2025 2nd Quarter Kindergarten Zirlai-12-na

Zirlâi 12                                                                           June 21, 2025

duhthlanna fing

Chângvawn: “Kei chuan ka ti thei lo va, . . . mahse, Pathianin a ti thei

                       ang” (Genesis 41:16, NIV).

Chhiar Tûr:  Genesis 41; Thlahtubulte leh Zâwlneite (2nd Edition, 2014),  

                      pp. 208–213.

Zirlâi Tum:  Naupangte chuan:

· Pathianin mi tinte tân tih tûr bîk a ruatsak \heuh tih an hria ang.

· Tih tûr min pêk chu hlen tûrin Pathianin min \anpui \hîn tih an ring ang.

· Pathian thil bîk eng emaw tih duhna nên phûr takin an che ang.

Thuchah:  Thil eng pawh ti tûrin Pathianin                      

               min \anpui thei.

Thil harsa tak ti tûrin tute’n emaw an ti ve tawh ngâi che u em? Josepha pawh Pharaoa mumang hrilhfiah tûrin an ti a; mahse, mahni mai chuan a ti thei bîk lo.

Lal in tukverhah chuan zîng ni chhuak zung chu a lo êng lût sur mai a. Pharaoa chu a lo harh a. A lu chu a na deuh fuk fuk mai a. A chhan chu a hmâ zân kha a mut hilh \hat theih loh vâng a ni. A mumangah thil mak danglam deuh maite a hmu a ni.

A chhiahhlawhte hnênah chuan, “Mi fing hote kha rawn ko teh u!”  a ti a. Lalin a mumang mang danglam tak mai chungchâng a sawi chu mi fingte chuan chîk takin an lo ngâithla \hap mai a. A rûka phun sâ sâ chungin, an lûte an thing a. “Mumang awmzia chu a ngaihna kan hre lo tawp mai,” an ti tlâng a.

Chutah tak chuan Pharaoa hnêna no hlantu kha a lo ding chhuak a. Ani chuan, “Kum hnih vêl kal tâa tân ina kan tân lâi khân, kei pawhin mumang mak deuh mai ka nei a. Tlangvâl pakhat, Josepha an tih chuan ka mumang awmzia chu min hrilhfiahsak a. A sawi ang chiah chuan thil a lo thleng dik chat mai lehnghâl!” a ti a.

Pharaoa chuan kawngkapui lam chu kâwkin, “Josepha chu ka hnênah han hruai thuai rawh u,” a ti a.

Vêngtu sipaite chu tân in lamah an tlân nghâl vat a. Josepha a han inmeh fai leh thawmhnâw a han inbel vêlte pawh chu an nghâk hleithei lo a ni ber mai. Rang takin lal hmaah chuan an hruai zui nghâl vat a.

Pharaoa chuan, “Mumang ka nei a. Heta awm tû mahin a awmzia min hrilh thei si lo. Nang hian mumangte i hrilhfiah thei tih mi sawi ka hria a ni. Ka mumang awmzia chu min han hrilh teh le,” a ti a.

Josepha chuan dik takin a chhâng a, “Kei chuan mumang awmzia chu ka hrilhfiah thei lo. Mahse, Pathianin min hrilh ang a, chu chu ka hrilh ang che,” a ti a.

Pharaoa chuan, “Ka mumangah chuan luipui kamah hian ka lo ding a. Bâwngpui thau leh mâm nalh tak tak pasarih hi an lo chhuak a, luipui kama hlobet chu an pet hmuar hmuar mai a ni. Chutah bâwngpui chêr chhe êm êm mai pasarih hi an lo chhuak ve leh a! Chûng bâwngpui chêr êm êm pasarihte chuan bâwngpui thau leh mâm nalh tak takte chu an ei zo ta mai a ni!” a ti a.

Pharaoa chuan sawi zawm zêlin, “Chu mi hnu chuan mumang dang ka nei leh a. Buh kûng duah \ha tak a\ang hian bui vûi \ha tak tak pasarih a lo peng chhuak a. Chumi hnu chuan buh vûi chhe rim rem tak mai hi a lo chhuak veleh ta a. Chûng buhvui chhe tête chuan buh vûi \ha tak takte chu an ei zo ta mai a!” a ti a.

Josepha chuan, “Hêng thil pahnih hi awmze thuhmun nei an ni. Pathianin thil lo thleng tûr leh a tih dân tûr a hrilh lâwk che a nih chu. Thlâi thar \hat tawntâw kum, kum sarih a lo thleng ang a, chu mi chhûng chuan buh thar a hlawk hle dâwn a ni. Mahse, chumi hnu kum sarih chhûng chu thlâi thar hleih theih loh, \âm kum, ei tûr awm mang loh kum, kum sarih a lo thleng dâwn a ni,” a ti a.

