Editorial

Mihringte hi Pathian hian a bik taka a siamte vek kan ni a. Kan pianphung leh hmel, kan rilru puthmang pawh a inang lo hle a ni. Chutih rual chuan kan danglam avang hian kan nuna thil dik tawk lo awmte kha, kan danglam avanga awm leh kan sim leh theih tawh lo tura nia ngai kan awm \hin a. He ngaihdan hi a dik tawk lo a ni.
Kan rilru puthmanga hian Pathian min duan dan rengah chaun mi dangte hrethiam a, rilru zau leh ngil pu turin min duh a ni. Mahse, mihringte hian sual avangin Pathian min duh dan leh duan dan hi kan tlin lo fo \hin.
Rilru zau put chungchang sawi hian mi \henkhat chuan mi zawng zawng ngaihdan pawm vek tur emaw an ti \hin a. A ni reng reng lo a ni. Mi rilru zau leh ngil chuan mi dangte nen an ngaihdan inang lo mah se huatna nena en an tum lo a, an la zah em em reng tho \hin a ni.
Mi rilru zim leh kawi chuan mi zawng zawng hian a ngaihdan \awmpui se a duh a, a duh ang chu mi dangteah a hmuh loh chuan huatna leh sawichhiatnain \an a khawh leh mai \hin. Mahse, kan ngaihdan min \awmpuitute chauh kan tih\hat hian mi rilru kawi leh zim kan ni ti ila, dawt kan sawi tam awm lo e.
Mihring hi kan awmna ngaia kan aw renga hnam hrang hrangte kan kal pawh loh chuan rilru zau put a har a, thliarkar rilru te takte nen kan bu zawlah \an kan khawh tlat fo \hin. Hnam dangte chanchin ngaihvena, zira an bula tap tamte hi chuan mi tinte hian an nunah leh nihphungah zahawmna an keng tel tih an hrethiam a, chu chuan mi dangte hriatthiamna a neih tir \hin. Tin, lehkhabu \ha chhiar fo hian a \ha lamah kan nun a kaihruaiin hringnun hi ngil tak leh hleih nei lovin min thlirtir a. Chu chuan mi rilru zau leh mi dangte hrethiam \hintuah min lo chher danglam \hin a lo ni.