MINISTERIAL TRAINING NEIH A NI

Mizo Conference of Seventh-day Adventist hnuaia rawngbawltute tana buatsaih Ministerial Training chu January 7 – 11, 2026 chhungin Mizo Conference of SDA campus, 7th-day Tlang, Aizawlah neih a ni a. Thupui atan “To the Utmost” tih hman a ni.

He Ministerial Training ah hian Pastor, Commissioned Pastor, Lay Preacher leh Danial Pawl Chhantu Tirhkohte an tel a. An vaiin mi 104 an ni.

He Training-ah hian Dr. Chawngdinpuii Schaffer Ph.D  chu main resource person atana hman a ni a. A ni hi khawvel puma  Seventh-day Adventist kohhran headquarter, Maryland USA ah  Managing Editor, Dialogue Magazine hna chelh mek a nih bakah. Khawvel puma Seventh-day Adventist chawlhni zirlai (Sabbath School Lesson) manuscript reading Committee member ni mek a ni a. A ni bakah hian Mizo Conference Officer leh  Department Director ten hun an chang vek bawk ang.