Josepha chuan sawi zawm zêlin, “Chutiang ti tûr chuan mi fing tak i thlan chhuah a ngâi dâwn a. Kum \hat kum, buh thar tam kum sarih chhûnga ei sên loh zawng chu chhêk khâwl zêl tûr a ni. Tichuan, \âm kum, kum sarih lo thleng tûr chhûng pawh chuan ei tûr a awm thei ang a, mite chu ril\âmin an thi lo thei dâwn nia,” a ti a.

Josepha thil sawite a hriat chuan Pharaoa chu a hlim êm êm mai a. Amâ zungbun chu phâwiin Josepha chu a buntîr a. A nghâwngah chuan rangkachak khaidiat a awrhtîr bawk a. A hnênah chuan, “Aigupta ram pum puia hotu ber, enkawltu ni tûrin ka ruat a che. Keimâ dawtah chuan thuneitu sâng ber i ni tawh ang,” a ti a.

Tichuan, Josepha chuan a hna thar chu a thawk \an nghâl a. Tawlâilîra chuangin ram pum a fang chhuak a, kum sarih chhûnga buh thar chhêk khâwlna tûr chhêk inte a sak lâwktîr a.

Josepha chu tân inah a tâng tawh lo. Lalber tân hnâ a thawhsak a. Thil pakhat a theihnghilh mai theih ngâi loh chu, Pathianin tân ina a lo awmpui tawh ang khân, lal inah meuh pawh a awmpui zêl ang tih hi a ni.

Tih Tûr leh Sawi Tûr

Sabbath

• Tûn kâr ni tinin Zirlâi thawnthu hi chhiarin, in Chângvawn pawh en nawn ang che u.

 Keiin . . . . . . Mahni inkâwk la.

 ka ti thei lo va. . . . . . hnung leh hma zâwngin i kut let tawn la

 Mahse, Pathianin a thei. . . . vânlam kâwkin, lu bu nghat nghat la.

 Genesis 41:16 . . Kutphah pahnih inthlâwptîr a, chutah pharh leh.

Sunday

• Genesis 41 chhiar hovin, hriat awlsam tûrin sawi sak teh u. Inzawh tûr:  Tân in a\ana lal no hlantu chhuah a nih hnuin Josepha kha engtia rei nge a la tân zui? Pharaoa hmaa hruai a nihin Josepha khân eng rilru nge a put in rin? Eng thil ti tûrin nge Pharaoa’n Josepha kha a ngen? Josepha’n a ti thei ta em?

Thawh\anni

• Thil tlêm ti tûrin sâwm ang che (vawi thum tal \um tûrin, kezungpui tawk tûrin, dul bêng thak thak tûrin, vir kual tûrin, \um ngâ tal mitsiai tûrin, hâm bâi bâi tûrin leh thil dangte pawh). Chutah an kîu liak tûrin ti leh ang che. Inzawh tûr:  Enga ti nge in tih theih loh? Thil harsate ti thei tûrin tûin nge min \anpui thei? Hla sak tûr: “My God is so great” chutah \awng\âi zui ang che u.

Thawhlehni

• Sabbath Sikul lama Josepha Khâidiat (awrh) lem an siam kha Chângvawn leh Bible thawnthumi dangte hnêna hrilh paha sem tûrin fuih ang che u. (A nih loh leh, lehkha phêk pakhat Chângvawn ziah lenna tûr zâtin chep ula, in ziak zêl dâwn nia. Chumi hmang chuan khaidiat lem in siam dâwn nia.

Nilaini

• Zawh tûr:  In tân eng thilte nge tih awlsam? (Tlân te, zâi te, nambar 10 thleng chhiar te, zuan leh thil dagte pawh.) Tûn atâna in tâna thil tih khirh deuh hlek, tlêma in len deuh huna in la tih theih tûr chu engte nge ni le? (Pheikhawk hrui suih; sâng lama thil dah, lehkha chhiar, nambar 1,000 thleng chhiar leh thil dangte.) Thil harsa deuh zâwkte pawh ti thei tûrin Pathianin a \npui thei a ni tih in hrilh dâwn nia.

Ningani

• In chhûngte hnênah, mahni an in\anpui theih loh lâia Pathian \anpuina an dawnte sawi tûrin insâwm ang che u. Hla sak tûr:  “Isua Min Hmangaih Ka Hria,” chutah, thil harsate ti thei tûra Pathian \anpuina chungah lâwmthu sawi ang che u.

Zirtawpni |hutthlêng leh blanket ilo vêl hmangin tân in (jail) lem siam chawp ula. Chutah Bible thawnthu hi lemchanah hmang ang che u. Josepha lema chang tûr ruat ula, Faroa hmaa ding tûrin in inko chhuak dâwn nia. Pathianin min enkawl dân chungchâng sawi ula. Hla sak tûr: “He’s Able,” thil lian leh \ha zâwkte ti thei tûra Pathian \anpuina chungah lâwmthu sawi ang che u.