2025 2nd Quarter Kindergarten Zirlai-10-na

Zirlâi 10                                                                            June 7, 2025

tU-in nge ngaihsak?

Chângvawn: “Ka hlauh châng apiangin nangmah ka ring ang che” (Sam

                      56:3, NIV).

Chhiar Tûr: Genesis 37:12–28; Zâwlneite leh Lalte (2nd Edition, 2014),

                     pp. 198–202.

Zirlâi Tum:  Naupangte chuan:

· An awmna hmun apiangah an \awng\âinate ngâithlâin, Pathianin a ngaihsak

  tih an hria ang.

· Pathianin a awmpui reng avângin an rin chhan zêl thei tih rilru an pu ang.

· Kal tûra Pathian tirhna apianga hlau lovin an kal thei zêl ang.

Thuchah:  Hlauhna kan tawh chângin, Pathian kan rinchhan thei.

Thil hlauh zâwng eng emaw in tawng tawh ngâi em? Josepha pawhin a hlauh zâwng tak a tawng a, Mahse, Pathian rinchhan zêl tûrin duhthlanna a siam a ni.

Ni khat chu Josepha unaute chuan an ran rual chu in a\anga ram hla tak maiah an thlah duah duah mai a. An ran rualte chuan hnim leh hlobet vêl chu an peh kawlh tawh avângin hnim \hatna hmun dang an zawn zêl a ngâi a. Chûng hmun lamah chuan hun rei tak an va thang bo vang vang a.

Jakoba chuan a fapa Josepha hnênah chuan, “I u-te hnêna kal tûrin ka duh che a ni. Mamawhte an nei em va ngaihvên la, an dam leh dam lohte pawh an chanchin min rawn hrilh leh dâwn nia,” a ti a.

Josepha chuan, “Aw le, a pa, ka kal nghâl ang e,” a ti a. Kawng thui tak a zawh chhûng daih tûrin chawte pawh a pai a.

Chhuak tûrin a inpeih ta a, a kawr mâwi tak mai kha hain, a chhuak ta a ni. A kal zêl a, a kal zêl a. Ni eng emawti chhûng chu a ûte zawn hmuh nân a hmang a.

Tûk khat chu a unaute chuan phâizâwl lam chu an thlîr a, anmahni awmna lam pana an nau, Josepha lo kal chu râlah an hmu a. Lo phun ru sap sap chuan, “Hei le mumang neitû kha a lo kal e! Eng vânga lo kal ngê ni ang?” tiin an inbekbawr hlawm a.

Chutah Josepha chunga thil \ha lo tak tih an rêl a—thil râpthlâk tak ti tûrin ruahmanna an siam ta a ni.

Josepha chuan a unaute hmuh hlan nghâkhlel takin, “Hetah in awm daih a!” tia hlim takin a ûte awmna lam pan chuan a tlân a. Mahse, dimdâwihna tel hauh lo va an lo hrâwm vêl tâkah chuan ani hlim leh nui hmêl pawh chu a bo nghâl a. A hmasa berin, a unaute chuan a kawr mâwi chu an hlihsak a. Chumi hnuah chuan khuarkhurum thûk tak maiah an thlâk zui a, a thûk êm avângin mahnia lâwn chhuah ngaihna rêng rêng a awm lo.

A unaute chu an riahbûk lama kalin, ei leh in tûrin an \hu hlawm a. Mahse, an upa ber Reubena chuan an thil tih dân chu dikin a hre thei lo va. Josepha chu a rûka khâi chhuah a, hâwntîr daih a rilruk a. Chutiang tih tum rilru chûng chuan berâm vêng zui tûrin a kal ta nghâl daih a.

Reubena a kal tâk hnu chuan, a unau dangte zînga pakhat, Juda chuan phâi lam chu a’n thlîr vang vang a. “Heta hi sumdâwng ho an lo kal!” tiin a unaute chu a au va.

“Mumang neitu tih bona \ha tak a ni ang. Tichuan, a chhiahhlawhahte kan \ang lo thei dâwn nia,” a ti a. Chutiang chuan a unaute chuan Josepha chungah an ti a. Ani chu tangkaraw tlang 20 lekin an hralh ta mai a ni.

