2024 4th Quarter Rawngbawlna Chanchin 6

Sabbath 6-na November 9

LALPA ZÂNRIAH KÎL TÛRA NGHÂK

Katrina-i               Arizona              

    Page khuaah Seventh-day Adventist kohhran a ding dâwn tih Katrina-in a lo hriat chuan a hlim hle mai. A chênna Navajo Reservation chheh vêlah hian Adventist kohhran a la ding lo a, kohhran mite zînga a tel lohna pawh kum 20 lâi a ni ta. “Eng tikah nge kan inkhâwm ho theih ang?” tiin a ngaihtuah a.

    Pastor James-a chuan a bân chu a lo phar a, “Tûnah chuan eng hmanrua mah kan nei lo,” tiin a chhâng a.

 A nihna takah chuan kohhranin eng mah a nei lo a. Mahse, kohhranin biak in a nei ta hi thilmak a ni. Kohhranin Page khuaah biak in neih a duh chuan biak in awm sa a lei a ngâi tihna a ni a. Biak in zawng zawng chu Page kawtthlêr khata intlar vek a ni a, biak in thar sakna tûr a hmun âwl a awm tawh lo. Sabbath vawi 13-na thawhlâwm hmangin kohhran chuan Page khuaah kohhran dang rauhsan tâk chu a lei a. Pastor James-a a lo thlen chuan biak in chu chei \hat hle a ngâi tih leh hmanrua eng mah, Lalpa zanriah buatsaihna tûr tak ngial pawh a awm lo tih a rawn hmu a. Mahse, Katrina-i chuan an zînga Lalpa zanriah kîl ve duh a. “Ka tih ve theih tâwk ka han dap ang e. Eng nge kan mamawh?”a ti a.

Pastor chuan ke sil nân chawhtawlh an mamawh thu a sawi a.

“Sorkâr a\anga \anpuina sum (social security check) ka dawn hunah dâwrah ka kal ang a, chawhtawlh chu ka lei ang,” a ti a.

    |anpuina sum a dawn hnu chuan dâwrah a va kal a, plastic chawhtawlh chu a va hmu a. Chhuarah paruk an lo tlar a, a lei vek a. Sabbath a lo thlen chuan pastor nupui, Nancy-i hnênah a hlân a.

 “|anpuina sum ka dawn leh hunah ka rawn lei belh dâwn nia,” a ti a.

 Nancy-i rilru chu a khawih hle mai. “Ka va lâwm tak em!” tiin a au chhuak hial a ni.

Pastor James-a leh Nancy-i te chuan Lalpa zânriah kîl ho chu an thlahlel \hîn hle a. Mahse, hmanrua chei \hat ngâi a tam si a, sum an nei tlêm bawk si a, dah pawimawh hmasak ber tûr pawh an hre thiam lo.

Katrina-i’n \anpuina sum a dawn leh hnu chuan dâwrah a va kal leh a, chhuara an dah plastic chawhtawlh vâr awm zawng zawng chu a va lei leh ta a. Paruk an dah deuh zêl a. A lei vek a; tichuan, pastor nupui hnênah chuan a hlân leh ta a. A châng chuan a pasal pension hlawh a lâk \hensak a, chawhtawlh a lei mai zêl a ni. An pa chu Navajo mi a ni a, a inkhâwm ngâi lo a; mahse, kohhran \anpui kha a hnial lêm lo thung.

Thla thum hnuah chuan chawhtawlh an mamawh zât chu Katrina-i chuan a lei thei ta a.

Chawhtawlh a lei hnuhnun ber \um chuan pastor hnênah, “Kan mamawh zât chawhtawlh kan nei tawh bawk a, Lalpa Zanriah chu kan kîl thei tawh em?” a ti a.

 A thilphalna avângin pasrot James-a chuan lâwmthu a hrilh a. “Mahse, hrûkpuan kan la nei lo,” a ti a. Ke sil hnuah a hrûk hulna tûr a \ûl \hîn a.

Katrina-i chuan, “Kawng kan dap dâwn nia,” a ti a.

|anpuina sum a dawng leh a, chumi \um pawh chuan an mamawh zât inhrûkpuan a lei leh a.

Pastor hnênah chuan a va kal a.

“Inhrûkpuan pawh kan nei tawh, tûnah chuan Lalpa zânriah chu kan kîl thei tawh em?” a ti a.

 A thilphalna avâng chuan lâwmthu a hrilh leh a. “Chhang dahna leh uain no kan la mamawh,” a ti leh a.

Katrina-i tân chuan chûng zawng zawng zawn hmuh chu a awl lo. “Chûng chu eng tikah nge kan neih theih ang? Pawisa chu ka la thawh thei ang,” a ti a.

A hnu lawkah chuan Adventist kohhran pakhat a\angin petu an nei a, Page kohhran chuan Lalpa Zariah kîlna tûr bungrua chu an nei kim ta. Pastor nupui chuan chhang a siam a; tichuan, Katrina-i leh mi dang inkhâwmnaa lo telte chuan Page khuaa Seventh-day Adventist biak inah Lalpa Zanriah chu an kîl ho thei ta a ni.

Katrina-i chu a hlim ngei mai! Pathian chunga a lâwmna chu nasa tak a ni.

Katrina-i chuan hotute hnênah, “Lalpa Zariah kîl hi ka phûrna lam a ni. Lalpa Zariah i kîl hian a laka i lâwmna leh a \anpui tawhna che avânga i lâwmzia i tihlanna a ni” tiin a hrilh a.

Kum 2011-a Sabbath vawi 13-na thawhlâwm i thawh avângin tûna rawngbâwlna chanchin thlenna hmun, Page-a Seventh-day Adventist kohhranin hma an sawn phah avângin kan lâwm tak zet a ni. North American Division chhûnga chanchin \ha rawngbâwl nâna Sabbath vawi 13-na thawhlâwm phal taka thawh i tum avângin kan lâwm e.

By Andrew McChesney