2024 4th Quarter Rawngbawlna Chanchin 11

Sabbath 11-na December 14

ENG TIK LÂI PAWHA |ANPUITU |HIAN

Mika               Alaska                

    Alaska rama sikul chawlh lâia camp kal chu Mika tân chuan hlimawm tak a ni.

    Kum 12 mi lek niin Oregon-a khawsa a ni a. Seventh-day Adventist-ten nipui camp an neihna Dillingham bul, Camp Polaris hmunah zirtîrtuin Sabbath sikulah rawngbâwlna chanchin a chhiar a. Rawngbâwlna chanchin a sawi chu, ramhuai âiin Krista a chak zâwk tih Alaska mipa naupangten an hriat thiam hma chanchin a ni.

    Chu chanchin chu Mika rilru hîp zâwng tak a ni. United States rama chêng naupang \henkhatten Krista hre loa ramhuai an hlau tlat mai chu mak a ti hle a. Sabbath vawi 13-na a lo thlen chuan, Camp Polaris naupang awmte \anpui nân phûr takin thawhlâwm a thawh a.

Mika chuan kum ruk hnu-ah Camp Polaris-ah hian hna a thawk ve ang tih ngaihna rêng a hre lo. Krista la hre lo Alaska naupangte hnênah Krista chanchin puangtu a ni ang tih rêng a lo ngaihtuah ngâi lo bawk.

Mahse, chu chu thil thlen dân a ni tlat si a.

Mika chu kum 17 mi lek niin Oklahoma Academy-a zirlâi a ni a, nipui chawlh camp-a counselor ni tûrin Alaska-ah a kal a.

Chu camp chu Camp Polaris tih a ni a, chutah chuan mipa naupang kum 10-15 inkâr, mi paruk, Sabbath vawi 13-na thawhlâwm hmanga sak pindan pakhata awmte chu a enkawl a. Isua chanchin a hrilh theihna tûrin ni tin a \awng\âi \hîn a ni.

Zân khat chu, Mika chuan pindan khata a chênpui, a naute nên pindana an inkhâwm lâi chuan Rom 8:38 thu, “Thihna te, vântirhkoh te, nunna te, lalna te, thiltihtheihna te, thil awm mêk te, thil lo la awm tûr te, sânna te, thûkna te, thil siam dang rêng rêng pawhin, kan Lalpa Kristaa awm Pathian hmangaihna a\angin min \hen thei lo tih ka hre chiang a ni,” tih hi a keuh fuh a, a chhiar ta nghe nghe a.

A han hawi kual a, Mika chuan, “Kha thu kha en gtin nge in ngaih? Pathian chu kan hnênah a awm reng a, ani chu kan \hian a ni,” a ti a.

Naupangho chuan rei lo tê an ngaihtuah zui a. Mipa naupang pakhat chuan aw fiak deuh hian, “Isua hi eng tik lâi pawha \anpuitu \hian a ni,” a rawn ti a.

    Mipa naupang dangte chu an lo nui deuh \ha hlawm a. Camp Polaris hi “\anpuitu \hian” awmna hmun a ni a, naupang tu mah mahniin an kal ngâi lo. Khawiah emaw kal in duh chuan kalpuitu in nei ang. Chumi awmzia chu, bual inah kal in duh chuan \hian in hruai ang. Pâwnah tui in tûr la duh in awm a nih pawhin \hian tu emawin a kalpui ang che u. Pindanah theihnghilh in nei a nih pawhin kalpui tûr in nei ang. Mipa naupangte chuan chutiang chuan \anpuitu \hian \ha an nei a. Mahse, Bible chuan Isua chu eng tik lâi pawha \hian \ha, an kalna apianga zui \hîntu niin a sawi.

    Mika chuan, “A dik a ni,” tiin hlim sârh mai hian a sawi chhuak a. “Isua hi eng tik lâi pawha kan \hian \ha ber a ni a. Eng thil pawh ti ila, Isua chu kan hnênah a awm reng. Kan \hian, bual ina awmte kan theihnghilh châng a awm; mahse, Isuan min theihnghilh ang tih hi kan hlau tûr a ni lo” a ti.

    Mipa naupangho chu an hlim sawt a. Isua chu an tan \hian \ha ber a nih dânah an lung a âwi êm êm a ni.

    |awng\âina hmang duh an awm leh awm loh a zâwt a. An ngâwi \hap a. Naupang pakhat chu a rawn \awng chhuak a.

    Kimki tak hian, “Ka \awng\âi ve \hîn a,” a rawn ti a. “Ka chham mai thei lo. Ka theihnghilh daih” a ti a.

Mika chuan, “I \awng\âi dûn ang. Ka lo \anpui ang che. Ka sawi ang zêlin sawi ang che,” a ti a.

 Mika chu a \awng\âi ta a, “Lalpa, vawiinah min kaihhruai avângin ka lâwm e.”

Naupang pawh chuan, “Lalpa, vawiinah min kaihhruai avângin ka lâwm e.”

 “Zâninah min vêng la,”

“Zâninah min vêng la,”

“Kan chunga i thil tih zawng zawng avângin i hnênah lâwmthu kan sawi e.”

“Kan chunga i thil tih zawng zawng avângin i hnênah lâwmthu kan sawi e.”

 “Vawiin nilênga min vên avângin kan lâwm e.”

“Vawiin nilênga min vên avângin kan lâwm e.”

“Amen.”

“Amen.”

A hnu-ah chuan, naupang dang zawng chu an khumah an mu lum vek tawh a, Mika chu nichin lawka \awng\âi naupang hnênah chuan a va kal a. A beng bulah chuan, “Isua chu i \hian angin be rawh. Vawiina i hun tawnte kha hrilh ang che,” a ti a.

Chu mipa naupang chu a bu nghauh nghauh a.

Mika chuan mutna tûr a pan a, a hlim hle a. Mak a ti hle bawk. Ni tin Isua chanchin sawi chhuahna hun remchâng a zawng \hîn a. Zânin zet chu zân hlimawm a ni.

Camp Polaris-a pindan thar, bual in, leh êk in thawm \hatna tûrin Kum 2015 khân Sabbath vawi 13-na thawhlâwm i thawh a vângin kan lâwm e. Bethel, Alaska hmuna kal tûr Sabbath vawi 13-na thawha hmangin nâng pawhin Alaska ram naupangte hnênah Krista hmangaihna i hrilh thei asin. Decenber 28-ah thawhlâwm phal taka i thawh dâwn avângin kan lâwm e.

By Andrew McChesney