ADVENTIST ZAITHIAMIN LAWMMAN A DAWNG

Cuba rama Adventist member Dairon Gavilán chuan Cuba rama Music lama Award an ngaihhlut ber Lucas Awards-ah Pathian fakna hla hmangin National Award a dawng.

November 22, 2025 khan Gavilán hian Cuba ram khawpui ber Havana-ah a hla, “Pecado” (Sual) tih hmangin music video production award a dawng a. Tin, a hla vek, “A Pesar de Todo” (Engkim Nimahse) chu nomination-ah a lang bawk.

Cuba ramah chuan Christian music hmanga hetiang ang chawimawina dawn hi a har em em a. Adventist mai ni lo, Kristian-te tan chuan mel lung pawimawh tak a ni. Gavilán hian kum 2024 khan Spanish-language contemporary Christian music ngaihhlut ber ARPA Awards-ah a album Yahweh hmangin “Album of the Year” award a lo dawng tawh bawk a ni.