2024 4th Quarter Rawngbawlna Chanchin 4

Sabbath 4-na October 26

SABBATH THU DIKA DING NGHET

Ana-i               Arizona              

    Ana-i chuan Seventh-day Adventist nih a duh lo. Philippines rama naupan têt a\anga an lo awm tawhna kohhran chu a ngâina hle a, Sunday ni âia Sabbath nia inkhâwm chu a duh lo hrim hrim. A phun a phun mai a. Mahse, Bible a zir hnu chuan, Sabbath-ah a lo hmin chho \an a. Seventh-day Adventist kohhranah a inpe ta nge nge a ni.

    Mashe, a hnathawhna lamah chuan a buai chho \an ta a.

    Pianphunga rual ban loho kalna high school-ah maths a zirtîr a. A thawh kum khatna a ni a, MA zir zo tûrin Sabbath nia class kal tûra tih a ni. Ana-i chuan an khawpui chhûnga sawrkar school hotu ber,superintendent chua bia a.

“Seventh-day Adventist ka nih avângin Sabbath chuan class ka kal thei lo,” tiin superintendent chu a hrilh a.

“Class i kal duh lo a nih chuan i hna i chân dâwn a nih chu,” tiin superintendent chuan a lo chhâng a.

Ana-i chuan a hlau êm êm a. Chhûngkaw châwmtu ber a ni a. Semester khat chu Sabbath-ah class a kal a. Mahse, a chhia leh \ha hriatna kalh zâwnga thil tih chu a ngam ngang lo a; tichuan, a chawlhsan ta a ni.

 “Ka ti thei lo,” tiin an superintendent chu a hrilh a.

Mak a tihna tûrin, superintendent chuan, “I thu thu alâwm,” tiin a chhâng a.

A hna a\anga bân theih a ni lo tih a hre thiam a. Sabbath-aclasskal lo tûra a dîl \um khân, thudelhkilh a awm a. Mahse, chumi hun chu a tâwp tawh a, hna a\anga bân theih a ni tawh lo. Sabbath bawhchhe leh tawh lo tûrin thu tihtlûkna a nei ta zâwk a ni.

 Ana-i chuan chu sikulah chuan kum kaw chhûng a thawk a.

Chuta a awm chhûng chuan America rama Job Recruitment Agencykal tlangin zirtîr hna a dîl leh a, chutah pawh chuan Sabbath kal tlanga fiahna a tâwk leh a. Califonia-a sikul pakhat chuan rawih a duh hle a; mahse, interview chu Sabbath-ah tih a ngâi leh a. Hna latute hnênah chuan, “Sabbath-ah chuan interview ka chhâng thei lo. Inkhâwm ka duh” a ti a.

Ana-i chuan Pathian hian America ramah hian hna thawk tûrin min ti lo a ni ang tih ngaih dân a nei ta a. Hna latute hnênah chuan, “Hna ka duh tawh lo. Hna ka dîlna pawh kha ka sût leh e,” a ti a.

Thla khat a ral hnu chuan Job Recruitment Agency chuan an rawn ko leh a. Arizona hmuna sikul pakhat chuan an hnêna thawk atân an duh a lo ni.

Ana-i chuan, “Sabbath loah interview ka nei thei ang em?” a ti a.

A dîlnate chuan, “Eng ni-ah pawh interview chu i nei thei ang?” tiin an lo chhâng a.

Ana-i chu Zirtawpniah an interview a; tichuan, ni li hnuah sikul chuan hna chu a pe ta a ni.

Ana-i chuan mak a ti hle mai. Pathian chu a fak ta a.

 Bânna lehkha kenga Ana-i lo kal superintendent-in a hmuh chuan mak a ti hle a. Superintendent hian United States-a thawk tûrin vawi duai lo a lo dîl ve tawh \hîn a, hna pêk a ni ngâi lo tih chu Ana-i chuan a rawn hre thiam chho ta a ni.

