THURAWNTE

Pastor P.C. Liansailova

Kohhran puitlinna leh zahawmna hi biak in leh a kaihhnawiha kan \awngkam hman leh kaihhruai danah te hian a innghat thui hle a. |awngkam mawi leh \ha kan hman atana tihdan phung leh kaihhruaina inang tlang deuh zawka kohhran inkaihhruaina kalpui a lo nih theih takin heng thurawnte hi ka han ziak a. Kan kohhran enkawl \heuhte, puitlinna lama puitu a nih ngei beiseiin ka han chhawp chhuak a ni e.

Inlawmna Thu Sawi (Welcome Speech): Program kan ziahin, ‘Welcome’/ Welcome Speech’ hi Mizo tawnga dah dawn chuan: Inlawmna thu emaw, ‘Inlawmna thusawi’ emaw, ‘Inlawmna thutawi emaw tia dah mai a \ha hle.

 Lawm Luhna Chibai: Kohhran membership transfer leh baptisma chang tur leh chang thar membership tual chung kohhrana lak luh a nih hian, lak luhna puangtu elder-in kohhran member te remtihna laa ban phartir hma hian baptisma chang tur emaw lak luh tur emaw chu a chanchin chiang leh felfai taka inhriattir hi tih ngei tur leh thil pawimah tak a ni. Kan member tinte hi chhiat \hat inngaihven reng leh chinchang inhre tura mawhphurhna nei kan nih avangin, kan chenna leh kan thawhte inhriatpui hi thil \ul tak kan tlakchham lian tak ni bawk si niin a lang. Remtih tlanna ban phar a nih hnuah, kohhrana tlangnel tak leh intineitu taka awm tura fuihna leh sawmna thu tawi sawi hnuin, “Kohhran aiawhin chibai kan han buk ang e,” ti mai lovin, “Kohhran aiawhin, Lawm Luhna Chibai kan han buk ang e,’ tih kher hi mawi leh hriat nuam tak a ni.

 Thawhlawm Thu Chhiar: Divine Service (Thianghlimna Inkhawm) a thawhlawm khawn dawna thu kan chiar hi ‘Offertory Reading’ tih a ni a, a Mizo \awng chuan ‘Thawhlawm Thu Chhiar’ tih a ni a. A chhiartute hian an chhiar dawnin an puang mumal lo tlangpui a. “Kan thawhlawm leh sawma-pakhat te, kan lak khawm hmain, ‘Thawhlawm Thu Chhiar ilo ngaithla ang u,” tiin chhiar zuia, chhiar zawhah: “Tunah kan thawhlawm leh sawma pakhat te i lo la khawm ang u,” tia khawn zui \hin tur a ni.

Thu Chhiar Inchhawn: Adventist Hla Bu tawp lama awm – Thu Chhiar Inchhawn (Responsive Reading) hi kan hmang lar lo hlein a lang. A hman dan leh a \angkaina hriat loh vang te pawh a ni thei, kohhran hruaitute, pastor, tirhkoh leh rawngbawltute meuh pawh hian an hmang khat hlein ka hria. Biak ina Pathian biak inkhawm deuh bik (church worship service), Vesper Worship Service (Zirtawp ral zan/ Sabbath In\an Inkhawm) leh Divine Service (Thianghlimna Inkhawm) kan tihte hi kan kalpui dan tlangpui chu a ni a. He mi huna kan inkhawma mi tinin chanvo kan neih hian kan Pathian biak boruak a tiphuisuiin a tiurhsun a, chutiang atana he Thu Chhiar Inchhawn hi ruahman a ni deuh ber. Tin, hunserh dangah te pawh hman a ni chawk, entir nan: Sundown Worship (Tlai Inkhawmah) te pawh thusawi awm vak lohna hunah te pawh chhiar ho thin a ni bawk. Heng inkhawn huna thusawituten an thusawi mil tur thupui kan hla bu-ah a awm chuau hman ni thin se a tha khawp ang Thu chhiar hruaituin a ziak, fiah lo zawk hi a chhiar ang a, a ziak fiah zawk hi mipui nen kan za vaia chiar rual tur a ni a, chiar tawpah hruaituin, ‘Pathian thu thianghlim kan chhiar te, kan zavai atan Lalpa’n malsawm rawh se. tiin a khar ang.

 Kan Adventist Hla Bu hman \angkai leh hlut phah sawtna a ni dawn si a, he Thu Chhiar Inchhawn hi a theih chin chinah i hmang \hin ang u.