2025 2nd Quarter Kindergarten Zirlai-8-na

Zirlâi 8                                                                           May 24, 2025

ni khatah vawi thum

Chângvawn: “[Daniela chu] a \awng\âi a, Pathian hnênah lâwmthu a

                      sawi a” (Daniela 6:10, NIV).

Chhiar Tûr:  Daniela 6; Zâwlneite leh Lalte (2nd Edition, 2014),pp.

                      457–464.

Zirlâi tum:  Naupangte chuan:

· Isua \hiante chuan \awng\âina hmangin ni tin an be \hîn tih an hria ang.

· An \awng\âinate Pathianin a ngaihthlâksak ngei dâwn tih an hria ang.

· |awng\âina hmangin an harsatna leh lâwmnate chu a hnên an thlen zêl ang.

Thuchah:  Kan \awng\âi hian Pathian chibai kan bûk a ni.

|hiante hnêna thil sawi hi nuam in ti \hîn em? |hian hnêna thil in hrilh angin, engtik lâi pawhin, khawi hmunah pawh Isua hnêna thil in hrilh thei reng a ni. Daniela pawhin chutiang chuan a ti \hîn a ni.

Lal Thar, Daria chu lal\hutthlengah \hûin, a \huihruaite’n an \hut hual \aih mai a. An hnênah chuan, “Hei hi ka thupêk a ni,” tiin a’n sawi \an a. “Ka lalram hi bung hrang 120-ah ka \hen dâwn a. Chutiangah chuan ro min rêlpui tûr hotu an nei zêl ang. Chûng hotute chungah chuan ro min rêlpui tak tak tûr mi pathum an awm leh ang a. Chûng mi pathum zînga pakhat chu Daniela hi a ni ang,” tiin a puang a.

Lal duhsakna dawng ve ta lo hotu \henkhat chuan an chunga hotu zînga Daniela a tel tûr chu an duh lo hle mai a. “Hawh u, ani hi buaina i siamsak ang u,” tiin an inberu tlâng ta vêl a.

“Thil dik lo eng emaw a tih kan hriat phawt chuan, lal hnênah kan hêk dâwn nia,” an ti tlâng a.

Ni tinin Daniela tihsual zawngin an châng ru reng nâin, a tihsual rêng rêng eng mah an hmu thei si lo. An zînga pakhat chuan, “Ruahman rûk pakhat ka nei,” a ti a. Daniela îtsîk vetu dangte nên chuan inberâwn tlângin, ruahmanna \ha lo tak nên lal hnênah an kal a.

Chûngho chuan, “Lalber Daria, dam reng rawh se!” tiin lu kûnin chibai an bûk a. “Dân thar siam lang, ni 30 lo awm tûr chhûng hian mi zawng zawng chu nangmâ hnênah chauh an \awng\âi tûr a ni. Mi tû pawhin chu dân chu an zawm loh chuan, sakeibaknei pûka paih tûr an ni ang,” tiin rawtna an thlen a.

Lal Daria chuan amah chibai bûka mite a hmaa an kûn tûr chu a duhzâwng tak mai a lo ni bawk si. Lalberin dân thar a siam chuan thlâk danglam leh mai mai theih a ni dâwn bawk si lo. An rawtna chu ngaihtuah chiang mang lovin a lo pawmpui ta mai a ni.

Lal hnên a\anga an chhuah chuan Daniela phiar rutute chu hlim takin an nui var var mai a. “Tûnah chuan Daniela chu a tihsualah kan phihâwk thei tawh dâwn a. Mi zawng zawngin Daniela chu a tukverh zau taka hawngin ni tin \um thum a \awng\âi ziah tih an hria a lâwm,” an ti vêl a.

Hotute chuan an enthla a. Daniela chu lal hnênah ni lo, a Pathian hnêna thil dîla a \awng\âi chu an hmu ta thuai a. Lal hnênah chuan an kal nghâl a. A hnênah chuan, “Daniela chuan a Pathian hnênah dîlna a la thlen reng mai!” tiin an va hêk ta a ni.

Lal Daria chuan thil awmzia chu manthiam tâin, Daniela dah bo a nih theih nân dân thar an siamtîr lek a lo ni zâwk tih a hre ta a ni. Lal Daria khân Daniela kha a ngaina êm êm a. Mahse, dân thar chu a lo siam tawh bawk si. Ama dân siam chu a zâwm ngei tûr a ni. Tichuan, Daniela chu sakeibaknei pûkah chuan paih a ngâi ta. Sipaite’n sakeibaknei pûka thlâk tûra Daniela an hruai dâwn lâi chuan, Lal Daria chuan, “I Pathian, a rawng i bâwlsak \hina chuan a chhanhim ang che!” tiin a thlah a.

Chumi tlâi leh zankhuain Lal Daria chuan Daniela chu a ngaihtuah êm êm a. Zân a mut pawhin a muhîl thei bawk si lo. Zîng ni a lo chhuah veleh, lal chu sakeibaknei pûk lamah chuan a kal nghâl vat a. “Daniel, i Pathian a rawng i bâwl \hina chuan sakeibaknei lakah a chhanhim che em?” tiin \ah âw \uau hian a au vak a.

