AIZAWL SOUTH CIRCLE
- Pastor Lalrintluanga Tlau
*Sidewalk evangelism theih tawka bawhzui zel niin ITI Kohhran leh Bial DPCH \ang kawpin Lungsai khuaa effort an neih chu chhunzawm zel a la ni. Hmun tam takah Bible zirna neihpui an ni a, thla thum lai he rawngbawlna hi kalpui a ni tawh a. Tunah hian Tirhkoh Saingenga Sailo leh Vanlalsawma ten an la chenchilh reng a ni.
*Upper Republic Kohhran chuan Melriat khuaah hma lain Branch Sabbath School neihpui \hin a ni a, chawlhni tin inkhawmna an neihpui a ni. Melriatah hian Tirhkoh Ro\hianga ruaiin ani hian a awm chilh tlat a, dodalna lian tak karah hna thawh tlat a ni ve bawk a, Bible study te neih puiin theih tawpa hma lak zel a ni. Tin, Upper Republic Kohhran hmalakna bawkin bialtu pastorin Venghluiah bible zirna a neih pui ve reng bawk a, he rawngbawlna hi chhunzawm mek a la ni rih a ni.
*Maubawk Kohhran pawhin theih tawpa hma lain Bible zirna neihpui zel a ni a. Pu Lalduhzuala hova an hmalakna a\angin mi duhawm tak pahnih leh bialtu Pastor Bible zirpuina a\angin mi pakhat nen mi pathumin baptisma an chang a ni.