2025 2nd Quarter Kindergarten Zirlai-3-na

Zirlâi 3 April 19, 2025

pûka nangchîng

Chângvawn: “Thil \ha tih i ning suh ang u khai!” (Galatia 6:9, NIV).

Chhiar Tûr: 1 Samuela 18:5–9; 19:1, 2, 11, 12; 24:1–22; Thlahtubulte

leh Zâwlneite (2nd Edition, 2014), pp. 688–705.

Zirlâi Tum: Naupangte chuan:

· Pathian mit hmuhah mi tinin hlutna an nei \heuh tih an hria ang.

· Mi dangte tâna thil \ha tihsak duhna thinlung an pu ang.

· An chunga ngilnei lote chungah pawh ngilneihna an lantîr zêl ang.

Thuchah: Mi dangte chu kan chunga an \hat loh lâi pawhin thil \ha kan

tihsak thei tho.

Mi tuin emaw râwng deuh takin an ti ngâi tawh che u em? Engtin nge i tih? Kan chunga chimawm taka che \hînte chunga tih ve dân tûr \ha tak chu Davida’n min kawhhmuh dâwn a ni.

Sipai Pakhat chu tlâng pang âwihah chuan a tawlh thla hrawt hrawt a. Lung\hîlte tawlh thlâk puiin, chutah a ding ngîl a, hmanhmawh takin a tlân a. Davida hnênah chuan, “Saula leh a sipaite an lo kal!” tiin thaw hlawp hlawp chungin a hrilh a. “Lal Saula chu a sipai sâng thum lâi nên an lo kal!” (1 Samuela 24:2.)

Mipa naupang mai a ni tawh lo va. Davida leh a mi 600-te chu biru tûrin tlânga pûk lamah an lâwn ta thuai thuai a. Pûk chhûng chu a thimin, a reh ruih mai a. Davida leh a mite chu pûk chhûng lung phên vêlah chuan a birû a. Thâwk pawh an thaw \ha ngam meuh lo a ni ber mai.

Davida leh a mite kha Lal Saula leh a sipaite hlauvin thla eng emaw ti chhûng an bibo tawh a. Lal Saula chuan Davida chu tihhlum ngei a duh a ni tih mipui hriatah a puang tawh a. Eng vâng nge? Davida khân indonaah hnehna a chan \hin avângin Lal Saula khân a îtsik tlat vâng a ni. Israel mipuite pawhin Davida chu an ngaina hlawm hle mai a. Amah fakna hlate phuahin a sa dual dual a. Lal Saula nêna khâikhinna hlate pawh an phuah bawk a, chu chu Lal Saula chuan a ngâithei lo êm êm mai a ni.

Pûk bulah chuan mi pakhat hi a lo kal thut mai a. Chu pa chu pa lian leh sâng tak, Saula a ni reng mai! Lal chuan pûk kawngkâ chu a melh thut thut a. A lût a, a kawrfual chu hnung lama hlîmin a mu ta mai a.

Davida mite zînga pakhat chuan, “En teh! Lal Saula thahna tûr hun remchâng chu Lalpa’n a pe ta che a nih hî!” tiin a bekbawr sâ sâ a.

Davida erawh chuan, “Ka thei lo. Pathianin lal atân a siam a, chuvângin a chungah kut ka thlâk thei lo a ni,” tiin a chhâng a.

Chutah Davida chuan a chemte hriam tak a kâwnghrêna a pai chu a la a. Fîmkhur leh zâwi muang thâwm dîm takin Lal kawrfual hmâwr hlep tûrin a pan hnâi a.

Davida chu thâwm nei lovin a mite awmna lamah chuan a tawlh kîr leh a. Mahse, Lal kawrfual fêm a hlehsak pawh chu a rilruin a inthiam thei lo va.

Lal Saula a thawh leh hnu chuan pûk chu a kalsan a. Davida chuan a hnungah a zui a. “Ka Lalpa, lal ber!” tiin a au zui a.

Saula chu a lehhawi thuai a, Davida pûk kawngkaa ding chu a hmû a.

Davida chuan, “Kei leh ka mite hian that mai thei che kan nia sin! Mahse, Lalpa mi thlan i nih avângin eng tikah mah ka tina ngâi lo vang che. En teh! Hei hian duh ila chuan ka tina thei che tih a finfiah chiang hle a ni,” tiin ring takin Davida chuan a auva, chumi pah chuan lal kawrfual fêm a hleh chu a entîr a.

