AYF Aizawl South Circle Rimawi Kut Pui :
AYF Aizawl South Circle-te chuan September 7, 2024 khan Lunglend Seventh-day Adventist kohhran biak in-ah “Nitin Ka Fak Ang Che” tih thupuia hmangin rimawi hmanga intawh khawmna hun an buatsaih. He hunah hian an Circle chhunga kohhran hrang hrang zaipawl bakah Aizawl khaw chhunga AYM band hrang hrangte sawm an ni a. Tin, Mizo Conferene Official Choir – Adventist Choir te leh Mizo Adventist Music Association hruaituten an tel pui bawk a ni.
Fakna hla leh rimawi hmanga program bakah hian Pu Lalmuansanga Khiangte, Associate Director, Youth Ministries Department chuan thuchah a sawi a. Rimawi leh an nitin nun hmanga midangte tana khualzin kawng nuam siam turin thalaite a fuih a. Tin, Nula Macy Malsawmhlui 1000 Missionary Movement, Indian Chapter hnuaia Missionary a Telangana hmuna thawk hnen atangin testimony ngaihthlakna neih a ni bawk. AYF Aizawl South Circle-ah hian Pu KT Lalnunmawia chu President niin Mizorama AYF nung berte zinga mi a ni.
