HOPE CHANNEL MIZO HAWN A NI TA:
April 19, 2025 khân Hope Channel Mizo chu hnâ thawk \an thei turin Pastor Rosangpuia Fanai, Digital Evangelism Coordinator, Hope Channel International, General Conference Maryland, USA chuân a hawng a. Pastor Biakzidinga Renthlei, President Mizo Conference chuan Pathian hnenah hlanin \awng\aina a nei a ni.
Hope Channel Mizo hi Hope Channel International hnuaia unit hrang hrang awm zinga a 85 na tur a ni dawn a. Web based, Application based leh Social Media based in rawngbawlna hi an kal pui \an dawn a ni. A hawnna inkhawm hi Pastor R. Lalramnghak, Mizo Conference Communication Director chuan kaihruaiin, Pu MS Dawngliana, Technician, Hope Channel Mizo chuân inkhawm \anna neiin, tawngtaina a hlan a. Hope Channel India Director Pastor Swamidas Johnson chuan thusawina hun a hmang a. Hope Channel India chuan Hope Channel Mizo lo ding thar an lawmpuina thu sawiin, inpuih tawn theihna hrang hrangah te an tlanchhiat loh tur thu a sawi a. Pastor Rosangpuia Fanai chuan Hope Channel Mizo nih phung tur leh an rawngbawl dan tur sawifiahna hun a hmang a. Hope Channel hi media a ni satliah lo a, chanchin\ha puang darhtu ‘Bible Sikul’ anga ngaih tur a nih thu a sawi a. Tin, Hope Channel International President Vyacheslav Demyan chuan lawmpuina video tawi a rawn thawn a. A ni bakah hian Hope Channel Spain, Hope Channel Brazil (Novo Tempo)leh Hope Channel Sabbath School Team ten Hope Channel Mizo lo ding an lawmpuina thu video an lo thawn bawk a ni.
Pastor Lalmuansanga Khiangte, Associate Director, Mizo Conference, Hope Channel Mizo Producer ni bawk chuan lawmthu sawina hun hmangin; he Channel in Sattelite Uplink thlang lo a, Web, Application leh Social Media based a an kal chhante a rawn sawi fiah a. Tin, Mizo Conference hruaitute chungah te, Hope Channel India leh Hope Channel International aiawh Pastor Rosangpuia chungah an lawm zia a sawi a. Tin, hun hmasa lama media rawngbawlna lama sul lo su tawhtu Pastor PC Liansailova, Pastor PL Biakchhawna, Pastor Thangliana leh Pu Chawngsiampuia te chungah lawm thu a sawi bawk a. Pu Zohmingsanga Sailo, Hope Channel Mizo Technician cum developer chuan tawpna siamin Pastor Rodingliana Executive Secretary, Mizo Conference chuan \awng\ainain kal khawmte a \in a ni.
Compiled by: Communication Department, Mizo Conference