2024 4th Quarter Rawngbawlna Chanchin 7

Sabbath 7-na November 16

ISUA TIH A NI

James-a               Arizona              

    Min pui rú! Min pui rú! 

Sabbath ral zân a ni a, hliam na tak tuar mi pakhat chu Pastor James-a hnênah an rawn hruai a, pastor in hi Page khua, Navajo Reservation, Arizona- a awm a ni.

 Tual chhûng mi pakhat hi pâwnah a ding a.

“Ka fanu \anpui tûrin ka mamawh che,” a ti a. “A pumah hliam a tuar a ni.”

James-a chuan chu pa hnung lam chu a en a, car-a thu a nupui leh a fanu chu a hmu a. James-a chuan, “Damdâwi in pan pui in ngâi em?” tiin a zâwt a.

“Ngâi lo, \awng\âi la a tâwk,” tiin a pa chuan a chhâng a.

James-a chuan an ina lût tûrin a sâwm a, mahse a pa chuan a lu a \hîn khum a.

James-a chuan Adventist biak in lam chu melh pahin, “Biak in chhûnga hruai luh in duh em?” tiin a zâwt a. Page khuaa pastor hna thawk tûrin thla hnih deuh chauh a la awm hman a ni.

A pa chuan, “Aw, duh e,” a ti a.

A car chu biak in hnung lam kawngka lamah chuan a khalh phei a; tichuan, a nu chu a chhuak hmasa a.

A nu chuan, “Tui hlan thianghlim sa (holy water) dah \hat in nei em?” tiin a zâwt a.

Tui thianghlima theh tûrin puithiam an pan a; mahse, puithiam chuan tui hlan thianghlim a lo theh duh lo a, a kaltîr ta daih a.

James-a chuan, “Tui hlan thianghlim kan hmang ve ngâi lo, Bible a awm a,” tiin a chhâng a.

A nu chuan, “Ramhuai man a ni a,” a ti a.

James-a rilru chu a buai hle mai. “Eng thil nge thleng?” tiin a ngaihtuah a. A nu chuan, “Ramhuai man a ni” a ti a, Mahse, a pa ve thung chuan, “A pumah hliam a awm avângin \awng\âisak kan mamawh,” tiin a chhâng a.

A pa chuan car kawngkhâr chu a hawng a; tichuan, a fanu chu a chhuak a. A indawm kun ngawih ngawih mai a. Kum 20 vêl hmêl pu a ni.

James-a hian ramhuai a la hnawtchhuak ngâi rêng rêng lo a, “Ramhuai man a nih chuan biak ina luh chu a duh lo ang,” tiin a ngaihtuah a.

A pa hnung zuia biak in lam an pan lâi chu James-a chuan a lo thlîr reng a. Biak in hnung lam kawngka an pan lâi chuan a ka a\ang chil phuan a lo chhuak a. Chhuatah chuan a \hu tung hnawk a, ramsa ang maiin a hrâm chiam a.

A pa chu amah âia lian daih a ni bawk a, “Ka hlau lo che nia,” a ti a.

A pa chuan James-a hnênah, “|awng\âi la, a \ha leh mai ang,” a ti a.

A nu erawh chuan a hlau hle thung. A inthliar fihlîm ta daih a. Aw khûr der der chungin, “Isua hmingin, Isua hming,” tiin a lo chham ve chûl bawk a.

James-a chuan Bible chu a la a, Marka bung kua chu a keu fuh a. Heti lâiah hian Isuan naupang kawchhûng a\anga ramhuai a hnawhchhuah thu kan hmu. Isuan ramhuai mana pa zawhna a zawh chu James-a bengah chuan a khâwk ri rum rum a, “Ramhuaiin a tihbuaina engtia rei nge ni tawh?” tiin a zâwt a.

Chu zawhna chuan a pa rilru a tibuai hle mai. Ramhuai man a ni tih a pawm duh tlat lo. A duh chu \awng\aina chauh a ni.

 Chutih rual chuan a nu erawh chuan a sawi ngâi bawk, “Isua hmingin, Isua hmingin,” a lo la ti chhên bawk a.

A fanu chuan a pa chu a bei thut a. A hnung lam a\ang chuan a hrawkah a rêk a.

“Ka hlau lo che,” tia sawitu a pa pawh khân a hlau ta hle mai. “Min \anpui rawh u, min \anpui rawh u,” a ti chûl mai a.

A chêt dân chu hlauhawm tak a ni. A nu chu biak in a\ang chuan a tlân chhuak a.

James-a chuan hnung lam a\angin dîm tein hmeichhe naupang dâr chu a dawm a; tichuan, a pa chu a thlah a, a pa pawh chu a tlân chhuak ve ta a ni.

  James-a chuan tihngaihna tak pawh a hre lo; mahse; a hlau hran lo. Pathian vên himnaah a innghat tawp mai a ni.

Dektu a nei tih a hriat chuan zâwi muang hian a in her a, James-a chu a melh a. A bân chu chung lamah a phar chhuak a. James-a chu bâng lamah chuan a tawlh hnung a. James-a awmna lamah chuan a insawn ve zêl a, James-a hmaah chuan a ding a, kut thlâk inring reng ang mai hian a bân chu a la phar reng a; mahse, engtin mah a ti lo. James-a chuan a mit chu a en reng a, eng mah hmuh tûr a awm lo. A taksa a bo ni berin a lang. Hmuh tûr a awm ta lo a. Ngâi a awh leh theihna tûrin James-a chu a \awng\âi mawlh mawlh a.

Rei lo te-ah chuan chhuatah a rawn tla thlawp a. Tichuan, ngâi a awh leh theih nân James-a chu a \awng\âi ta a.

Hmeichhe naupang chu a tho a, \hutthlêngah chuan a \hu a. Tûnah chuan ngâi a rawn awh leh thei ta. A \awng chhuak pawh a pangngâi e. “Tuin nge min \anpui,” tiin a rawn \awng chhuak a.

Isuan a tidam a ni.

 A pa chu a lo lût leh a. Thlamuang hmêl tak hian, “Ka fanu ngei a ni, ka fanu ngei a ni,” tiin a \awng chhuak a.

A nu pawh chu a lo hnâi a, James-a chuan lâwmthu sawi \awng\âina a hmanpui ta a. An hnênah Pathian thiltihtheihzia chanchin chu a sawi zui a.

“Hetiang dinhmunah hian Pathian lam hawi a pawimawh a ni,” tiin a hrilh a.

An kal hma lawkin Ellen White-i ziak, Krista Panna Kailawn bu a pe a.

James-a chuan chu mite chhûngkua chu a hmu leh tawh lo. Eng thil nge an chungah thleng tih pawh a hre zui tawh lo. Chumi zân a\ang chuan Navajo Reservation-ah Krista leh Setana indona chu a takin a hre ve ta a ni.

Navajo mite tân i \awng\âi fo ang u. Pastor James-a leh a chhûngte rawngbâwlna atân pawh i \awng\âi\hîn bawk ang u. He chanchin thlenna hmun, Page All Nations Seventh-day Adventist Church, Arizona \anpui nân kum 2011 khân Sabbath vawi 13-na thawhlâwm i lo thawh tawh avângin kan lâwm e.

By Andrew McChesney