Editorial – January, 2025

Lalmuansanga Khiangte

Kum thar kan lo chuang kâi leh ta a. Kohhran hrang hrangte pawhin kohhrana chanvo chang tûrte kan thlang chhuak a. Chanvo inang lo tak tak chelhin, \henkhatte phei chuan kan vawi khat chelhna turte pawh a ni hial ang.
Mizo Adventist-te’n hmasawn kan ngaihna zinga pawimawh ber pakhat chu “mahni chanvo ngaih pawimawh” hi a ni awm e. A chhan leh avang tam tak a awm thei ang. Kohhran member-te kan tlêmna hi a nih pakhat a rinawm. Chutih rual chuan inthlahdah laklawh leh kan chanvo chan mek pawimawhzia kan hriat tawk loh vang a ni bawk thei awm e.
Mi tam tak chuan kohhran pâwn lama kan chêt chhuahna leh langsar taka thlarau hnehna lama kan thawk a nih loh chuan rawngbawl kan ni tih kan inhre lo fo. Bible hian mihringte hi kohna hrang hranga koh kan ni tih chiâng takin a tar lang a. Lalpa kohhran kaltlanga kohhran mite tana thawh hi rawngbawlna ni ve lo ang riaka kan ngai a nih chuan kan ti sual let der ang.
Kohhran kal tlanga rawngbawl tura Lalpa min kohna hi dawngdah taka kan thawk a nih chuan kan biak Pathian hi a lawmin a rinawm loh. Chuvang chuan Mizo Adventist-te hian kohhran kaltlanga Lalpa min kohna hi taima leh rinawm taka kan thawh hian kan biak Pathian laka kan rinawmna kan tihlanna a ni tih i hre thar ang u.
Dawngdah taka thawh ai chuan kan chanvo hi phat ngamte pawh a \ha fo. A chanvo chelh duh si, tih tak zeta thawh tum lote hi kohhran tan hnawk an ni thei. Thahnem ngai taka thawk tur mi dangte dangtu pawh kan ni palh thei.
Hawh u, Lalpa tan ke kan pen ta sa sa. Taima leh tih tak zetin i thawk tlang teh ang u.