ADVENTIST DAMDAWI INTE CHANCHIN THA

World News

Khawvel pum pawha rintlaka ngaih Forbes Magazine ten America rama hospital tha zual an thlan chhuah Forbes Top Hospitals 2026-ah chuan top ten list-ah Adventist Hospital paruk lai mai an lang. He list siam nan hian America rama damdawi in tha tak tak 5400 zet endik an ni a. Heng a hnuaia Adventist Hospital te hi an ni:

  • AdventHealth Daytona Beach
  • AdventHealth DeLand
  • AdventHealth Fish Memorial
  • AdventHealth New Smyrna Beach
  • AdventHealth Palm Coast
  • AdventHealth Waterman

Hetih lai vek hian Newsweek Magazine ten Asia’s Top Private Hospitals and Clinics 2026 list an tihchhuahah chuan Malaysia rama Adventist kohhran enkawl damdawi in, Penang Adventist Hospital chu a tel ve leh bawk a. He list-ah hian kum 2025 pawh khan telh a ni tawh a. Penang Adventist Hospital hian kum 2023 khan Nuclear Medicine Service Provider of the Year 2023 lawmman te leh kum 2024 khan Best Specialized Hospitals in the Asia-Pacific Region for Orthopaedics te a lo dawng tawh bawk a ni.