2024 4th Quarter Rawngbawlna Chanchin 12

 Sabbath 12-na December 21

|awng\âi Leh Inring renga Awm

Wes-a              Alaska              

    Camp Polaris, Alaska-a thil thleng mak tak avângin camp director chuan zân rei hnu-ah meeting a ko ta chûk chûk a.

    Mite lo chhâwn tûr leh \awng\aipui tûra mawhphurhna an pêk, Wes-a chuan camp-a thawktute chu a zawm ve a. Camp-a counselor hna thawk, a ngaihzâwng nu, Rakili, Alaska hmeichhe naupang pariat enkawltu chuan mi dang hnênah an pindannah thilmak dangdâi tak a thlen thu a thawhpui dangte a hrilh a. An mut hma lawk—a châng chuan an \awng\âi lâi te, an inkhâwma thu an sawi lâi tea Isua chanchin an sawi apiangin, êng an tihmih hnu-ah thilmak tak a thleng \hîn a ni. Hmeichhiate chuan an hlau a, mangchhia an neih phah hial \hîn nghe nghe.

    An inhmuh khâwm zawh hnu chuan thawktute chu an \awng\âi ho a; tichuan, anmahni pindan \heuhah an kal hlâwm a.

    Wes-a chu a pindan a thlen chuan zân dâr 11 a ni tawh.

    “Tûn hi mut hun a ni lo. |awng\âi leh inring renga awm hun a ni” tiin a ngaihtuah a.

    Wes-a chu Sabbath vawi 13-na thawhlâwm hmanga sak, mipa awmna bual in lam panin a pindan a chhuahsan a.

    Bual in phênah chuan a \hu a, Rakili tân leh Rakili chênpuite tân a \awng\âi a,

    “Lalpa, i vântirhkohten Rakili pindan vêng him tûrin ka dîl a che. Kan zîng ata sual thiltihheihna hnawt bo la; tichuan, camper-hote hlim takin kan awm thei ang a, Nangmah kan hriat theih phah ang che” a ti a.

    Minute nga a liam a. Minute sâwm a liam a. Minute 15 a liam leh a.

    Tûn hma chuan Wes-a hi minute 10-15 âi rei a \awng\âi ngâi lo. Tûn \um erawh chu a tâwp mai duh lo tlat mai a.  |awng\âi a \ûl tawh rih lo e, tih hriatna a neih hma chu \awng\âi leh inring renga awm tûrin thu tihtlûkna a siam a ni

   “Lalpa, Rakili pindanah sual thiltihtheihna a luh tawh lohna tûrin i vântirhkohte lo tîr ang che,” a ti a.

“Rakili leh mi dangten mang \ha lo an neih tawh loh nân \anpui la. Thlamuang taka an muthilh theih nân \anpui bawk la. |anpui dân tûr ka hriat theih nân finna min pe ang che,” a ti a.

Minute 20-30 chhûng zet a \awng\âi a ni.

Chutah riah bûka a huhoa kal thâwm a hria a. Thâwm dangdâi tak a hre bawk a. A \awng\âi chhunzawm leh a.

Chumi hnu chuan, lawng lam pana kal mi eng emaw zât chu a hmu a. A tho a, \anpui tûrin a va pan a. Hmeichhe pakhat damlo, damdâwi in panpui ngâi a awm hi a lo ni a. Wes-a chu rîkrûm thila hman \angkâi theih tûrin damdâwi lam thiamna zir chhuak a ni a. Tichuan, lawngah chuan thawktu dang pangate nên chuangin hmeichhe pakhat damlo chu damdâwi inah an hruai a. Inring renga awmin a \awng\âi avângin anmahni pui thei tûra a la men avângin a lâwm hle a ni.

Him taka damdâwi in an hruai thlen hnu chuan, Wes-a leh thawktu dangte chu camp lamah an haw leh ta a. Zîng lam 2:00 a lo ni ta. Chumi zân chu khua a thiang lo hle mai a, tui chhûnga thil awmin thâwm an neihna a\anga an awmna hmun leh hlat zâwng hriat theihna (sonar) khâwl lah chu a chhe bawk si. Dîl hmun \henkhat lah a pâwnlâwi hle a, lawng chhuat chuan lung emaw, \iau emaw a sut chuan let mai thei dinhmunah a ding a ni.

Wes-a chu a \awng\âi a, lawnga chuang dang zawng zawng pawh an \awng\âi hlâwm a.

 Thawklehkhatah camp chhûng hmun lâili tak chu a rawn êng pup mai a. Êng mâwi tak, êng no tak chuan camp chung zâwn a\ang chuan a chhun êng phût mai a ni. Wes-a leh mi dangte chuan mipa riahna hmun chu an hmu thei ta a. Hmeichhe riahna pawh an hmu thei bawk. An in pui ber (main lodge) pawh an hmu thei a. Bual in pawh an hmu thei. A pawimawh ber, dîl kam dung tluan pawh an hmu thei bawk a ni.

Thawktu pakhat chuan êng awmna lam lawng chu kâwkin vaukam lam chu an pan ta a.

Vaukam an thlen chuan lawnga chuangte chuan êng chu khawi lam a\anga lo kal nge a ni tih hriat tumin a hawi kual a. Êng chhitu hnênah chuan lâwmthu sawi an duh a. Êng chu a bo leh ta a, camp chu a thim leh ta mup mai. Camp-a awm zawng zawng chu an mu vek tawh niin a lang.

A tûk zîngah chuan, Wes-a leh lawnga chuang mi dangte chuan êng chhitu chu zawn chhuah an tum a. Tu man ka ni an ti lo. An muthilh thu chauh an sawi vek. Wes-a chuan, vântirhkohin camp panna kawng a kawhhmuhah a ngâi a ni.

Camp Polaris director leh Rakili pasal ni bawk, Wes-a chuan \awng\âina nêna inrin reng a pawimawhzia chumi zân chuan a zir chhuak a ni.

“Camper-te mamawh huna \anpui thei tûrin Pathianin min hmang a. Inrin reng leh \awng\âi a \ûlnain min nawrna avângin \angkâina ka nei ve thei a. Harsatna ching fel tûrin ka \anpui a; tichuan, vântirhkohin kan harsatna min chin felsak gta a ni,” a ti.

Camp Polaris hmuna pindan, êk in, leh bual in chei \hat nân Sabbath vawi 13-na thawhlâwm kum 2015 khân in lo thawh tawh avângin kan lâwm e. Seventh-day Adventist kohhran tân chauha tih, a bîk takin Alaska naupangte tâna buatsaih nipui camp tân i lo \awng\âi \hîn dâwn nia.

Wes-a chuan, “He camp hian Setana rilru a la hle a. Naupangte chu a \ha lam hawi zâwnga chak taka hruai an nih avângin Setana hian hna a thawk chak niin ka hria,” a ti a.

By Andrew McChesney