Sakeibaknei pûk chhûng a\angin Daniela chuan lo chhângin, “Aw lalber, kumkhuain dam reng ang che! Ka Pathian chuan a vântirhkoh a rawn tîr a, sakeibaknei kâte a tihchîpsak a!” tiin a rawn chhâng a.

A sipaite’n sakeibaknei pûk a\anga Daniela an khâi chhuah lâi chuan Lal Daria chu hlim takin a nui var var mai a. [Daniela îtsîktute chu an nupui fanaute nên sakeibaknei pûkah chuan paih an ni ve ta thung a. Anni chuan vênghimtu an neih ve loh avângin sakeibaknei chuan châw atân an lo hmang ta hlawm mai a ni.]

A lal in lamah hâwng leh thuaiin, a lalram pum puia chhiar tûrin lehkhathawn a ziak a.

“Daniela Pathian hi Pathian nung a ni a. A Pathian chuan a mite chhanhimin, a chhanchhuak thei a ni. A Pathian chuan Daniela pawh sakeibaknei lakah a chhanhim a ni!” tiin a ziak a.

Lal Daria dân siam avângin Daniela’n \awng\âi a bânsan phah chuang lo. Sakeibaknei avâng pawhin Daniela’n \awng\âi a bânsan chuang hek lo. Daniela \awng\âina chu Pathianin a chhânsak a. Nangni \awng\âina pawh Pathianin ngâithlâin, a chhânsak zêl dâwn che u a ni.

Tih Tûr leh Sawi Tûr

Sabbath

• Tûn kâr ni tinin Zirlâi thawnthu hi chhiarin, in Chângvawn pawh en nawn ang che u.

[Daniela] a \awng\âi a . . . Kut suihin lu kûn la.

A Pathian hnênah. . . . . . . . .Chung lam kâwk la.

Lâwmthu a sawi a. . . . .Dâk chho la; bân phar chhuak la.

Daniela 6:10 . . . . . . . Kutphah pahnih inthlawptîr a, chutah pharh leh.

Sunday

• Daniela 6 chhiar ho ula. Inzawh tûr:  Engtin nge hotute khân Lal Daria an bum? Khawi hmunah nge \awng\âi tûra Daniela a kal? Engtin nge Pathianin Daniela a chhan him? Lal Daria khân Pathian chungchâng eng nge a sawi chhuah tâk? In fate tân \awng\âina hmun bîk siamsak ang che u.

Thawh\anni

• Sabbath sikul lama Rimtui Bâwm an siam kha mi dang sem tûrin in naute chu fuih ula, chumi rual chuan Bible thawnthu in sawi pah dâwn nia. An \awng\âina hi Pathian hmaah chuan rimtui rim angin a chho \hîn tihte hrilh ula (Thupuan 5:8). Pathian chunga lâwmthu sawina tûr thil hrang hrangte ziahchhuahpui ang che u. Ni tin in \awng\âi hmâin ziah belh zêl bawk ang che u.

Thawhlehni

• Sakeibaknei pûka Daniela \awng\âina tûr niawm chungchâng chu sawi ula.  Inzawh tûr: Pathian hnêna \awng\âi khapna dân hi awm ve ta se, engtin nge in ngaih ang? Eng nge in tih ang? Naupang hnênah chuan \awng\âi theihna tûr hmun remchâng pathum sawitîr ula, chutah Isua hnêna an hrilh tûr thil palî sawitîr bawk teh u. Engtik lâi pawha in biak theih a nih avângin Isua hnênah lâwmthu sawi ang che u.

Nilaini

• A huhovin sakeibaknei lem awmna lehkhabute keu ula. Inzawh tûr: Sakeibaknei zînga zankhuaa awm kha Danielan eng angin nge a ngaih in rin? A muhîlin in ring em? Amah vênghimtu vântihkoh kha hmutheiin in ring em? In nau chu a mit tuamsak ula, an kut chelhin in chhûngah vah kualpui teh u. Chumi hnua zawh tûr:  I chêt sual leh intihnat theihna hmunah ka hruai dâwn lo che tih i ring em? Daniela tân khân Pathian rinchhan kha a awlsam ang nge harsa ang?

Ningani

• Naupang hnênah chuan in \awng\âina chhân a lo nih tawh dânte hrilh ula. Chutiang hriat an neih chuan sawitîr ve ang che u. |awng\âina thil dîl leh a hlawhtlinna chungchâng chhinchhiahna siamin, chutiang chu ziak zêl teh u.

Zirtawpni

• In chhûngkaw worship-naah Bible thawnthu hi chanpui teh u.

Sakeibaknei pûk lem tûr blanket te, \hutthleng leh dawhkân remchâng emaw hmangin siam teh u. |hing\hi kual ula, kut insuihin, an lâwmna chhan pakhat chu Isua hnênah hrilhtîr ang che u.