2025 2nd Quarter Kindergarten Zirlai-7-na

Zirlâi 7                                                                           May 17, 2025

rawh tuina meipui

Chângvawn: “Lalpa rawng kan bâwl zêl dâwn a ni” (Joshua 24:15, NIV).

Chhiar Tûr:  Daniela 3; Zâwlneite leh Lalte (2nd Edition, 2014), pp. 425–433.

Zirlâi Tum:  Naupangte chuan:

· Pathian chauhin an chibai bûk a phu tih an hria ang.

· Pathian thu âwih zêl an tum ruh tlat ang.

· Thu âwihnain Pathian chu chibai an bûk zêl ang.

Thuchah:  Thil dik lote tih kan duh loh tlat hian Pathian chibai kan bûk a ni.

Mi tuin emaw thil \ha lo eng emaw ti tûrin an ti tawh ngâi che u em? Engtin nge in tih? Shadraka te, Meshaka leh Abednego-a te pawh thil dik lo ti tûrin an ti a ni.

Lal Nebukadnezzara chuan rangka-chak milim lianpui mai, inchhâwng chhâwng riat vêl chen tûr chu siam tûrin thû a pe a. Chu hna chu a tâwpah chuan an zo thei ta hrâm a. A tûkah chuan Nebukadnezzara rawngbâwla mipuite chunga rorêl-tute chu chu lâi phâizâwlah chuan an lo kal khâwm a. Rangkachak milim lianpui mai chu makti takin an thlîr vang vang hlawm a.

Chûng rorêltute chuan milim bul lawka thîr rawh tuina hmun lian tak chu an thlîr bawk a. Sipaihote chuan nasa takin mei an chhêm hluah mai a. Mipuite chuan, “Enga ti nge meipui nasa deuh hi an chhêm le?” tiin an inzâwt ru sap sap hlawm a.

A tâwpah chuan mipui hmaah chuan mi pakhat hi a lo ding chhuak a. “Mipuite u! Lalber thupêk hi ngun takin lo ngâithla rawh u! Rimâwi tumtute’n rimâwi an tum rî in hriat hunah chuan lalin rangkachak milim a siam hmaah hian chibai bûkin in kûn \heuh tûr a ni. Tu pawhin thu a âwih loh chuan rawhtuina meipuia paih luh nghâl an ni ang!” tiin ring takin a puang a.

Kâr lohah rimâwi chu an tum ta nghâl a. Mi zawng zawng chu an kûn ta \hup \hup a. Daniela \hiante pathum chauh lo chu an kûn \heuh a. Chûng chu Shadraka te, Meshaka te leh Abednegoa te an ni. Anni pathum chu Hebrai, Pathian fa chuamte an ni. Anni chu vân Pathian betute an ni a, milim mai mai chu an be ve lo vang. Mi \henkhat chuan milim chibai bûka an kûn ve duh lo chu an hmû a, lal hnêna hêk tûrin an tlân nghâl a. “En teh u! Sâwng Hebrai mi pathumte saw an kûn ve duh lo a nia,” tiin an hrilh a.

Lal Nebukadnezzara hmêl chu thinrim vângin a sen \âwn \âwn a. “Hetah rawn hruai nghâl rawh u,” tiin thu a pe a.

Vêngtu sipai hote chu Shadraka te, Meshaka te, leh Abednegoa te chu lal hmaah an hruai nghâl a. Lal chuan, “Rangkachak milim hi chibai bûkin in kûn ve duh lo tih hi a dik rêng em?” tiin a lo melh rûn rûn mai a. “Hun dang ka pe leh ang che u a. Mahse, chibai bûka in kûn duh loh chuan rawhtuina meipuiah sâwn paih luh in ni nghâl ang. Tû mahin an chhan chhuak lo vang che u,” a ti vêl a.

Shadraka, Meshaka, leh Abed-negoa te chu ngîl takin an ding vah mai a. Lal hnênah chuan, “Aw Lalber, kan Pathian a rawng kan bâwlsak \hina chuan min chhan-chhuak thei a. Mahse, min chhanchhuak dâwn lo pawh ni se, i rangkachak milim emaw, i pathiante emaw hi chu chibai kan bûk dâwn lo hrim hrim,” tiin an sawi a.

