Editorial

Rawngbawltute tana thang hlauhawm ber zinga lang chu fakna leh chawimawina hi a ni thei awm e. Fakna leh chawimawina hi \awngka mai bakah sum leh pai leh thilpek dang hmangtea dawn theih a ni a.

Thilpek dawn fo hi ngaia neiha dawng reng tura inngaih a awl em em a ni. Sap rama thuhriltu lar tak tak a bikin Prosperity Gospel kalpuitute phei khu chu mipuiin an lawm em em a. Thilpek an dawng ruih ruih a. Mega church lian tak taka an pastor te phei chu Millionaire hial an ni thei \hin a ni.

Heng mega church pastor-te ang em chuan dawng lo mah se Adventist rawngbawltute pawh hi thilpek dawn kawngah hian kan fimkhur a ngai hle awm e. Kan thlarau nunin a chhiatpui khawpa thilpek dawnte hi awm thei a ni.

Chawimawina leh fakna hian ken tel a neih chu larna hi a ni bawk a. Tun laiah chuan social media-a flyers hmanga kan rawngbawlna tur tar lan hi tih ngei ngei turah kan ngai hial tawh a. Mahse, heng flyers-te hian a tum ber chu mi dangte information pekna atan a ni awm e. Mahse, kha information mamawh miah lote hnena kan theh darh chuai chuai hian chapona leh lar duhna lamah mihring a hruai lut daih theiin a rinawm. Chuvang chuan he lamah pawh hian kan fimkhur a \ha tho awm e.

Pathianin min chawimawi hma hian mahni leh mahni inchawimawi a awl viau. Setana hian chawimawina hmanga a pheh thluk tak rawngbawltu tam tak an awm ang. Chuvang chuan chawimawina kan dawn zawng zawng pawh hi Pathian a\anga chhuak a ni vek lo thei tlat a ni. Setana hmanrua pawh a lo ni thei. Chuvang chuan he lamah pawh hian kan fimkhur reng hi a \ha awm e.