2025 2nd Quarter Kindergarten Zirlai-13-na
Zirlâi 13 June 28, 2025
Josepha’n a Unaute a ngâidam
Chângvawn: “Lalpa’n a ngâidam che u ang hian inngâidam tlâng \heuh
rawh u” (Kolosa 3:13, NIV).
Chhiar Tûr: Genesis 42:1–9; 45:1–15; Thlahtubulte leh Zâwlneite (2nd
Edition, 2014),pp. 214–233.
Zirlâi Tum: Naupangte chuan:
· Pathianin min hmangaih a, kan tihsual châng pawhin min ngâidam \hîn tih
an hria ang.
· Ngaihdam nih inhriatna chungah an lâwm ang.
· An chunga chimawm \hînte pawh ngâidam tûrin Pathian \anpuina an dîl
\hîn ang.
Thuchah: Pathianin min ngaihdam zârah kan inngâidam tlâng thei ang.
Mi tuin emaw in chungah tih âwm loh tak an ti tawh ngâi em? Chutiang mi chu in ngâidam thei em? Ngaihdam a awlsam em? Josepha unaute pawhin a chungah thil tih âwm lo lutuk tak mai an tî a nih chu.
Josepha chuan a hmaa mipa 11 ngaih ngam lo deuh hmêlpua dingte chu a’n en vang vang a. Chu mite chu chulâi vêla mite ang lo, mikhual hmêlpu an ni. Anni kha Kanaan ram a\anga pur phur tûra Aigupta rama buh lei tûra lo kal, mikhual chu an ni rêng a. Mahse, Josfa erawh chuan tute nge an nih chiang takin a hre nghâl chat mai thung a. Anni chu a unaute kha an ni! A unaute hi hmuh leh pawh a inbeisei ngam tawh lo a ni.
Josepha rilruah chuan tûnhma thilte kha a lo lang zut zut mai a. A unaute’n dichim taka a chunga an tih dânte kha a hre chhuak a. A duh lo chûng chûng khuarkhuruma an thlâk te, a hnua Aigupta lama sal atâna an hralh lâite kha chiang takin a rilruah a lo lang a.
Tûnah chuan ani chu Aigupta mi rorêltu rêng niawma lang, lal Pharaoa dawta thunei ber khawpa sâng chu, tû dang ni lovin, an unaupa ngei kha a ni tih inhriattîrna hun tûr chu a ni.
Josepha chuan a chhiahhlawhte hnênah chuan, “Kal la! Pawnah min lo nghâk lawk rawh u,” a ti a.
Pindan chhûngah chuan amah leh a unaute chauh chu an awm tlâng ta a. Josepha biangah chuan mittui a lo luang ngiai ngiai a. An hnênah chuan, “In unaupa, Josepha kha ka ni e. Ka pa chu a la dam ang chu maw?” tiin \ap chungin an hnênah a inhriattîr a. A unaute chuan sawi tûr pawh hre lovin, an âng hau mai hlawm a.
An rilru tê tê chuan, ‘Hê Aigupta ram rorêltu lal leh pawimawh tak hi, an unaupa a ni thei tak tak dâwn em ni le âw?’ tiin an ngaihtuah a. Chutah chuan namên lovin an hlau leh ta thung a. A chunga chimawm taka an khawsak \hin avâng khân an hlau leh ta si a ni.
Anni kha chuan sal ni tûrin an hralh a nih kha!
Josepha chuan, “Mi rawn hnaih teh u,” a ti a. Amah chu an hlau hle tih a hria a ni.
“Kei hi in unaupa Josepha kha ka ni. Aigupta rama sal ni tûrin min hralh a. Mahse, lungkham duh suh u. Pathian chuan hetah hian, in hmaah min lo kal hmasaktîr zâwk a nih hi. |âm tlâk chhûnga in dam khawchhuah theih nân min lo kal hmasak tîr a nih zâwk hi,” tiin \ha takin an hnênah thû a sawi a.
An hnênah chuan, “Kal ula, hâwng thuai thuai rawh u! Ka pa hnênah chuan Aigupta ram rorêltu, lalber dawttu ka nih thû hi han hrilh ula. Amah chu hetah rawn hruai thla rawh u. In tû leh fate nên han hruai thla vek ang che u,” tiin a chah a.
“Hetah ka hnênah in chêng ang a, hê \âm tlâk chhûng zawng hian ka lo enkawlin, ka châwm ang che u.”