Lal Nebukadnezzara thinrim chu a puak keh lo chauh a. A sipaite hnênah chuan, “Mei kha a lêt sarihin tuah sa rawh u! Hêng mite hi phuar ula, rawhtuina meipuiah chuan theh lût rawh u!” tiin a au tuar tuar a. Tichuan, Hebrai tlangvâl pathumte chu meipui alh ri hum humah chuan an theh lût ta a ni.

Lal Nebukadnezzara chuan meipui lam chu a lo thlîr reng a. A \hutna a\ang chuan lo zuang thovin, “Mi pathum kha rawhtuina meipuiah kan paih a ni lâwm ni? Mi pali ka hmu! A palina phei chu Pathian Fapa ang maiin ka hmu!” a ti ta chul mai a.

“Shadrak, Meshak, Abednego! Lo chhuak rawh u!” tiin lal chuan a ko va. Hebrai tlangvâlte chu mei zîng a\angin an lo chhuak a. Rorêltute chu an lo pung khâwm tuau tuau va. An thil hmuh chu an âwih chiah lo zâwk a! Shadraka, Meshaka, leh Abednego-te chu meiin a kâng ve hauh lo mai a. Meikhu rim pawh an nam hek lo!

Lal chuan uar takin, “Shadraka, Meshaka, leh Abednegoa te Pathian chu fakin awm rawh se! An Pathian chuan a chhiahhlawhte chu mei lakah a chhanchhuak a. Hetiangin Pathian dang rêng rêngin tu mah an la chhanhim ngâi lo!” a ti a.

Tih Tûr leh Sawi Tûr

Sabbath

• Tûn kâr ni tinin Zirlâi thawnthu hi chhiarin, in Chângvawn pawh en nawn ang che u.

  Lalpa rawng. . . . . . Chung lam kawh

  kan . . . . . . . . . . . . . .Mahni, chutah mi dangte kâwk kual la.

  bâwl zêl dâwn. . . . . . Mahni taksa a\anga kut lâk a, chung lama pharh.

  Joshua 24:15 . . . . . . Kutphah pahnih inthlawptîr a, chutah pharh leh.

Sunday

• Sabbath sikula rawhtuina meipui lem an siam kha mi dang semtîr ula (A nih loh leh, chutiang lem chu siamin, in cheitîr dâwn nia). Chumi pah chuan Bible thawnthu inhrilh nghâl ula.

Thawh\anni

• Naupangte nên artui hêngah Pathian thilsiam eng emawte thun ula. Pathian chauh chu chutiang siam theitu a nih avângin amah chauh chu chibai bûk phû a ni tih in inhrilh dâwn nia.

Thawhlehni

• Kâng mei laka invên dân hrilh ula. Sawi tûr:  Tuin emaw mei hmanga infiam a tum chuan, thil tih chî a ni lo tih in hrilh nghâl dâwn nia. (A chhan pawh sawi ho ula.) Thil dik lote tih ve duh lovin Pathian chibai kan bûk \hîn a ni. Inzawh tûr:  Isua tâna mi huaisen nih ve in duh em?

Nilaini

• Mombati chhî ula. Mei sat dân inthlâk ang zêlin mei alh rawng a inthlâk dân sawi fiah ang che u. Nawhalh leh mombati vêl him taka hman dân sawi ho ula. Kâng \helh pawlte awmna tlawh ula, Hebrai tlangvâlte’n mei sâ an pumpelh dân hriatthiamtîr nân mei chungchâng sawina lehkhabûte chhiar ang che u.

Ningani

• Kal rem rimâwi nên in chhûngah kal \hap \hap ula, rimâwi a tâwp veleh “vâwt” in tihtîr dâwn nia, chutah kaltîr leh zêl ula.  Shadraka, Meshaka, leh Abednegoa te kha rimâwi rîk hun huna milim hmaa kûn tûra tih an nih kha. Nangni pawhin thil dik lo tih in duh loh tlat lâi chungchâng kha hrilh ang che u. Eng nge lo thleng ta? In fate pawhin thil dik lo tih chu an hnar ve tlat theih nân \awng\âisak ang che u.

Zirtawpni In chhûngkaw worship-naah Bible thawnthu kha sawitîr ula.  Fakna hlate in sak ho lâiin, chhepchher in khawn rîk theih apiang hmangin in lo rem dâwn nia. In chhûngkua khân Pathian rawng chauh in bâwl theih nân \awng\âi ang che u.