AIZAWL EAST CIRCLE
Commissioned Pastor Vanlalvote-a
Kum Thar Lawmna: Kum 2026 Kum Thar lawmna chu bial chhung Kohhran hrang hrangten ruai nen an theh a, Kum Thar ni January 1-ah theh deuh vek a ni. Zemabawk Kohhran (lian ber) te chuan bawng pakhat talhin mi 350 velin ruai an theh a; Aizawl Central Church te chuan Pu B. Zokhuma huan, Sihhmui-ah mi 245-in ruai an theh a; Chaltlang Kohhrante chuan Zonunpar Resort, Luangmualah mi 90 velin hun an hmang a ni.
Baptisma Channa: January 3, 2026 khan Nausel Kohhranah Commissioned Pastor Vanlalvotea rawngbawlna atanga thudik rawn pawm nula pakhat leh Adventist ni sa mi pahnihten Circle Leader Pastor Sabbath Thanga kutah baptisma an chang.
Communion leh Meeting: January 3, 2026 khan Chaltlang Kohhrante chuan Pastor L. Hmasawna hovin Communion Service an nei a, a tuk January 4-ah Business Meeting an nei bawk.
Leadership Training: January 4, 2026 khan Aizawl Central Church te chuan Kohhrana chanvo neite pualin Leadership Training an nei a. Member 70 kal khawmin, Resource Person atan Pastor Lalrohlua Fanai (Executive Secretary, Mizo Conference) leh Pastor Malsawma Tochhawng te an hmang.
Tawngtai Ram Mut: AYF Aizawl East Circle te chuan January 16-18, 2026 khan Ailawng Campsite-ah tawngtai ram mut an nei a. He hun hi Commissioned Pastor Vanlalvotea’n a hmanpui a, zawngchhangthlak an ti hle.
Chaw Nghei Tawngtai: January 25, 2026 khan Zemabawk Kohhran Elder-ten Zokhawsangah nilengin chaw nghei tawngtaina hun an hmang a. Circle Leader Pastor Sabbath Thanga leh Pastor Zirlawma Ralte ten hun an hmanpui a ni.
Circle Board Din Thar: January 31, 2026 (Sabbath ral zan) khan Aizawl East Circle Board chu din thar a ni a, hemi zan hian committee nei nghalin member 20 an kal khawm.
Spiritual Emphasis Weekend: January 31 – February 1, 2026 khan Zemabawk AYM te chuan Spiritual Emphasis Weekend an hmang a, Speaker-ah Evangelist Peter Lalremtluanga an hmang.
Lalpa Zanriah: January 31, 2026 Sabbath ni khan Nausel Kohhrante chuan Commissioned Pastor Vanlalvotea hovin Lalpa Zanriah kil hona an nei.
Ground Work (Bethlehem Vengthlang): Bethlehem Vengthlanga rawngbawlna tur Ground Work kal mekah Evangelist Zirsangzuala’n hma a la a. Kohhran dang mi eng emaw zat Bible zir tur hmu tawhin, Crusade neih hmaa zirpuina neihpui tum an ni.
Biak In Sakna (Zuangtui): Zuangtui Kohhrante chuan Biak In sak hna ngawrh takin an thawk mek a. An Biak In sak hi a dung feet 60 leh a vang feet 30 a ni a, floor thum a awm ang. Ground floor hi garage a ni ang a, a chungah hall leh a chung berah Biak In a awm dawn a ni.