ADRA RAWNGBAWLNA

Adventist Development and Relief Agency (ADRA) te chuan khawvel hmun hrang hrangah rawngbawlna an kalpui mup mup reng a. Thierry Van Bignoot chu Vice President for Sustainable Development atana ruat thar a ni nghe nghe a ni.

• ADRA Bulgaria: ‘Children Helping Children’ Program hnuaiah Europe ram hrang hrang, a bikin Bulgaria rama naupang rethei 8300-te hnenah thilpek bawm (gift box) an sem chhuak a ni.
• ADRA-UK: January 11, 2026 khan South England Conference (SEC) Evangelism Expo 2026-ah booth an hawng ve a. Seventh-day Adventist pastor, elder, leh kohhran member kal khawmte zingah khawngaih rawngbawlna promote-na leh inkawhhmuhna an nei.
• ADRA Peru: Food and Agriculture Organization of the United Nations (FAO) te chhut danin, kum 2025 chhung khan Food Bank program kaltlangin chaw leh ei tur hrang hrang an sem chhuak a. Mipuite hnenah chaw paih mai mai lo tura an zirtirna chuan hna a thawk tha hle a, ei tur ton 916 zet riral mai tur an veng niin an chhut a ni. He program kaltlang hian mipui 1,20,000 zetten ei tur tha an dawng thei a ni.
• ADRA Ukraine: Ukraine ram buai kara thlasik vawt lutuka mipuite tan che chhuakin, generator leh inlumna hmanrua hrang hrang, blanket, thawmhnaw lum, leh emergency light chi hrang hrang an sem chhuak a. Hei hi a ram mipuite nen kut insuihin an thawk ho a ni.