Tichuan, Josepha leh a unaute chu hun eng emaw chen an tîtî tlâng a. An hnênah chuan ani chuan a chunga an thiltih tâkah khân a ngâidam vek tawh a ni tih thû vawi eng emaw zât a hrilh nawn a. Josepha chuan an chhûngkaw chungchâng thil tam tak hriat châkin a zâwt a.
Reubena pawh tûnah chuan a thawvêng ta huai a. Ngaihdam a ni tih a inhriatin, ngaih muang takin a awm thei ta a.
Reubena chuan a unaute chu an melh kual vêl a. Josepha hnêna an nupui fanaute chanchin ngaihnawm lâi sawi inchuh a an \awng nak nakte chu a lo ngâithla a. Anni pawh chuan ngaihdam an nih chu an pawm ta niin a hria a. An nupui fanaute leh an pa Jakoba pawh chu Aigupta lamah an pempui dâwn ta a. Chutah chuan Josepha pawhin, a ngaih êm êm a pa hmêl chu a hmu leh thei dâwn a ni.
Tih Tûr leh Sawi Tûr
Sabbath
- Tûn kâr ni tinin Zirlâi thawnthu hi chhiarin, in Chângvawn pawh en nawn ang che u.
Lalpa’n . . . . .Chung lam kâwk la.
A ngâidam . . . . Kutphah dinglam a thal zâwngin pharh a, kut veilam a chunga dah a, bân zût chhoh.
Che u angin. . . . . . .Mi dang kâwk la
inngâidam rawh u. . . . . . . .a chunga tih dân anga tih.
Kolosa 3:13 . . . Kutphah pahnih inthlawptîr a, chutah pharh leh.
Sunday
- In nau chuan lung lian tâwk zawngin rawn lâ se la. Sawi tûr: Nilêngin in châwi reng peih a ngem? Mi dangte kan ngaihdam loh chuan, lung lian leh rit tak châwi reng ang kan ni. Kan rilru ngaihtuahna \ha lo chuan min delh rit a. Tûnah lung chu nghat teh. Mi dangte kan ngaihdam hian, thil rit tak kan châwi \âwng \âwng nghat ta daih ang kan ni \hîn.
Thawh\anni
- Lehkha phêk pakhat chu phel ngâah thler la. Châr khâwm leh thlap tûrin han tihtîr dâwn teh an thei rêng em.
- Sawi tûr: Thler hmâ ang chiah khân a lang thei em? Mi tûin emaw thil dik lo a tih hian, rilru chhûngah \ha lo tihna an nei \hîn a. A siam \hat lehna tûr chu: “Pawi ka ti, ka inchhîr” tia thupha châwi a ni.
Thawhlehni
- Pathianin min ngaihdamna thilthlawnpêk entîr nâna Sabbath sikula thilthlawnpêk bâwm siam tûrin naupangte chu fuih la. Tichuan, Josepha’n a unaute a ngaihdam dân khaw sawi tûrin i ti dâwn nia. Nangni pawhin ngaihdam in dîl tâk chungchâng kha an hnênah hrilh ve ula.
Nilaini
- Inzawh tûr: Mi dangte in ngaihdam hian Isua chu hlim taka lo nui var var tûrin in ring em? Vawiin thil fel lo an lo tih tâkte chunga Isua ngaihdamna dîl tûrin i fate chu fuih la. Anmahni a ngaihdam avânga lâwmthu sawi nachâng hre tûrin fuih bawk \hîn ang che u.
Ningani
- Josepha unaute’n a chunga thil \ha lo an tih tâkte kha sawi ula. Chutiang in tih chhûng chuan in kut leh in fate kut chu chanchinbu hmangin lo nâwt lo nâwt ula. In kut bâl tak chu en teh u. Tichuan, insil faisak ula. Kut insil faisak hi Pathianin kan sualte min ngaihdamsak nên thil inzûl tak a ni tih in hrilhfiah dâwn nia.
Zirtawpni
- In chhûngkaw worship-naah hê thawnthu hi lemchanah hmang ula. Hla sak tûr: “God Is So Good” (Little Voices Praise Him, No. 88) a châng tâwp nân: “He forgives me too,” tiin in sa dâwn nia. Josepha anga mi dangte ngaihdam zêl in duh theih nân Isua \anpuina dîlin \awng\âi ang che u.