2025 2nd Quarter Kindergarten Zirlai-6-na

Zirlâi 6                                                                           May 10, 2025

lalber mumang chu

Chângvawn: “Pathian khawngaihna chungchâng chanchin \ha hi mite

                      hnêna hrilh ka duh a ni . . .” (Tirhkohte 20:24, ICB).

Chhiar Tûr:  Daniela 2:1–28, 46–49; Zâwlneite leh Lalte (2nd Edition,

                     2014), pp. 415–424.

Zirlâi Tum:  Naupangte chuan:

· Pathian hriatna nei a, chibai bûk tûrin mi dangte an \anpui thei tih an hria ang.

· Mi dangte’n Pathian hriatna an neih theih nâna \anpui duhna rilru an pu ang.

· Mi dangte hnênah Pathian chungchâng an hrilh ve \hîn ang.

Thuchah:  Mite hnêna ama chungchâng kan hrilh hian Pathian chibai kan bûk a ni.

Nangni mumang in nei ve tawh ngâi em? In han harh leh hnu pawhin ngaihnawm rengin in hria em? Hmânlâi pawhin ram pakhata lalber chuan mumang mak deuh mai a nei a nih chu!

Lal Nebukadnezzara chu a khumah rûmin a let a let a. A meng a, a’n hawi vêl ruai a. Khua lah chu a la thim hle mai bawk si. Tûn maia mumanga a thil hmuh mak tak mai chu a ngaihtuah zui a. Han mut hilh leh mai a tum a. A thei ngang si lo. Amah vêngtu sipaite hnênah chuan, “Mi fingte kha min han koh teh u!” a ti a.

Vêngtu sipaite chu an tho thuai a, mi fingte chu kâi thovin, lal hnênah a hruai thuai a. Lal Nebukadnezzara chuan thinrim hmêl puin mi fingte chu a en a. An hnênah chuan, “Mumang ka nei a, chu chuan min tibuai hle mai,” a ti a.

Mi fingte chuan, “Aw, lalber, kumkhuain dam reng ang che! Khawngaih takin i mumang chu min hrilh la. Tichuan, a awmzia chu kan hrilh dâwn che nia,” an ti a.

Lal Nebukadnezzara chuan, “Teuh lo mai! Nangmahnin ka mumang chu min hrilh mai tûr a ni. Chutah a awmzia pawh min hrilh bawk tûr a ni,” tiin a vîr tuar tuar a.

Mi fingte chu a ngaihna hre lovin an inmelh hrak hrak hlawm a. Hlimin an nui lo khawp mai. “Lalberin min ngen ang hi tû mahin an tithei ngâi lo vang,” tiin an phun sâ sâ hlawm a.

Lal Nebukadnezzara chu a thinrim ta êm êm mai a. A sipaite hnênah chuan, “Hêng mite hi hruai bo rawh u! Mi fing zawng zawngte hi hruai bo vek rawh u!” tiin thû a pe a.

Mi fingte zînga mi pakhat, Daniela, erawh chu kâihthawh zîngah a tel ve lo va. Amah pawh tela mi fingte hruai bo tûra sipai an lo kalin thil awmzia a hre ve chauh a. Daniela chuan, “Eng thilin nge lalber chu tibuai ta chiam le?” tiin a zâwt a.

Lal vêngtu sipai chuan, “Lalber hian amah tibuai êm êmtu mumang a nei a. Hêng mi fingte lah hian a awmzia an hrilhfiahsak thei si lo a ni,” tiin a hrilhfiah a.

Daniela chuan, “Khawngaih takin lalber hnênah chuan thû ka sawi theih nân min hruai ta che,” tiin a ngên a.

Daniela chu lalber hmaah chuan chibai bûkin a kûn a. Hawihhâwm takin lal hnênah chuan, “Khawngaih takin hun tlêm tal min pe ta che. Ka Pathian hnêna \awng\âi ka duh a. Ani chuan i mumang leh a awmzia min hrilh theih nâna dîl ka duh a ni,” a ti a. Lal Nebukadnezzara chu a nur nâng nâng a, Mahse, rem a tihsak a.

Daniela chu a \hian pathumte hnênah a kal nghâl vat a. Pathianin Daniela hnêna lal ber thurûk chu a hriattîr theihna tûrin an \awng\âi a. Chu mi zân chuan Pathianin Daniela hnênah lalber mumang leh a awmzia chu a hriattîr a.

