LITERATURE SEMINAR NEIH A NI

Mizo Conference News

Mizo Conference of Seventh-day Adventists hnuaia Mizo Conference Literature & Publication Board chuân, March 9, 2025 khân Literature Seminar cum Consultation on Style of Writing an buatsaih. Seventh-day Tlang kohhran sabbath school hall-ah he seminar hi neih a ni.

He seminar-ah hian Aizawl khaw chhung leh a chhehvela kohhran hrang hrang hruaitu leh thalai hruaitu mi 90 vel an kal khawm a ni.

Upa Lalnilawma Colney, MCLPB chairman chuan kaihruaiin Tv. Laltanpuia Khiangte Associate Director, Sabbath School & Personal Ministries chuan paper a present a. Mizo Adventist House Style tura duan lawk a present a. Sawihona hun hman a ni a, thutlukna eng emaw zât siam a ni.

Chawhnu lamah Upa S. Lalkamlova chuan paper present ve lehin, tawng hman dan dik leh pulpit tawngkam tur chungchang a sawi a. Sawihona hun neiin tawngkam inang tlang leh zahawm zawk hman turte sawiho a ni.