 Ana-i chuan Sabbath a serh \hat avângin Pathianin a châwimâwi a ni tih a man thiam a.

 Sabbath hmanga fiahna chu United States-ah chuan a tâwp mai lo. Arizona a thlen hnu deuh lawk chuan principle tharin ani leh zirtîrtu dang hnênah chuan Sabbath nia training pawimawha an tel ngei a \ûl thu a hrilh a. Ana-i chuan, “Lalpa, Sabbath ka serh avângin hetah hian ka awm a, tnah hian min \anpui leh ngei ang tih ka ring,” tiin a \awng\âi a.

Principal hnênah chuan a va kal a. “Training-ah ka tel thei lo. Sabbath ni hi ni thianghlim a ni tih ka ring a, ka serh thanghlim a ngâi a ni,” a ti a.

    An principal chu a inhnûk hniam duh lo a. “Sabbath-ah training i kal duh loh chuan, thu i âwih loh avângin i hna a\angin ka bân ang che,” a ti a.

    Ana-i chuan \an a la khawh a. “America ramah chuan sakhaw zalênna kan nei,” a ti a. “Sabbath ka serh avânga heta awm ka ni.”

    A chanchin chu an principal a hrilh a; tichuan, Sabbath chuan Bible a zirpui a.

    An principal chu a mangang hle mai. Superintendent-in harsatna a siam lo a nih chuan training a kal lo a nih pawhin hriat thiamna a neih tûr thu a lo hrilh a.

   Ana-i chuan superintendent a bia a, lehkhaah chuan hming a lo sign a, phalna chu a lo pe ta a ni.     “Engtik niah pawh i inkhâwm thei ang,” tiin a lo hrilh bawk a.

    Ana-i chuan lehkha chu principal hnênah chuan a theh lût a. “A lo phalsak che a ni maw?” Mahse, Sabbath-a training-naa an zir ho kha hun remchâng dang zawngin lo bawhzui ang che,” tiin a hrilh a.

    Ana-i chuan zir tûr pawh a hre lo; tichuan, a \awng\âi a. A tûkah chuan, an sikulah, training petu (instructional coach) a hmu hlauh mai a. “Seventh-day Adventist ka nih avângin Sabbath ka serh a; chuvâng chuan, Sabbathah training ka lo kal thei lo,” a ti a.

    Instructional coach chuan, “Principal va hmu ang, thil hrilh duh ka nei” a ti a.

Principal office-ah chuan, instructional coach chuan, “Ana-i tân bîk Sunday-ah training ka pe ang,” a ti a.

    Principal chuan, “Kan buaina chin fel a ni ta,” a ti a. Ana-i lam chu a hawi a, “I rinawm avângin malsâwmna i dawng a ni,” a ti a.

    Thilmak deuh a lo thleng leh a. Principal leh Ana-i inkârah inlaichîn duhawm tak chu a awm zui ta. Ana-i tân chuan an principal chu pa ang a ni ta. Dârkâr khat lek kal, Holbrook Seventh-day Adventist Indian School-a Pathian kohna a dawn chhanga thawk tûra a kal chhuak lâi a hmuh \um chuan principal rilru chu a nguai ruih mai a ni.

Tûnah chuan Ana-i hi Holbrook-ah chhiarkawp zirtîrtu a ni a. Seventh-day Adventist nih nuam a ti êm êm a, zirlâite hnênah chhiarkawp leh Sabbath chungchâng zirtîr chu nuam a tih zâwng tak a ni. “Sabbath thu dikah ka ding nghet a, Lalpan min \anpui ta a ni,” a ti a.

 He mission chanchin hian kum 2018 leh 2021-a Sabbath vawi 13-na thawhlâwm lo dawng tawhtu Holbrook Seventh-day Adventist Indian School-a thawk zirtîrtu chanchin a rawn sawi lang ai.  Chanchin \ha a darh zêlna tûra thawhlâwm phal taka i thawh dâwn avângin kan lâwm e.

By Andrew McChesney