Zîngah chuan Daniela chu Lal Nebukadnezzara hnênah a kal a. Lal chuan, “Ka mumang leh a awmzia chu min hrilh thei em ni?” tiin a lo zâwt a.

Daniela chuan, “Kei chuan thei lo ve. Mahse, vânah Pathian a awm a, Ani chuan thurûkte a puang thei a ni,” a ti a. Tichuan, Daniela chuan lalber mumang leh a awmze dik tak mai chu a hrilh ta a ni.

“Kha chiah kha ka mumang chu a ni!” tiin LalNebukadnezzara chu ring takin a au chhuak a. “Tûnah chuan i Pathian chu pathiante zînga ropui ber a ni tih ka hre ta!” a ti a. Nebukadnezzara chuan Daniela chu lalrama rorêltu pakhatah a siam ta a. Daniela chu mi fing hote hotû atân a siam ta bawk a.

Daniela khân mi dangte \anpui kha nuam a ti a. Mi fing dangte pawh buaina an tawhna laka a chhanchhuah theih avângin a hlim êm êm a. Mahse, chu âi pawha a hlimna tizualtu chu lalberin vân Pathian chauh chu Pathian dik a ni tih a hriat vâng chuan a ni.

Tih Tûr leh Sawi Tûr

Sabbath

• Tûn kâr ni tinin Zirlâi thawnthu hi chhiarin, in Chângvawn pawh en nawn ang che u.

   Pathian khawngaihna chungchâng. . .Chung lam kâwk la.

   Chanchin |hâ . . . .Zau taka bân phar chhuah.

   Mite hnêna hrilh. . . .Zung\anga kâ khawih.

   Ka duh. . . . . . . . . . . . . . . . .Mahni inkawh.

   Tirhkohte 20:24 . . . Kutphah pahnih inthlawptîr a, chutah pharh leh.

Sunday

• Naupangte chu an Sabbath Sikula kawngka leh “Kik Kik” lem an siam kha an \hian emaw \henawm emawte sem tûrin fuih ula. (A nih loh leh, in kawngkapui lem kha ziahtîrin, mâwi taka chei bâkah, “Kik, Kik, Tunge awm?” lem chuantîr tûrin in ti dâwn nia. Isua’n a hmangaih che tih i hria em?)

Thawh\anni

• In nau chu chhang ur tûrin \anpui ula, a nih loh leh a lem ziahtîr ula, Isua’n a hmangaih tih lantîr nân an \hian emaw \henawm emaw chu pangpar in pêktîr dâwn nia. An \hiante zawng zawng pawhin Isua an hmangaih ve theih nân in \awng\âisak dâwn nia.

Thawhlehni

• Mi tute’n emaw mi dangte hnêna Isua chanchin an hrilh/sawi dân hriat nân lehkhabu leh magazine-ah te zawng ula, a nih loh leh chutiang sawi ngaihthlâkte pawh a \ha ang. Mi dangte hnêna Isua chanchin an hrilh theih dân tûr chu a lem han chantîr chhin teh u.

Nilaini

• Naupang chu nambar 1 a\anga 10 inkâr ngaihtuah tûrin ti ula. An ngaihtuah tak chu in inrinsiak dâwn nia. A ngaihtuah namber dik tak hriat nân vawi eng zât nge rin nawn ngâi? Chutah intihchhâwk ve thung ula. Pathian chauhin kan ngaihtuah leh mumangte min hriatsak a ni tih chungchâng in sawi ho dâwn nia.

Ningani

• Daniela 2:1–28 leh 46–49 chhiar ho ula. Inzawh tûr:  Lalber khân a mi fingte kha eng ti tûrin nge a duh? Enga ti nge an tih theih loh? Engtin nge Lal Nebukadnezzara khân Pathian chungchâng a lo hriat tâk? Naupangte chu mumanga an thil hmuh lem ziak tûrin tî ula, chutah chumi chungchâng chu in sawitîr dâwn nia. Mumang ngaihnawm in neih chungchâng kha an hnênah hrilh ula. Mumang neih manhla tak in neih avângin Isua hnênah lâwmthu sawi ang che u.

Zirtawpni

• In chhûngkaw worship-naah Bible thawnthu hi lemchanah hmang ula. In chhûngte nên “God’s Messenger” tih kha chang ho ula. Pathian chungchâng thil \ha lam sawi tûr ngaihtuah ula, chûng chu phun sê sêin in inhrilh tlâng dâwn nia.

    * Tûn kâra mimal inhlan nân ‘Zâwlneite leh Lalte (2nd Edition 2014), pp.            415–424 in chhiar dâwn nia.