, zîngah i rah a, i hriat chhuah theih nân i mutna bulah i hniak chu dah ang che.

Zirtawpni

• Zânin chhûng inkhâwmnah in zirlâi kha a lem chang la. Tu nge Jakoba châng ang a tu nge Rakili châng ang? An chan duh zâwt theuh la. \awng\âi hmain chângvawn en nawn ang che.
• Tu emaw Isua \anpuina mamawh ngaihtuah chhuakin \awng\âi sak la. An mamawh ni i hriat Isua hrilh la. (a hmangaih tih an hriat nân, an dam nân, an lungngaih lâia an rinchhan nân) A \ha ber ti tûrin Isua ngên la, in \awng\âina ngâithlaa a chhân avângin lâwmthu hrilh ang che.