2024 4th Quarter Rawngbawlna Chanchin 8

Sabbath 8-na November 23

RAMHUAI NÊNA INHMACHHAWN

Adiv-a              Alaska              

    A pain a fanu kum 15 mi, nau pâi chu a hauh lâi chuan an in chhûng chu boruak rit takin a tuam vêl a.

    A pa chuan, “Naute a khaw lo vek dâwn asin,” a ti a.

Alaska state-a an mahni inah chuan, Lusa-i chuan a pa thu sawi chu pawisa lo fahran hian sitting room-ah chuan meizial chu a zu lui vêl a.

    Michigan-a fahrah enkawlna hmuna thawk, Adiv-a chuan an intih dân chu a lo thlîr reng a. Lusa-i tlawh paha lo kal a ni a. Ani leh chumi inchhûnga khawsa zawng zawngte chu Seventh-day Adventist vek an ni.

    Chawp leh chilhin Lusa-i leh a pa chu pindanah chuan an lût a, a nu pawh chuan a zui lût ve nghâl a. Kawngka chu an khâr a.

    Sitting room-a \hu Adiv-a chuan boruak a \ha lo tih a hre thiam a. Eng thil nge thleng tih erawh hre thiam chiah lo mah se, \awng\aina hun remchâng niin a hria a.

    A han \awng\âi chuan, pindan kawngkhâr phên a\anga \awngkam chhe deuh deuha ring taka au thawm chu a hria a.

    A nu chu a lo chhuak a. “Ramhuaiin a man a ni,” a ti a. “|awng\âi rawh,” a ti a.

Adiv-a chu ngawrh takin a \awng\âi a. Pathian hnênah finna a dîl a. Bible a la a, pindan pâwn lamah chuan \hîng\hiin a \awng\âi ta a.

    “Lalpa, tih dân tûr min kawhhmuh rawh,” tiin a \awng\âi a. “Ka sualna zawng zawng ngâidam ang che. Ka sualna zawng zawng min dah bosak ang che” tiin

    A \awng\âi dân ngâi bawk chuan Lusa-i, a nu, leh a pa tan a \awng\âi leh a.

     Kawngkhâr phên a\ang chuan a râk vak vak a.

    A pa chu a lo chhuak a.

    “Min ko em ni?” a ti a

    Adiv-a chuan, “Ka ko lo che,” a ti a.

    A pa chuan, “A \ha e, i lo lût duh em?” a ti a.

    Adiv-a chuan pindana luh chu a duh lo na a; mahse, “Ka lo lût ang,” a ti a.

    Pindanah chuan bâng hrula Lusa-i mu zangthal chunga râk vak vak chu a va hmu a.

    A nu leh pa chu an fanu kiangah chuan an ding a.

    Kawngka bulah chuan Adiv-a chu Bible kengin a \hîng\hi a. Tlân chhuah a \ûl hun pawha tlân chhuak mai thei tûrin kawngka bulah chuan a ding tlat a.

    A nu leh pa chuan naupang hla, “Isuan Min Hmangaih,” tih hla an sa a.

    Kawngka bul a\ang chuan Adiv-a pawh chuan a lo zâwm ve a.

    “Isuan naupangte a hmangaih” tih hla an han sak chuan, Lusa-i chu a ngâwi ta a.

   “Ka pa, in \anpuina ka mamawh,” a rawn ti chhuak a.

Advi-a chuan pa ber lungngâi hmêl chu a hmu a.

Pa ber chuan, “Ka \anpui thei lo che. Isua hming lam rawh,” a ti a.

Lusa-i chu a \e vak a. “I fanu a ni tawh lo,” tiin zâwi te hian a rawn \awng a.

 Adiv-a chuan a Bible ken chu a en a. Hma han lâk mai dân tûr a hre thiam lo hle. Mahse, Pathian Thu chuan thiltihtheihna  a nei tih erawh a ring a. Sam bu chu a keu a, ring deuhin a chhiar \an ta a.

Rei lo tê hnuah chuan, a han hawi kual a. Hmeichhe naupang chu a ngawi ta a; tichuan, chhuat zâwlah chuan ama lam panin a rawn bawkvâk phei a.

 Adiv-a chuan rinna chak tak a neih theih nân a \awng\âi a, Bible chu a chhiar chhunzawm zêl bawk a.

Lusa-i chu Adiv-a bulah a lo thleng a, a bân a phar chhuak a, Bible chu chhuatah a ben thlâksak a.

“He lehkhabu hi ka hua, he lehkhabu hi ka hua,” a ti a.

Adiv-a chuan Bible chu a chhar a, Sam ziak chu a chhiar leh a.

Lusa-i chuan Bible chu a paih thlâksak leh a.

Krista leh Setana inbeihna chuan minute 90 zet a awh ta. Buainain a kiansan hma chu Adiv-a, nu leh pa te chu an zâi char chafr a, an \awng\âi a, Bible an chhiar a. A tâwp a tâwpah thlarau sual chuan a chhuahsan ta.

Adiv-a tân chuan minute 90 chhûng \hîng\hit chu awl lo tak a ni. Mahse, a din chhuah erawh chuan chakna thar nei lehin ngâi a awh leh nghâl ta thuai a. Lusa-i erawh a chau hle thung. Chakna a neih loh avângin a \awng peih meuh lo a ni.

Chumi ni a\ang chuan Adiv-a chuan Krista leh Setana inbeihna hi a tak tak a ni tih a hre thiam ta a. “Kan buante hi tisa leh thisen mai an ni si lo; lalna te, thuneihnate, he khawvêl thim chunga roreltute leh vân hmuna thlarau sual hote hi an ni zâwk si a,” (Efesi 6:12).

Alaska rama chêngte leh Adventist huang chhûng kan thlîrin, Lusa-i thil tawn hi mi tawn ve loh a ni lo. Adiv-a hi fahrah enkawlnaah leh Adventist nipui camp-a thawk a ni a, a thawhna hmun hi thlarau sualin a tihbuai fo, Alaska ram mite zînga thawk a ni.

Alaska ramah chatuana chanchin \ha puan darh a nih theih nân Adiv-a hi thinlung leh tihtak zetin a \awng\âi a.

“A theih chhûng chu heti lâi hmuna thawh hi ka duh a ni,” a ti a. Hlen chhuah tûr a tam êm êm a. Mite hian Krista hriat an mamawh a ni,” a ti.

Mi chi hrang hrang 200 zet zîngah Adventist mi chi hrang hrang 11 awmna, Alaska ramah chatuana chanchin \ha puan darh hna thawh tûr a tam hle a ni. Tûn kuatar chhûnga Sabbath vawi 13-na thawhlâwm hi Bethel, Alaska rama Krista hmangaihna puan chhuahna kawnga \anpuitu atân hman tûr a ni ang. December 28-ah thawhlâwm phal taka i thawh dâwn avângin kan lâwm e.

By Andrew McChesney