Hun hnuhnung tih pawh a tawp |ep ta.

• Lalchhuanawma

Mi thianghlim Pathian thu awihtute leh Isua zuitu rinawmte tan hetah hian chhel a \ulzia a lang. – Thupuan 14:12

Aw le tlang hrang hrang a rinnaa unau duh takte in dam tlang ang chu maw. Thupuia ka dah ang hian khawvel thil thleng kan hmuh leh kan hriat a\ang hian Isua lo kal chu a hnai lehzual ta hle a ni tih a hriat ta. Khawvel hun hi chawhnu mai ni lovin, ni a tla tep tawh zawng a ni e. I awmna khuaah emaw vengah emaw nangmahin emaw chhungkua emaw member tlemtein in inkhawm \hin a ni mai thei e. Chhel takin i awm ang u. Kum 1844-a Isua Krista van biak buka min sawipui tura lut kha a lo chhuak \ep tawh a, a mite lam turin a lo kal \ep.

Tunah hian Isua Krista hi lo kal ta mai se, i inpeih tawh em? Unau duhtak, hlim taka tawk tur nge i nih a, hlau leh khur chunga hmuaktu? Thlarau Thianghlim ruah hnuhnung i nei tawh em? Kohhranah hian Thlarau Thianghlim tel lo pawhin thui tak a kal theih tho mai a. Tirhkohte 19:1-5 thleng hi han chhiar teh. Ephesi Kohhran pawh kha Pathian thlarau tel lo khan kohhran rawng an lo bawl ve tho a ni. Hun tlem te kan neih lai hian nasa taka \awng\aina neia dil tur a ni. Thlarau Thianghlim ruah hmasa kan dawng ang a, chumi hnuah ruah hnuhnung kan chang leh ang, nasa taka \awng\aina nena beih a ngai. Chatuan Nghahfak-ah, Pentikos ni a thlarau lo thlen dawn khan ni 10 an \awng\ai tih zawlnei chuan a sawi. Chuvangin, i awmna khua leh vengah khan tlemin awm mah la, zam suh. 1 Lalte 18: 21-40 hi hre reng la. Khatia Karmel tlang Baal puithiam zali (400) hmaah khan Elija kha a zam miah lo a nih kha, kan bulah a awm a ni tih i hria ang u.

Fakna hla pawhin “Mi zawng zawng \ang rualin Lalpa a malin, chatuan thleng pawhin a zam dawn lo chatuan pa,” tih a nih kha.

Mi nuihzat leh hmuhsit, endawng nih te chhel takin i tuar ang u. Isua Krista a lo kal \ep. Thlarau Thianghlim ruah hnuhnung dawng turin inbuatsaih ang u, thlarau thianghlim i neih loh chuan Isua hmel i hmu thei lo vang. Matthaia 25 thu kha i chhiar em? Nula thianghlim 10 te kha i en ang. Nula thianghlim 10 kohhran member thianghlim 10 – pa 5 an fing, panga an a. Panga a te kha khawnvartui an nei lo. Thlarau Thianghlim nei lo an ni. Chuvangin Thlarau Thianghlim Pathian hnena mi ngei kan dawn a ngai. Khawngaihna kawng khar hma hun tlem te awmah ruah hnuhnung dawng thei tura kan beih a ngai. Ruah hnuhnung dawng lovin min pel ang tih a hlauhawm ber.

I eizawnna eng nge ni, office kal nge zirtirtu nge sumdawng nge inhlawhfa nge kut hnathawk? Khawvelah kan la awma ni tin ei tur leh mamawh ngaihtuah a ngai, kan thatchhe tur chu a ni lo. Kan thawk anga chemkawm hum chung pawhin Isua nen len dun theih reng, eng pawh thawk ila \awngtai thlahthlam tur zawng chuan kan ti tur a ni lo. A zawng zawnga zawn a ngai ta. Krista mo ni tur chuan ka thinlung zawng zawng a zui a ngai. Kan hotu Conference President a\anga member hniam ber thleng hian Pathian Thlarau Thianghlim ruah hnuhnung hi kan neih a \ul dan a inang vek. Thupuan 19: 6 – Beramno nupui neih na tur a mo thianghlim ni tur chuan Krista thisena silfai kai dum awm lo nih a ngai. Mihriangte nupa insiam turin hmangaih takte inkarah engmah dang leng lo, Krista mo ni tur chuan thil dang engmah a zak kep theih loh.

