ADVENTIST CHOIR TOUR

Mizo Conference of Seventh-day Adventist Official Choir – Adventist Choir-te chuan Bangkok International Church-ah Choir Concert nei turin January 9, 2025 khan Mizoram chhuahsanin Thailand an pan.

Mizo Conference Youth Ministries Director Pastor R. Lalramnghaka chuan tawngtaina-in zaipawl member-te a thlah a. Associate Director Pu Lalmuansanga Khiangte chuan fuihna thu sawiin tha taka rawngbawl turin duhsakna a hlan thu a sawi a ni.

Bangkok International Church Music Department-te buatsaih Choral Concert hi January 10, 2025 zan 7:30 ah neih a ni dawn a ni. Tin, January 11, 2025 sabbath chawhnu thalai inkhawmah Bangkok Chinese Church-ah hun an hman pui bawk ang.

Adventist Choir-te hian Bangkok leh a chhehvela rawngbawlna an neih zawh hnuah January 16, 2025 hian Aizawl an rawn thlen leh hman beisei a ni.

Adventist Choir 2022 – 2025 batch-ah hian member 24 awmin Choir Conductor hi Pu F. Lalengliana a ni.