Saula chuan, “Nangmah em ni, Davida? Nang zawng kei âi chuan i fel zâwk hle a nih hi,” tiin a au lêt a.

“Nang chuan ka chungah zah i ngâi a. Engtikah emaw chuan ka hnuah hian Israel lal i la ni ngei dâwn tih ka hria a ni. Ka chhûngte that mang lo tûrin intiam rawh khâi!” a ti bawk a.

Tichuan, Lal Saula leh a sipai 3,000 chu kawng thui tak zawhin an hâwng leh ta a.

Chu mi nia Davida’n Saula chunga a tih dân avâng chuan Lalpa chu a chungah a lâwm êm êm a ni.

Tih Tûr leh Sawi Tûr

Sabbath

Tûn kâr ni tinin Zirlâi thawnthu hi chhiarin, in Chângvawn pawh en nawn ang che u.

Hawh u . . . . . . Mi dangte kâwk la, chutah mahni inkâwk leh la.

Thil \ha tih. . . . . Kutphah thlawp pharh leh a zau taka pharh kual,

I ning . . . . . . . . . Awma kut dah a, hmalama phar chhuah a, kâwng leh

koki kâra tihsawn tawn chhên.

Suh ang u . . . . . .Lu thin a hawi tawn vêl.

Galatia 6:9 . . . . . Kutphah pahnih inthlawptîr a, chutah pharh leh.

He châng hi in sawi pahin naupangte chu zuang nawn zuang nawn tûrin in ti dâwn nia. Zuan an nin theih thute hrilh ula, Mahse, ning khawp chuan zuantîr kher suh ang che u.

Sunday

Hêng hi chhiar ho ula: 1 Samuela 18:5–9; 19:1, 2, 11, 12; 24:1–22. Inzawh tûr: Enga ti nge Lal Saula kha Davida chungah a thinrim mai? Eng thil nge tih a tum? Khawiah nge Davida a bihrûk tâk? Davida khân Lal Saula chungah eng nge a tih kha? Engtin nge Lal Saula’n a tih ve tâk?

Thawh\anni

Pûk lem siam nân chair leh blanket in hmang dâwn nia. In fa chu pûka awm chungin Bible thawnthu hi sawitîr ula. Mi tute’n emaw in phu rêng ni hauh lo in chunga thil \ha an tihsak che u chungchâng sawi ula. (A nih loh leh, nangmahni chunga ngilnei ve vak lo hnêna \hatna in lantîr chungchâng sawi ang che u.)

Thawhlehni

In fate nên, hêng thu kim lo lâi hi dah kim dâwn teh u: “Lalpa, hetiang hunah hian \hatna lantîr a harsa kan ti \hîn……………………………….. (pahnih/thum tal ziak ula). Mi dangte an ngilneih loh lâi pawha ngilneihna lantîr \hin tûra Isua \anpuina dîlpui ang che u. Sabbath Sikula an fabric cheh sa \henkhat kha Bible thawnthu sawi pahin, mi dangte sem tûrin \anpui ula, a remchân chuan an chunga chimawm deuh \hînte in pêktîr dâwn nia.

Nilaini

Inzawh tûr: In chunga lo chimawm deuh \hînte chua \hatna lantîr hi awlsam in ti em? Davida kha amah thah tumtu chunga a \hat theih nân tûin nge \anpui? |ha tûrin tuin nge \anpui thei che u? In kiang vêla mi chimawm deuh tak an awm chuan, chutiang mite tâna thil \ha eng emaw tihsak tûrin ruahman ula, vawiin ngeiah tihsak ang che u.

Ningani

Naupang pahnih, thil \ha intihsak chîng tak lem ziak teh u. Thil \ha tih chungchâng sawina lam hla sa ho teh u.

Zirtawpni Thawhlehni-a ‘\hatna lantîr’ harsa in tihna thûte kha en nawn leh ula. In fate’n engtin nge tûnkâr chhûngin an nunpui sawi ho teh u. Isua \anpuina chungah lâwmthu sawi ula. In chhûngkaw worship-naah Thlahtubulte leh Zâwlneite bu phêk 701–704-a Davida leh Saula inbiakna thû chhiarin, sawi ho ang che u.