2025 2nd Quarter Kindergarten Zirlai-5-na

Zirlâi 5 May 3, 2025

fiahna pal tlangin

Chângvawn: “Thil dik lo chu hnarin, thil dik chu thlang ula” (Isaia 7:15, NIV).

Chhiar tûr: Daniela 1; Zâwlneite leh Lalte (2nd Edition, 2014), pp. 405–414.

Zirlâi tum: Naupangte chuan:

· Duhthlanna \ha siamin Pathian chibai an bûk thei tih an hria ang.

· Duhthlanna an siam ang taka nun zui zêl duhna rilru an pu ang.

· An tâna thil \hate chauh chu an thlang zêl tawh ang.

Thuchah: Thil \hate kan thlanin Pathian chibai kan bûk \hîn.

Chaw tui in tih zâwng chu engang nge ni? Chutiang chu in tâna ei tûr \ha ber berte an ni hlawm em? Daniela leh a \hiante’n ei leh in thu-ah duhthlanna fing tak an siam a nih chu!

Daniela leh a \hian pathumte chu dingin, lal in mâwi leh ropui tak mai chu an thlîr vawng vawng a. Anni hi an chau tawhin, an lungngâi êm êm a. Chin hriat loh ram dang hla tak, hmêl hriat ngâi lohte zîngah Babulon lal salmante an ni.

Lal in chhûng an thlen chuan, chhiahhlawhte chuan mipa naupang ho chu inbualna hmun zau takah an hruai lût a. An inbual zawhah chhiahhlawh chuan thawmhnaw mâwi tak lo pe zêlin, an awmna tûr pindan thar a kawhhmuh nghâl a. “Zanriah pawh peih a ni thuai tawh ang,” tiin a hrilh bawk a.

Daniela leh a \hiante chu an khum thar tûr kiangah chuan an \hing\hî a. Hriat \han loh ram thar, mi tûmahin amah chibai an bûk ve ngâi lohna ramah pawh thil dik thlang a, rinnaa an dinngheh theihna tûrin Pathian \anpuina an dîl a.

Rei lo têah chhiahhlawh chuan zanriah kîl tûrin a ko nghâl a. Daniela leh a \hiante chuan an chaw eina hmunpui lamah chuan an zui a. Dawhkânah chuan chaw tuihnâi leh îtawm tak tak, milem pathiante hnêna hlan hnu, lal dawhkân a\anga an rawn lâk chu an hûng tlar dul mai a. Daniela leh a \hiante chu an inen hrak hrak hlawm a. Engtin nge an tih tâk ang le? Hetiang châw hi Pathianin ei \hîn tûra a duhsak ang chî a ni si lo.

Daniela chu saltâng zawng zawngte enkawl kawnga hotu lu ber hnênah a kal a. Hawihhâwm takin hotupa hnênah chuan, “Kei leh ka \hiante hian kan Pathianin ei tûra min hrilh ang chi châw chu kan ei thei a ngem le?” tiin a dîl a.

Chu hotupa chuan Daniela rawtna ang chî tihsak chu a hlau hle mai thung a. An hnênah chuan, “Lalberin a ei \hin ang châw hi ei tûr leh a in \hin ang uain hi in tûrin thû a pe che u a ni,” tiin a chhâng a.

“In hmêlte a lo dawldân a, damlo hmêlte in put chuan, hna thawk \ha lo tiin lalber chuan min that mai ang,” a ti a.

Daniela chuan thil awmzia chu chîk takin a ngaihtuah vang vang a. Daniela leh a \hiante vêngtu tûra ruat, Melzara hnênah chuan thil awmzia a hrilh a. “Ni sâwm chhûng min fiah phawt mai dâwn em ni ang?” a ti a. “Chu mi chhûng chuan chaw mâwl leh tluang tlam tak—thei rah leh thlâi te, kâwr nei chî leh fang nei lam chîte bâkah, in tûrah chuan uain âiah tuisik min pe bawk la. Tichuan, ni sâwm hnuah min endik leh dâwn nia,” a ti a.

Melzara chuan chutianga fiah chu rem a tihsak a. Ni sâwm chhûng chuan chutiang chaw mâwl leh in tûr atân tuisik chauh a pêktîr ta a.

