July 2, 2024 khân Pu F. Lalrokima Zemabawk a kan Elder te in chu vanduaithlâk takin leiminin a chhilh a, an fate nupa Isak Chhangte kum 32 leh a nupui Lalrinchhani kum 25 leh an fanu Abigail Lalchhanhimi kum 4 mite chu a hmunah hian an boral. An ruang hi Zemabawk biak in ah lakluh a ni a, lumen pui niin a tuk Dt 03.07.2024 khân Pastor PL Biakchhawna’n a vui a, thlanmualah Bialtu Pastor Sabbathanga’n a vui thung.
July 13, 2024 khân thudik rawn pawm thar mi 5 te chuan Aizawl Central Church a lawi tûrin Pastor Zirlawma Ralte kutah Baptisma an chang a, nau pahnih hlan nghal a ni.
Aizawl City Crusade Ground Work chu Aizawl veng \henkhatah tan a ni tawh a, Durtlang, Zuangtui, Chaltlanah leh Ramhlunah-te Pastor Sabbaththanga,Evangelist Vanlvote-a, Evan. Peter Lalremtluanga leh Evan. Laltharzela ten Bible Study an pe meka; an zinga mi thenkhatte hian chawlhni pawh an rawn serh \an tawh a ni. Tin, he ground work-ah hian member-te zingah Bible study pe thei tûrin Circle Leader chuan training a neihpui baw a, tunah hian member ten Bible Study pêkna tur hi phur takin an lo zawng mek zêl bawk a ni. Aizawl City City Crusade Ground Work neih mekah hian Evangelist pathum Evan Lalchhanhima Ngopa, Evan. PC Lallianmawia, Biate leh Evan. Laljohnsona, Kawnpui te chu Aizawl East Circle pui tura Mizo Conference-in a pêk angin Dt.31.07.2024 a\ang hian Bible study pein Zemabawkah leh Ramhlunahte an bung nghal a ni .
July 20, 2024 khân Evan Vanlalvote- hovin Hmar Chaltlang ah Communion Service neih a ni a, hun hlimawm tak hman a ni.
July 27, 2024 kha Children’s Sabbath a nih angin kohhran hrang hrangah Naupang pual a hun hlimawm tak hman a ni.
July 27, 2024 Sabbath ni vek khân Circle Leader Pastor Sabbath Thanga Chhakchhuak chuan Sesawng kohhrante Lalpa Zanriah kilna a neihpui a ni a, mi 41 in Lalpa zan riah hi eiin zan lamah Leadership Training a neihpui bawk.
North Hlimen a kan kohhran Leader Pu Gothanga kum 49, Pi Ningthiancingingthiancingi pasal chuan July 31, 2024; zing dar 4:15 khân Brain Tumour natna avangin a chenna in ah min lo muthilhsan ta a, hemi ni vek hian vui nghal niin bialtu Pastor Sabbaththanga Chhakchhuak in a vui a, thlanmualah Evan. Vanlalvote-a’n a vui thung. Pu Gothanga hi kohhran tân mi ṭangkai mikhualte lo chhawn tu ber, mi inpe zo tak a ni a, Kohhran tân chuan chânna nasa tak a ni.
