Adventist Choir-te Rampawmah Rawngbawlin An Feh Chhuak Dawn

Mizo Conference of Seventh-day Adventist Official Choir – Mizo Conference Adventist Choir te chuan February 2 – 5 inkar hian Tiruchirappalli, Tamil Nadu ah rawngbawlna neiin an feh chhuak dawna. February 1, 2026 khan Lengpui atangin an chhuak ang.

Southeast India Union te buatsaih “Ignite- Rekindle The Misssion Flame” tih thupui hmanga Pastor Leadership Conference neihah hian Mizo Conference Adventist Choir te hi meeting chhung zawnga zai tura sawm an ni a. Adventist Choir Conductor Pu H. Lalventluanga leh Choir Board Acting Chairman Pastor Lalmuansanga Khiangte ten an ho a. Tin, he meeting chhim tur hian Mizo Conferene President Pastor Rodingliana leh Pastor Lalrohlua Fanai te leh Field Pastor atangin Pastor K. Lalhmangaihzuala leh Pastor K. Lalengliana te an kal ve bawk a.

Adventist Choir te hi Dr. Richard Rajaratnam leh a nupui Pi Mahmingi te chhungkuain an sponsor a. An kal man leh senso an tum sak vek dawn a ni.

Choir te hian Sap Hla 4 leh Mizo hla engemawzat an inbuatsaih a. Special Music Duo Tv. Jonathan Lalchawiliana leh Nl. Vanlalhriatrengi (Teboihi) ten an play bawk ang.

Adventist Choir te hi Mizoram chhung leh pawn, India ram pawnah te rawngbawlin an feh chhuak fo a ni

Beisei dan chuan February 6, 2026 hian Aizawl an lo thleng leh ang.