2024 4th Quarter Rawngbawlna Chanchin 9

Sabbath 9-na November 30

NAUPANG ZAWHNA NGAH

Adiv-a               Alaska              

    James-a chu “naupang zawhna ngah” tia hriat a ni a.

|hâl lâia camp an neih lâiin tih tûr an hrilh apiangin, “Eng vâng nge? Hei hi eng vângin nge ka tih a ngaih? Chu chu eng vângin nge ka tih a ngaih?” tiin zawhna a siam \hîn.

    Amah hi fahrah a ni a. A nu leh a pa an thi tawh a, Alaska rama thingtlâng khaw te tak têa chhûngte ina awm a ni. An chhûngte chuan nipui camp-a lût tûrin an tîr a. James-a chu thlawhtheihnaah chuan a chuang a, Dillingham khawpui lam pan chuan an thlâwk a. Alaska ramin kawng an nei tam loh avângin an zin dâwn rêng rêng chuan an thlâwk tlângpui \hîn a ni.

    Dillingham a thlen chuan bus-ah a chuang a, minute 30 hnuah dîl pakhat a va thleng a. Lawngah chuan a chuang leh a, minute 15 vêl a chuan hnu chuan Seventh-day Adventist-ten Alaska naupangho tâna an buatsaih nipui camp an neihna tûr hmun, Camp Polaris chu a va thleng ta a.

   James-a chuan camp chu nuam a ti nghâl hle mai. Dîla infiamna chi hrang hrang chu a hlimpui hle a. Dîla tlân kualpui tûra lawnglêng hnung lama an thlun \hin \helrêt ham puar, sêrthlum rawng leh a dumpâwla chei a’n rap chiah chu nuam a ti lutuk a, a \hen reng mai a ni. Tuiah chuan tla lo tûrin theihtâwp a chhuah a. |hâl lâi mah ni se, tui chu vûr tui ang maia vawt a ni.

    Tlâi lam inkhâwm hunah chuan James-a nui hmêl chu thinur hmêlah a chang ta. |awng\âi hunah chuan naupang zawng zawng chu an ding vek a, chûngho chu James-a awmna pindana mipa naupang pasarih mu ve te an ni. Camp counselor, Adiv-a chu a ding a. Mahse, James-a chu a \hu tlat a.

    Adiv-a chuan James-a beng bulah chuan, “Din vek tûr a ni a,” tiin a hrilh ru se se a. “Camp chhûnga inkaihhruaina dân kan neih chu, Pathian kan zahna entîr nân \awng\âi lâia din vek tûr a ni” a ti a.

Chutah James-a chu a ding \hem \hem a; mahse, a hmêl chu a hlim lo hle.

A tûk zîng inkhâwm \awng\âi hunah James-a chu a ding leh duh chuang lo a. Tlâi lam inkhâwm \awng\âi hunah pawh chuan a ding leh duh chuang lo bawk. A bula ding naupang pakhat lam chu a hawi a, \awng\âi lâi chuan a be ru se se a. Adiv-a chuan ding tûrin a hrilh \hîn a; mahse, a zâwm duh chuang lo.

Ni thum niah pawh chuan James-a chu a la ding duh ta chuang lo a. Adiv-a chuan thil sawipui tûrin tualzâwlah chuan a ko chhuak a.

Camp inkaihhruaina dân chu a hrilh nawn leh a. “Hetianga i ti lui zêl a nih chuan a sawhkhâwk i la tuar ang,” a ti a. “Pathian zahna lantîr nân \awng\âi lâia din leh \awng loh hi i tih tûr a ni asin. Enga ti nge i din duh loh?” tiina  zâwt a.

James-a chuan, “Eng vângin nge ka din ngawt ang? Eng vângin nge \awng phalsak ka nih loh? tiin a zâwt a. “Pathian ka la hmu ngâi lo a, Pathian a awm a ni tih pawh ka hre lo e” a ti tlat mai.

Adiv-a chuan Pathian chanchin sawina hun remchâng a hmu a. An camp chhûnga thli tleh dân a\angin a sawi \an ta a.

“Thli hi hmu thei lo mah la, a tleh thâwm a\ang leh thing hnah phe suau suau a\ang pawhin   a awm a ni tih i hre thei,” tiin a hrilh a. “Chutiang bawk chuan, Pathian hi ka hmu thei lo; mahse, ka bulah a awm a ni tih chu hriat theih dân ka nei” a ti a.

Zânah chuan arsi chanchin a hrilh leh a.

“Chhûm a awm chuan arsi i hmu thei lo a; mahse, an awm a ni tih erawh i hria. Chutiang chiah chuan Pathian ka hmu thei lo; mahse, ka bulah a awm a ni tih hriat theihna ka nei”

James-s mittui chu a rawn tling ta puau mai a.

“Engtin nge ka hriat theih ang?” tiin a rawn \awng chhuak phawng a. “Pathian hi a awm a nih chuan enga ti nge thil \ha lo a thlen \hin? Ka nu a thih khân khawiah nge Pathian a awm? Ka pa a thih khân khawiah nge Pathian a awm?” a ti a.

Adiv-a chuan thihna hi Pathian ruahman zînga tel a nih loh thu a hrilh a. Mahse, mi hmasa ber, Adama leh Eve te khân Pathian thu kalhin thil sual an ti a, chu sual man chu natna leh thihna a ni. Chuvâng chuan mi zawng zawng tâna thi tûrin Pathianin a fapa, Isua a rawn tîr a ni. Amah ringtu zawng zawng chu Isua nên chantuanin an awm dûn ang a, thihna leh natna an tâwk leh tawh lo ang.

Adiv-a chuan, “Pathian hi hmu thei lo mah la, Pathian chu a awm reng a ni,” a ti a

Jame-a chuan ngun takin a ngâithla a. “Pathian chu a awm tak tak amaw? a ti rilru a.

Chumi hnu chuan \awng\âi lâiin James-a chu a ding \hem \hem a. A ngaihtuahna chu a sawi chhuak lo; mahse, Pathian chanchin a ngaihtuah a ni ang tih Adiv-a chuan a beisei.

Camp Polaris hi Dillingham, Alaska dîl bul hnâia awm a ni a, Seventh-day Adventist-te nipui camp site neih chhun a ni. Kum 2016-a Sabbath vawi 13-na thawhlâwm \henkhat in thawh kha camp chei \hat nâna hman a ni a. Bethel, Alaska-a Krista hmangaihna puan chhuah nân Sabbath vawi 13-na thawhlâwm i thawh dâwn avângin kan lâwm e.

By Andrew McChesney