Khawvel thil min buai \hintute hi i paih ang u, mawl nih i hreh lo vang mi min hmuhsitte pawh i tuar ang u. Unau duhtak hei hi lo ti ve rawh. Khawtlang leh vengah NGO OB nih te politics member nih te i ti lo ang u. Kei a sawitu ngei hi mi zawng zawng aia buai sa ka ni a tawi zawngin VC Block Unit kum 40 chuang ka buaipui hnuah tunah chuan Pathian hruainain ka thlawn vek ta a, ka lawm hle. Lalpa chu fakin awm rawh se.

Tunah chuan mite tluk lo mah ila ka thinlung zawng zawnga Krista zui ka tum ta. Khawvel \hian nih ai chuan Isua nen a ni tin hun hman i tum \heuh ang u. Zakaria 10:1-ah chuan ruah hnuhnung hunah hian Lalpa chu ruah dil rawh u a ti.

Chuvangin ruah hnuhnung dil hi kan tih tur thupui berah i nei ang u. Vawiina kan \hiante lam mup mup mai te hian ruah hmasa leh ruah hnuhnung an hreng miah lo, kan rawngbawltu hmasate tuna mite kawng dik min hrilhtute hi an va hlu em, an chungah lawm lawmthu ka sawi a ni.

Joshua 3:5 khan Israel faten lei Kanan an luh dawn khan an hruaitupa Joshua khan mipuite kha intithianghlim vek rawh u a ti a nih kha. Keini tuna ringtute van Kanana lut tura inbuatsaih kan ni. Unau duhtak eng nge i dinhmun le? Isua khawvela a chen lai te khan, Bible-a kan hmuh angin, zingah \awng\aiin a chhuak \hin a nih kha. Pathian fapa meuh chutiang khawpa a \awng\ai chuan keini mi sual mai hi chu a aia nasa mah chuan kan \awng\ai tur a ni dawn lawm ni?

Tunah hian engin nge la dal che? Zuk hmuam lam, ruihtheihah chuan i lo fihlim a ni thei e. Chapona te, mi dang aia tlinga inhriatna te, nula – i hmel\hatna te, Tlangval – i zeina te, sports lama i theihna te…a tam. Kan hmelmapa Setana hian min tihtluk nan thang tam tak a nei tih i hria ang u. Chuvang chuan Lal Isuan, ‘Keimah lovin engmah in ti thei lo, a ti. Chuvangin englai pawhin Krista ke bulah i \awng\ai reng ang u. I awmna khua emaw vengte emawah khawhar takin, hmuhsit leh mawl tih pawh i lo hlawh a ni thei e. Pawi ti suh. Chhel takin kan awmna hmunah i awm \heuh ang u.

Van Kanan Jerusalem thar khawpuiah lungngaih te, \ahna te, natna te, thihna te awm tawh lohnaah hlim takin kan la intawk khawm dawn nia.

Tunah hian Krista leh Setana indona chu a tawp \ep tawh a. Indonaah hian tu lamah nge i \an dawn? He indonaah hian neutral a awm theih loh. Krista i thawhpui lo a nih chuan Setana i thawhpui a ni. A tawpna atan unau duh tak ka chah duh che chu, politic party khawiah mah awm duh suh. Zawlbuka e \ang theuh an nih hi. Isua Krista zui hi ham\hatna a lo ni e.

A ziaktu: Lalchhuanawma hi North Lunglen Kohhran member ni mek a ni.