AYF Circle Pathum Intawkkhawm:

September 13 – 15, 2024 chhung hian Adventist Youth Federation (AYF) Circle Pathum-te an intawkkhawm. AYF Thenzawl Circle, AYF Serchhip Circle leh AYF Serchhip Circle-te intawhkhawmna hi AYF Khawruhlian Circle-ten lo thlengin; Khawruhlian Adventist biakinah nghah a ni.

Khaw hrang hrang atangin palai 247 an riak lut a. Pu Lalmuansanga Khiangte Associate Youth Diretor, Mizo Conference chuan he hun hi hman puiin Divine Service ah thu a sawi a. Adventist thalaite chu an hmalam hunah Pathiana innghat ngam turin a fuih a. A tulna hmunah chuan Lalpan thil mak a la tih reng thu leh Lalpa rinchhan tute nunah chuan thil mak a lo thlen thin thu a sawi a. Chutihrual chuan mak hrim hrim duh avangin Lalpan thil mak a tih ngai loh thute a sawi bawk. Friday zan atangin Sabbath ral zan thlengin thlarau lama intuaitharna hun an hmang a. Sunday ni-ah erawh chuan infiamna hun an hmang a ni. Khawruhlian Circle Leader Pastor K. Lalhmangaihzual leh Thenzawl Circle Leader Pastor Jonathan Lalthansanga ten he hun hi an uap bawk a ni.