2024 4th Quarter Rawngbawlna Chanchin 3

Sabbath 3-na October 19

Thawh Dâr A Ri

Marisa-i               Arizona              

    Zîng dâr 2:30-ah Marisa-i chu a tho thut a. Thawh chhan pawh chu a nei chuang lo. Spokane, Washington-ah in chhâwng thumnaa khawsa a ni a, a mut a tui thei hle. Inbual pindan (bathroom)-a kal \ûl tlatin a hria a. Reilo te hnuah chuan inbual pindan a\anga mutna pindan lama a lo kîr leh lâi chuan thil danglam tak, êng tle zar mai hi tûkverh pawn lamah chuan a hmu a. Tûkverh chu a en a, meialh sa tak a hmu a, a pindan lam chu a rawn hliau zawr zawr a. A chênna building chu a kâng mêk a ni.

    Marisa-i chuan a ui vulh pahnih, Maggie-i leh Daisey-i te chu a ko chhuak a.

A uite chu kîl khatah an tawmim reng a. Thil dik lo a awm a ni tih an hre thiam ve tho a ni.

Marisa-i chuan a ko a, sitting room lamah chuan an zui a. Kawngka pui chu a hawng a, chuta \ang chuan meikhu dum nguih mai hi a rawn lût tup tup a. Kawngka chu a khâr dawt a.

“Lo kal rawh u,” a ti a.

Marisa-i leh a uite chu bathlârah chuan an chhuak a. In chhâwng thumna a\ang chuan hnuai lam an zuk thlîr a, mite tlân kual vêl chu Marisa-i chuan a zu hmu a. Chu in chu in nei lote (homeless) mut \hinna hmun (park) a\anga kawng kâna sak a ni. Chûng mi, in nei lote chuan khawngkhâr leh tûkverh chu an rawn bêng ri dawt dawt a, mite chu a chhûng a\anga chhuak tûrin an rawn tur a. An zînga pakhat chu a enkawltu ni âwm tak a ni. Marisa-i chuan a zu au a,

“Min \anpui rawh,” tiin a au tuar tuar a. “Engtin nge ka tih ang? Kawngka a\angin a chhuah theih loh,” a ti a.

Chu mi chuan chung lam chu a en chho a, a manganpui hle mai. “Nun i duh chuan lo zuang thla tâwp mai rawh,” a han ti a.

“Ui pahnih nên kan ni a.”

“Lo theh thla mai rawh.”

Marisa-i chuan ui pakhat chu a chawi kâng a, a thlâk ta a. Tichuan, pakhat zâwk pawh chu a thlâk thla leh a. Chumi hnu chuan railing-ah chuan a lâwn a, chhâwng hnihna bathlârah chuan a zuang thla a. Chuta \ang chuan leiah a zuang thla thei ta a ni.

A ke ruh a ti-ulh a, tin, a hliam bawk a; mahse, hliam a awm a ni tih pawh chu a hre chang lo. A enghelh ber zâwk chu a uite kha an ni.

“Maggie… Daisey,” tiin a ko a.

 An \henawm nu chuan a uite chu hliam eng mah tâwk loin leiah an \um tih leh park lama an tlân phei a hmuh thu a hrilh a.

Marisa-i tân chuan a thawvênthlâk hle a; tichuan, parklam chu a pan, a va zawng a.

 Mashe, a ui âwm rêng rêng a hmu lo.

Marisa-i chuan a phonechu a pindanah a theihnghilh a. Phone number a hriat chhun chu a unaupa phone number a ni. Marisa-i chuan mi phone hmangin a u chu a phone ta a. A u chu a mut a tuiin kaihthawh a har \hîn tehrêng nên, a lo chhâng nghâl mai a. Marisa-i chuan mak a ti hle nghe nghe.

Marisa-i chuan thil thlen dân chu a hrilh a. “Min lo hruai tûrin ka mamawh che; tin, ka uite pawh min zawnpui dâwn nia,” a ti a.

A unaupa chuan a rawn hruai a, ui chu an zawng kual ta a.

Kâng \helh motor a lo thleng a.

Marisa-i chuan, “Ka thinlungah park lam pan a lang tlat,” a ti a.

Park chu an va thleng a.

Park an va thlen chuan a uite chu a ko a, Maggie-i chu a lo tlân chhuak vat a. Marisa-i hlimzia chu! A bawkkhup a, a ui kuah chung chuan a \ap hawm hawm a.

Daisy-i zawng hmu tûr hi chuan dârkâr 17 zet hun an sêng a. A hria apiangin kawtthlêr tinah an zawnpui bawk a. Social media kal tlangin hriattîrna an tichhuak a. A ui  chungchângah Marisa-i chu    TV-ah an kâwm a. Police-te pawhin thuchhuah an siam nghe nghe a ni.                                                                                                                                                                                                                                                                                                                                                                                                                                                                                                                                                                                                                                                                                       

Chumi zân chuan Marisa-i unaupa chuan Daisy-i an hmuh tawh thu hrilh tûrin a phone a. Daisy-i chu a ko a, a aw a hriat chuan ui chuan chu pa chu a rawn pan a. A chhehvêla mite chuan an phone an phawrh a, Marisa-i’n a ui a hmuh leh avânga a lâwm thâwm chu an lo record a.

 Marisa-i tân chuan chu zân chu thilmak thlen zân a ni ringawt mai! Kângmeiah khân thil eng kim a chân vek a. Mahse, Pathianin amah leh a ui pahnih nunna a chhan chhuak a ni.

Eng nge a chhan ni ang?

Chhânna a dîl a. “Hei âia ropui i la tawnhriat ang,” tiin Pathian hnên a\anga chhânna dâwn ang maiin a inhria a. A tân chuan thlarau lam damna a ni.

 Marisa-i hi râwlthâr leh rilru lama harsatna nei zînga hna thawk a ni a. America ram sorkâr-in naupang kum tling lote kawng kawhhmuh tûra a rawih (officer) a ni. Covid-in a tlâkbuak avângin a hna a\angin a bâng a. Dinhmun khirh takah a awm tih a inhria a, dam khaw chhuah pawh a inbeisei tawh lo hial a ni.

Meipuiin a lungngaihna chhûmpui a\angin a chhan chhuak a. Pathianin ama chungah a tih tûr a la ti zo lo tih a hre thiam a, naupangte zînga hna thawk tûra koh a ni tih a inhria. Tichuan, chuta hna thawk tûr chuan a lo kîr leh a.

Thla eng emaw zât a liam hnu chuan, Holbrook Seventh-day Adventist Indian School-a head girls’ dean (hmeichhe hostel enkawltu) ni tûrin Arizona-ah a insawn a ni. Hmeichhe dorm-ah, hmeichhe naupangten an duat êm êm, Maggie-i leh Daisey-i \anpuinain hmeichhe tam tak a enkawl a.

Hei âia a hlim zâwkna tûr a awm chuang lo.

“Thil dang tih ka ngaihtuah lo,” a ti a.

 He mission chanchin hian Center Holbrook Seventh-day Adventist Indian School-a Student Life Center sakna tûra kum 2018 leh 2021-a Sabbath vawi 13-na thawhlâwm lo dawng tawhtu chanchin lang lo lam a rawn pho chhuak dâwn a ni. North American Division-ah chanchin \ha a darh zêlna tûrin Sabbath vawi 13-na thawhlâwm i thawh dâwn avângin kan lâwm e.

By Andrew McChesney