2024 4th Quarter Rawngbawlna Chanchin 5
Sabbath 5-na November 2
Hmun |ha Tak A Ni
Page All Nations Seventh-day Adventist Church
Arizona
Arizona state-a Navajo Reservation hmunah Adventist-te chuan kohhran phun an duh a. Kum 2011-a khawvêl pumpuia Adventist member-ten Sabbath vawi 13-na thawhlâwm an thawh hmangin project kalpui a ni a. Mahse, biak in sakna hmun tûrah harsatna lian tak an nei tlat mai.
Page khawpui, Navajo Reservation bul lawka awm chu hmun \ha ber tûrah an ngâi a. Kohhran tân pawh biak in sak mai theih a la ni chuang lo. Khawpui chhûnga thuneitute chuan biak in awmna tûr bîk kawtthlêr ruahmanna an nei lâwk tawh a. Chu kawtthlêr chu inkhâwm \hînte chuan an hre bel hle a, a hming lem chu “Church Row” tih leh “Holy Curve” tih a ni.
Mahse, biak in thar sak belhna tûr hmun a awm tawh lo a. Kawng awm chhun chu a neituten an phal a nih chuan sak tawh sa lei a ni mai.
Biak in hman loh pakhat chu lei tûr a awm a. Member-te an lo upa tial tial a, an thi \hen zeuh zeuh bawk a; chuvâng chuan, Southern Baptist Kohhran biak inah hian inkhâwm tûr an awm tawh meuh lo a ni.
Deacon upa deuh tawh tak pakhat hian a enkawl ber a, hralh leh hralh loh chu a thu thu a ni mai.
Man bithliahtuten a hlutna an chhût dânah chuan US dollar 850,000 man tûr vel a ni.
Mahse, Adventist-te chuan chutiang zâta tam chu pawisa an nei si lo a. Chutiang anga man to lei tûr chuan Sabbath vawi 13-na thawhlâwm an dawn lah chu a tlêm bawk si.
North American Division leh kohhran dang dang a\anga an dawn chu Sabbath vawi 13-na thawhlâwm nêna an belh pawhin an la daih chuang lo a. Kohhran hruaitute chuan deacon chu an bia a, an \awng\âi ho ta a.
Adventist-te chauh hian hmunhma kan buaipui awzâwng lo.
Chuti lâi hmun chu khawpui panna kawng a ni a. Sorkâr sikul pawh a awm bawk a. Ei tûr zawrhna hmun (restaurant) atân hmun remchâng tak a ni. Deacon chu an va bia a, restaurant atân dollar 2,000,000 in an lei duh tih an hre ta a.
Deacon tân thu tihtlûkna siam har tak a ni. Eng nge a tih tâk ang? Adventist-ten an ît êm êm hmun chu dollar 850,000 man a ni a. Mi dangin restaurant atân tiin dollar 2,000,000-in an ngam bawk si
Deacon chu ngawrh takin a \awng\âi a. A \awng\âi lâi chuan miten restaurant âi chuan biak in an mawhmawh zâwk niin hriatna a nei a. South Baptist Convêntion hotute hnênah chuan dollar 250,000-in Adventist-te hnêna hralh tûrin a va dîl a. Kohhran hruaitute chuan Adventist-te ngamna angin hralh an lo phal a. Kawng dang a\anga sum lo lût leh Sabbath vawi 13-na thawhlâwm belh khâwmin chu hmun chu an lei thei ta a ni.
Navajo Reservation-a khawsa Natives American leh Utah leh Nevada Adventist outreach progrm-a thawk Nancy Crosby-i chuan, “Thil âwihawm lo khawp a ni. Pathianin kawng a hawng a ni tih hi hai rual a awm lo” a ti hial a.
Kohhran a din tirh chuan member-te chu tlêm te chauh niin, inah an inkhâwm \hîn a. Member an \hathnem deuh hnuah chuan hmun zau deuh zâwkah an inkhâwm leh a. Page khuah chuan kohhran mipuite inkhâwmna chu hmun zau thâwl nuam tak a ni. Nancy-i chuan, “Tawlâilîr hmaa sakawr kaltîr ang vêl a ni,” a ti hial a. Pathian hian a thil tih mêk hi a hria a ni.
Kum 2011-a Sabbath vawi 13-na thawhlâwm i thawh avângin Page, Arizona-ah Seventh-day Adventist kohhranin hma an sâwn phah avângin kan lâwm tak zet a ni. Native American zînga chanchin \ha rawngbâwlna leh Nancy-i leh a pasal, James-a, heti lâia pastor hna thawk tân i \awng\âi \hîn dâwn nia.
By Andrew McChesney