2024 4th Quarter Rawngbawlna Chanchin 10

Sabbath 10-na December 7

KALEBA NUIH CHHAN

Kaleba               Alaska              

     Camp Polaris, Alaska hmuna camp an neihnaah Kaleb-a chuan inkhâwm kaihhruai a tum a. Chu chu camp an \an a\anga a ni hnihna a ni . Thil chi hrang hrang an tih nilên avângin a kaihhruai mipa naupang parukte leh amah ngei pawh chu an chau hle mai a.

     Kaleb-a chuan bul a han \an chauh a, mipa naupang pakhat chu a muthlu nghâl a. Sahdah hmuan a chîn \hîn a nghei avângin a taksaah a rawn \hîng lêt (withdrawal) leh a; chuvânga mu thei lo chu a ni. Seventh-day Adventist nipui camp-a lo lût, Alaska  ram naupangte chu sahdah hmuam deuh vek an ni a, camp an neih a\anga ni eng emaw zât chhûng chu nicotine tûrin a \hîn lêt avânga tuar deuh vek an ni hlawm.

    Chutia naupang an mut lâi chuan Kaleb-a chuan an mutna pindanah mei a chhêm a. Nipui lâi mah ni se, Alaska ram chu vawt tak a ni.

    Mipa naupang dang pangate chu chau hle mah se, mut an la duh lo a. Mipa naupang pakhat chuan, “Mei kan rawn hnaih thei ang em?” a ti a.

    Kaleb-a chuan inkhâwmnaa tel tûr mipa naupangte chu a sâwm a. An inkhâwm chu zawhnain bul an han \an phawt a.

    Kaleb-a chuan, “Pathian hi i tân tu nge a nih?” a ti a.

    Mipa naupangte chuan chhân an lo tum fur a.

    Pakhat chuan, “Chhandamtu a ni,” a ti a.

    Pakhat dang chuan, “Vânah a awm,” a ti a.

    A pathumna chuan, “Rinawm taka ding nghet tak a ni,” a ti a.

    Hemi kuma an camp thupui pawh hi, “Rinawm taka ding nghet” tih a ni.

   Tûnah chuan Pathian hi tu nge a nih tih chu Kaleb-a sawi ve hun a ni ta.

“Pathian chu kan nih ang anga min hmangaihtu a ni. A thilphal a, ngaihdamna a ngah a, khawngaihna a ngah a, zahngaihna a ngah bawk,” a ti a.

Mipa naupang pakhat chuan, “Thu ropui tak tak hlîr a nih chu!” a lo ti a.

Kaleb-a chu a nui deuh suk a.

“Pathian chu eng tik lâi pawha min \anpui tûra inpeih reng \hian \ha ber a ni a, chu âia pawha ropui zâwk chu a ni,” a ti a.

Mipa naupangho chuan, \hian \ha ber, eng tik lâi pawha kan bula awm reng tih chungchâng chu ngâwi rengin an ngaihtuah zui a. Dân tlangpui chuan mipa naupangte hi an awm hle hle ngâi lo.

“Thu ropui tak tak hlîr a nih chu!” titu mipa naupang chu a lo \awng chhuak leh a.

 “Vântirhkoh in hmu tawh ngâi em?” a ti a.

Chhânna pawh a nghâk hman lo, “Kei chuan ka hmu tawh,” tiin phûr fahran hian a sawi chhuak a.

Vântirhkohten thla mâwi tak an neih chungchâng te chu ngaihnawm takin a sawi a. A sawi lâi chuan ama irâwm chhuaka sawi ang mai a ni.

 Kaleb-a chu a lo nui ver ver a.

 “Vântirhkohte chu thianghlim leh fâi tak an ni,” a ti a.

 Naupangten thlarau lam thil ngaihthlâk an châk tih a hriat khân Kaleb-a chu a lâwm hle a.

Camp Polaris an neih chhan ber chu Alaska ram naupangte hnêna Isua hmangaihna hrilh hriat hi a ni.

Inkhâwm an bân chuan mipa naupang pangate chu an inbihrûk siak a. Pakhat chu pâwnah a chhuak a, pakhat chu pindanah a biru a. Pahnih chu mutna pindan khum hnuaiah an tawlh lût a; pakhat dang chu banga inkhâi, kawrchung phênah a ding a; a hnuhnung ber chu khum leh bâng inkârah mutbu-a inkhuhin a biru thung a.

Minute 45 chhûng an inbihrûk siak hnu chuan mipa naupangho chu an khum \heuhah an mu ta a. An muhîl nghâl deuh mai a. Mahse, pakhat erawh chu a lung a lêng tlat mai.

 Kaleb-a hnênah chuan, “Ka lung a lêng,” a ti a. “Ka lung a lên chuan ka muhil thei \hîn lo,” a ti a.

Kaleb-a chuan, “Tûnah i muthilh kher a ngâi lo. Tlu zâl mai mai rawh,” a ti a.

A tlu zâl deuh mai mai a; tichuan, a muhil ve deuh ta nghâl mai a.

Kaleb-a pawh chu a tlu zâl a. A muthilh hma lawk chuan naupangten Pathian lama rilru an pêk dân leh thlarau lam thil an rawn tui \an tih chu a ngaihtuah a. A hlim hle a. Pathianin mipa naupangte thinlungah hna a thawk mêk a ni.

Camp Polaris hmuna pindan, êk in, leh inbual in chei \hat nân Sabbath vawi 13-na thawhlâwm in lo thawh tawh avângin kan lâwm e. Kum 2015 khân thawhlâwm in lo thawh tawh bawk avângin Kaleb-a leh mipa naupangte chu in chungah an lâwm hle bawk a ni. Tûn kuatara Sabbath vawi 13-na thawhlâwm hian Bethel, Alaska rama Center of Influence hmangin chanchin \ha puan darhna kawngah nasa takin a \anpui dâwn a. December 28-ah phal taka thawhlâwm i thawh dâwn avângin kan lâwm e.

By Andrew McChesney