A tîrah chuan, Josepha chuan a hlauthâwng hle mai a. A khûr hlawk hlawk a, a lu-te thingin, a \ap tuar tuar bawk a. Chutah a pa kha a ngaihtuah chhuak a, a pain thawnthu ngaihnawm tak tak a lo hrilh tawhte pawh ngaihtuahin, Pathianin chûng harsatna hnuaiah pawh a enkawl zêl dân a hrilhte kha a ngaihtuah zêl a.

Josepha chuan amah enkawl leh vêngtu atâna Pathian rinchhan zêl tûrin thutlukna fel tak a siam ta a ni. A chunga chutiang thil duhawm lo tak a lo thlen chhan pawh chu a hre mai bîk lo. Mahse, a kalna apianga awmpui tûra Pathian rinchhan zêl tûrin duhthlanna a siam nghet ta a ni.

Tih Tûr leh Sawi Tûr

Sabbath

• Tûn kâr ni tinin zirlâi thawnthu hi chhiarin, in Chângvawn pawh en nawn ang che u.

Ka . . . . . . . . . . .Mahni inkâwk la.

Hlauh chângin, . . . Hlau hmêl pu la.

Nangmah. . . . . . . Chung lam kâwk la.

Ka . . . . . . . . . Mahni inkâwk la.

Ring ang. . . . . . Âwma kut pahnih dah

che . . . . .Chung lam kâwk la

Sam 56:3 . . . . . . . . Kutphah pahnih inthlawptîr a, chutah pharh leh.

Sunday

• A huhova Genesis 37:12–28 keuvin, chhiar ho teh u. Inzawh tûr:  Enga ti nge Josepha unaute khân thîka an îtsik tlat mai le? Enga ti nge Josepha khân a unaute awmnaah a kal? Eng thil pahnih nge Josepha unaute’n an tih tâk? Josepha khân eng angin nge a ngaih? Josepha ûte hming sawi diat diat ula, chutah in chhûngkuaa naupang awmzât chhiar ve ang che u.

Thawh\anni

• Sabbath Sikul lama in fate’n “Pathian Kutte” an lo siam tâkte kha tûn kâr chhûnga mi dangte hnêna Josepha chanchin hrilh paha sem tûrin in fuih dâwn nia. Pathian chu anni âiin a lianin, a ropui fe zâwk tih hrilh nghâl ula, tichuan, a kutah chuan eng mah hlauh tûr an nei lo tih in hrilh bawk dâwn nia.

Thawhlehni

• In fate chu an mit tuamsak chungin khawi hmun hmunah emaw hruai kual ula. Chutah anmahni rinchhan chungin in inhruai kualtîr ve thung dâwn nia. Eng rilru nge in put chiah in inhrilh tlâng dâwn nia. Naupangte hnênah chuan anmahni hruai tûrin Pathian an rinchhan thei reng a ni tih hrilh ula. Thil hlauh eng emaw an neih leh hunah pawh \awng\âipui ula, an Chângvawn hi sawipui ang che u.

Nilaini

• |iauvut (balu) bâwmah infiamtîr ula, tichuan, Aigupta ram hmun tam zâwk chu \iauvut hmun, ramro tak a ni tih in hrilh dâwn nia. Aigupta ram pana Josepha-te kalna kawng niawm tak chu tiauvutah chuan siam vêl teh se.

Ningani

• In fa chu chair/dawhkân emawa dintîrin, in lo pawm chawih theihna tûrah zuan thlâktîr teh u. Rinngamna chungchâng sawiin, heihi zâwt teh u:  Nangmahni \anpuitu atân Pathian in rinchhan thei fo a ngem? Mihringte zîngah in rinchhan ngam loh tûrte an awm em? Mikhual leh hmêlhriat lohte laka fîmkhur a ngaih thûte in hrilh bawk dâwn nia.

Zirtawpni In chhûngkuain Bible thawnthu hi lemchanah hmang ho teh u. Josepha khân kawrfual emaw kawr pangngâi emaw pawh a ha thei ang. Hlauhna chungchâng, naupangte’n an hlauh hun tûr sawipui ula. Engtik hunah leh eng vângin nge ni ang? Pathian rinchhan lam hlate sakpui ula. Pathianin min awmpui reng avângin lâwmthu sawi ang che u