2024 4th Quarter Rawngbawlna Chanchin 13

Sabbath 13-na December 28

TIHLUIHTÎR 

Josephine-i               Alaska              

    Unau hmeichhe pahnih, Josephine-i leh Emily-i chu tlâi lam nipui âwllên lâiin Alaska khaw te pakhat, Togiak kawtthlêr \awp takah chuan an kal dûn a.

    Tlâi lam dâr 7 chu ni tawh mah se, ni chu vânlâi zâwlah a la awm reng a. Zânlâi a thlen hma chuan ni chu a la lang reng rih ang.

    Chu khuaah chuan nipui hun a rei \hîn hle a, naupangte chuan tih tûr an nei êm êm lo.

    Kum 12 leka upa Emily-i chu Seventh-day Adventist biak in zâwn an thlen chuan, “En teh, he biak inah hian Vacation Bible School (VBS) an nei. Ka kal ve duh,” tiin phûr êm êm hian a a au chhuak a.

    Ani tân chuan VBS awmzia chu Bible thawnthu ngaihnawm tak tak ngaihthlâk, tih tûr hlimawm tak tak tih te, Wai Wai ei te a ni. Naupang tam tak tân nipui lâiin tih tûr a awm meuh lo a; chuvângin, a nâwlpui chuan VBS chu eng eng emaw tihna hmunah an ngâi.

Emily-i chuan kum 17-a upa, a u bânah chuan a pawt a.

 “Va kal ang,” tiin a ngên chiam a.

Mahse, Josephine-i chuan kal a duh si lo. Tih tûr dang nei lo mah se, biak ina kal hrim hrim chu a duh lo bur a ni.

“VBS-a tel chu ka duh lo,” a ti a.

Emily-i chuan, “Ka kal duh alâwm,” a ti a.

U zâwk a ni a, thu a nei zâwk bawk a, “Ka kal duh chuang lo. Tih tûr dang ka nei,” a ti tlat a.

 Emily-i chu a hlim lo hle.

A duh zâwng chu tih luih a tum ngar ngar a, kawng a dap a.

 “Kan kal lo a nih chuan ka sahdah hi i hmuam ve lo ang,” te a ti a.

 Josephine-i chuan a melh deuh kâwk a. Sahdah hmuam tûr a nei tawh lo a, neih theih dân tûr a hre bawk si lo a. Biak in chu a en a. Emily-i’n sahdah hmuam tûr ka pe ve lo ang che, tia a vau ve khanglân avânga tihtauh, thinrim leh rilru kâwi put chu ni thei chiahin a hre bawk si lo.

“A \ha e, kal ang,” a ti a.

 A vawi khatna atân Josephine-i chu Adventist biak ina kal tûra tur luih a ni ta.

Emily-i chu naupang dang 20 vêl nên hlim taka hma lamah an tih tûrte an tih mawlh mawlh lâi chuan Josephine-i chu tlar hnung ta berah a lo \hu a.

Rei vak lo hnu-ah church pastor chuan Josephine-i chu a rawn pan a. Pastor Chad-a a nih thu sawiin a inhmêlhriattîr a.

Josephine-i chu naupang dang zawng âia upa a ni tih a hmêlah a hriat mai a. Ei tûr leh VBS hmanrua hrang hrang a pêk kual pah chuan amah pui tûrin a sâwm a. 

Josephine-i chuan a lo remti a.

Chumi hnu chuan Emily-i chu tlâi dâr 7-ah VBS nei tûrin biak inah chuan a lo kal \hîn a.

 VBS tâwp dâwn hnaihah, pastor chuan Josephine-i chu naupangho nipui camp-a lût ve tûrin a sâwm a. Chumi hmuna thleng tûr chuan thlawhtheihna a chuan a ngâi ang a, bus a chuan a ngâi bawk ang a, tin, lawng pawh a chuan a ngâi bawk dâwn a ni. Chûng chu a duh zâwng tak a ni. Mahse, naupangho zînga tel tûr chuan a upa mah mah tih a inhria. Kum 17 mi a ni tawh.

Pastor chuan, “A pawi lo. Camp-a min puih chu i duh rêng em?” a ti a.

Josephine-i hmêl chu hlimnain a khat a. |anpui thei tûr chu a ni.

Tichuan, Camp Polaris-ah chuan counselor-in a awm ve ta a. Alaska thingtlâng naupangte counselor ni tûrin pindan pakhata awmte chu a enkawl a. Camp-a chawlhkâr khat a awm chhûngin Isua chanchin a zir \euh hman.

 Josephine-i chuan camp chu nuam a ti a, kum dangah a kal leh a, a hnuah pawh a kal leh a. Camp a kal inkâr, ina a awm lâi pawhin Adventist biak inah a inkhâwm \hîn a. Krista a hmangaihna chu a thinlungah a lo \hang lian zêl a. Sahdah nghei thei tûrin Isuan a \anpui a ni. A thinlung chu Isua hnênah a hlan a; tichuan, baptisma te hial a chang ta a

Vawiin thlengin Josephine-i hi Camp Polaris-ah a la thawk a. Tûnah chuan hruaitu a ni tawh nghe nghe. Kum tin an khua a\angin naupang 7-10 camp-ah a lo hruai lût \hîn a. Naupangte hian nipui lâiin tih tûr an nei lo. Camp-a an lo luhin sahdah an nghei a, a \hîn lêt (withdrawal) a nat êm avângin \henkhat chu an titau a, an thin a chhia, an awm hle hle thei lo.      

 Mahse, Josephine-i ang bawkin naupang dangte pawhin Isua chanchin chu camp-ah chuan an ngâithla a, sahdah nghei thei tûrin Isuan a \anpui thei tih an hria. In lamah an lo kîr leh a, Isua nêna hun hman dun chu a hlimawm a ni tih leh amah nên chuan eng kim tih theih a ni tih an hre thiam bawk.

Biak ina hruai thlengtu, Josephine-i lâizawn ang hian, Josephine-i pawhin naupangte chu biak inah a hruai thleng \hîn a. Biak ina kal tûrin tihluihna hman a ngâi lo. A \awng\âi a, tichuan Camp Polaris-a kal tûrin a sâwm \hîn a ni.

 Camp Polaris-a zawhna an zawh a chhânna chu, “Naupangho nêna hnathawh nuam ka ti,” tih hi a ni. “|hian tam tak ka siam a. Camp Polaris hian hmathlîr thui tak min neihtîr a ni,” a ti bawk.

 Camp Polaris hi Dillingham, Alaska dîl bul hnâia awm a ni a, Seventh-day Adventist-te  nipui camp neih chhun a ni a. Kum 2015-a Sabbath vawi 13-na thawhlâwm \henkhat in thawh kha camp hmuna pindan, êk in leh bual in thawm \hat nâna hman a ni. Bethel, Alaska-a Krista hmangaihna puan chhuah nân Sabbath vawi 13-na thawhlâwm i thawh dâwn avângin kan lâwm e. Tûn \uma Sabbath vawi 13-na thawhlâwm hmanga Bethel, Alaska hmuna sak tûr center of influence kaltlangin chanchin \ha puan darh a ni thei dâwn a. Vawiina i thawhlâwm hian St. Louis, Missouri, leh Baltimore, Maryland-a pawn lam rawngbâwlna tûr project a \anpui dâwn a ni.

By Andrew McChesney