Editorial August 2025

Khawvela mi ngaihsanawm leh rintlak kan tihte hi an thusawi mil, an thuhril mila nung an ni duh viau mai. Adventist-te hi mite’n min hriat danah chuan hriselna thuchah kengtu leh ngai pawimawh kohhran tia hriat kan ni a. Mite min hriatna ang hi kan nunpui em tih erawh chu zawhna pawimawh tak a ni.

Hriselna thuchah kan tih hi thil pahnih khat ei loh emaw ringawtah a innghat lo a. Ei tur hrisel ei a, ei loh turte insum a, nun dan dika nun leh taksa sawizawi \hat mai bâkah rilru hrisel neihte thlengin a huam vek a ni.

Loma Linda, California a cheng Adventist 9000 bawr velte khu khawvela mi hrisel ber ber leh dam rei ber ber; Blue Zone tia koh a ni a. Anni khuan nun dan hrisel an nunpui zingah chuan; sa tel lo chaw \ha, mumal taka insawizawi, \henawm khawvengte nena boruak hrisel taka nun ho leh awmze neia chawlh hahdam te a ni a. Hengte baka an dah pawiawh chu thlarau lama hriselna hi a tel bawk a ni.

Mizorama Adventist-te hian hriselna thuchah kan sawi hian kan hmaih palh fo chu, mumal taka insawizawi leh chawlh hahdam dan mumal hi a ni awm e. Ei leh ina kan insum rual hian kan taksa kan sawizawi \ha tawk lo hle a. Tin, chawlh hahdamna hun mumal nei lo a zan rei tak tak men kan ching a. Hunbi mumal nei lova thil ei mai te, kan duh zawng ei tur kan hmuh changa ei nghek mai te kan ching a. Hengte hi hriselna dan bawhchhiatna a tling tak meuh a ni.

Kan thuchah ken hi mite’n an ngaih pawimawh dawn chuan kan nunah leh kan taksaah a \hatzia kan lan chhuahtir tur a ni a. Insum ve lote aia hrisel zawk, insum ve lote aia taka chak zawk kan nihte hi kan thuchah ken nen a inmil em em dawn a ni. Chutiang ni lo va, mi natna ang apiang kan neih ve a, Mi dang aia kan chak vak zawk lo a nih chuan a dik thei lo vang.