BRAZIL RAMA PATHFINDER-TE

Brazil rama an state pakhat Sergipe sawrkar chuan September 20 hi State Day of Pathfinders of the Seventh-day Adventist Church atan a puang a. Hei hi he state pumpui calendar-ah a lang ve tawh dawn a ni.

March 2023 daih tawh khan the Legislative Assembly of Sergipe (Alese), Bill No. 8/2023 chu pass a lo ni tawh a. Mahse, a ni tak tur hi tihfel mai a ni lo a, tun hnai khan September 20 chu pawm a ni ta a ni.

An ram roreltu Congressman Samuel Carvalho sawi danin, he rama Pathfinder-ten zirna leh khawtlang nuna an thawh hlawk em avanga he dan hi siam a ni tih a sawi. Pathfinder hi Seventh-day Adventist kohhran hnuaia official organization a ni a. Kum 1950 atang khan din tan a ni a, ram 190-ah Club 95,000 vel awmin, member hi 2 million vel khawvel pumah an awm a ni.