Ni sâwm fiahna hun a lo zawh chuan, Daniela leh a \hiante chu lal chaw-tuihnâi ei a, a uain in ang in \hînte âi chuan an hmêl \ha zâwkin, an hrisêl hmêl zâwk daih mai a ni. Melzara chuan Daniela leh a \hiante chuan duh-thlanna fing tak an siam a ni tih a hre ta a. Chutiang chuan thlâi ring a, tui chauh in chu a phalsak zui ta zêl a ni.

Pathianin Daniela leh a \hiante chu mal a sâwm a. Lal Nebukadnezzara sikula thil an zir zawng zawngah chuan a \anpui a. A hnu kum thumah chuan an zâin lalber chuan an thiamna leh finnate endikna a nei a. Daniela leh a \hiante chu a lalram pum puia finna leh thiamna zir ve mi dang zawng zawngte âiin a lêt sâwmin an thiam zâwk tih a hre ta a ni.

Daniela leh a \hiante khân an taksa tâna \ha tûr chîte chauh ei leh in atân an thlang a. An duhthlanna hmangin Pathian chibai an bûk a. Nangni pawh chutiang chuan in ti ve thei a ni.

Tih Tûr leh Sawi Tûr

Sabbath

Tûn kâr ni tinin Zirlâi thawnthu hi chhiarin, in Chângvawn pawh en nawn ang che u.

Thil dik lo hnarin . . .Lu thina hmêl ner vêl.

Thil dik thlang. . . . . .Lu kûn a, hlim hmêl put.

Ula . . . . . . . . . . . . mi dangte kâwk kual la.

Isaia 7:15 . . . . . . . . Kutphah pahnih inthlawptîr a, chutah pharh leh.

Sunday

Eichawp dâwra in kal hunah, mihring tâna eitûr \ha leh hrisêl chungchâng sawi ang che u. In fridge chhûng leh chhuar vêlte en ula. Naupangte’n thei, fangnei lam chî, theipilsak leh thlâi hnah lamte an thliar thiam nân hrilh ang che u.

Thawh\anni

Sabbath Sikul lama “Thutlûkna \ha chungchâng min zâwt rawh” tih badge siamtîr ula, chutiang an siam lâi chuan Daniela leh a \hiante’n duhthlanna fing an siam chungchâng kha in sawitîr dâwn nia. (A nih loh leh, badge lem chu siam ho ula, awrh theih tûrin a lâi in ti–âwng dâwn nia.

Thawhlehni

Magazines/lehkhabu lamah thil \ha thlan dân en ula. Inzawh tûr: Ni tinin eng thutlukna nge in siam ngâi \hîn? (Thuawih emaw âwih loh tûrin emaw, ngilnei tûr emaw nunrâwng tûrin emaw, Eng TV program nge en tûr tihah te pawh.) Thutlukna fing in siam \hîn em? Chûng avâng chuan Isua hnênah lâwmthu sawi ang che u.

Nilaini

Nimin lamah engang châwte nge an lo ei tâk tih ngaihtuah lêt tîr leh ula. Thei leh thlâi lam eng zât nge an ei a, thil chî leh mû lam te, bâwnghnutê leh thil dang eng zât nge an ei chhiarpui ang che u. Thutlukna fing siam chungchâng sawi ho ula. Naktûk lama ei ho atân ei tûr hrisêl thlang tûrin naupangte chu pui ang che u.

Ningani

Tûk\huana ei tûr te, lehkhabu chhiar tûr leh TV program en tûr atân eng thutlukna fing nge an siam ang sawitîr la. Thil pahnih thlan zâwk tûr hriat harsa khawpa \ha ve vete a awm thei nâin, \ha zâwk hi a awm fo tih hrilh ang che.

Zirtawpni Sabbath nia ei leh in tûr hrisêl buatsaih nân eng thil bîkte an lei ang? In chhûngte nên Bible thawnthu hi lemchanah hmang ula. Daniela 1chhiar ho ula. Inzawh tûr: Daniela leh a \hiante khân eng thilte nge ei tûra an thlan tâk khâ? Ni 10 fiah an nih hnu khân eng ang hmêl nge an put? Pathianin a \anpui em? Thutlukna fing siam hi a awlsam \hîn em? In \hiante’n duhthlanna fing lo deuh siam ta se, engtin nge in tih ang?