HUN TAWPA CHÊNG KOHHAN INBUATSAIHDAN TUR

Sermon

– Pastor Lalrintluanga Tlau

Hebrai 10:23-25 “Kan beisei thurin hi a nghin lohna turin i pawm tlat ang u, thutiamtu chu a rinawm si a. Tin, hmangaih leh thil \ha tiha inchawk tho turin i inngaihtuah tawn ang u; \henkhat tih dan anga kan inkhawmte bansan lovin, i infuih tawn zawk ang u; ni chu lo hnai telh telh a in hriatin infuih tawn nasa lehzual sauh ang u.

Isua Krista a Mithianghlimte lam tura a lo kal hun tur hi Setana leh a hote tan chuan thil zawng zawng tawpna tur a nih avangin he hun tihkhawtlai dan hi kawng khat chauh a awm tih an hria a, chu chu Kohhran hi hna thawk thei lova khawvel awihmuttir hi a ni. Chu mi rual chuan bumna hna thawka thurin dik lo theh darh vak an tum bawk.

Kum 1972 khan (Bangladesh) East Pakistan ho chuan West Pakistan laka inlakhran an duh a, mahse Pakistan laka chhuak tur chuan chakna an nei si lo. India Sorkar chu \anpui turin an auva. India Sorkar a lo chêt huna hlawhtling taka a rawn chêt theih nan Underground Party EPR (East Pakistan Rifle) an lo indin ve bawk a. EPR ho \anchhan chuan India chuan Pakistan chu a rawn bei ta a, tuna Bangladesh ram hi a lo piang ta a ni.

Lal Isuan Sualna titawpa khawvel a lo kalna turah pawh hian hlawhtling taka a rawn kal theih nan Kohhran hi a lo inbuatsaih ve a ngai a, a inbuatsaih dan tur chu Paulan ti hian a lo sawi a:

1. Pakhatnaah chuan Thurina (Doctrine) nghing lo turin min chah a ni. Kohhran hi Pathian tana a duhawmna chu a thurin neihah hian a innghat a, thurin siamchawp mai mai a pawm a nih erawh chuan Pathian hmêlmaah insiamin “Babulon” Kohhran a lo ni mai dawn a ni. Chuvangin, Pathian lawm thurin a hriatthiam theih na nasa taka Bible zirin Hrilhlawkna thlarau hmanga fiahna a hmu ngei bawk tur a ni. Thurin dik, Vanin a pawm chu Zawlneite hmangin Lalpan a hriattir \hin a, chu chu “Hrilhlawkna thlarau” chu a ni. Seventh-day Adventist Kohhran thurin 28 te hi nasa taka Bible thupui zir hnua Elen G. White (Zawlnei) hmanga Pathianin pawmtlak a nihzia a rawn hriattir vek a ni. Chuvangin ngaih\ha taka pawm mai hi a nihlawh thlak êm êm a ni.

2. Pahnihnaah chuan mi ten Pathian hmangaihna an hriat thiam theih nan thil \ha tihsak tura Kohhran ho infuih tawn hi a ni. Lal Isua chuan Kristian nih tilang a, mite \anpui a, thilpêk te sem chhuah a nih hian chu mi hmang chuan kan \anpuite chuan Pathian an chawimawi thei dawn a ni (Mat 5:16) tiin a zirtir \hin. Chû chu ngai pawimawhin SDA Kohhran chuan Kohhran puitling (Organised church) awmna apiangah chuan ‘community Centre’ siam zel turin a fuih a; chutah chuan eitur (Chaw) nei lo ten rawn in ei-puar \hin se, Silhfen tlachham ten rawn lam \hin sela, riahna tur nei lo te pawh hahdam takin rawn riak \hin sela a \ha êm êm dawn a ni. Chutianga Kohhranin hma a lak chuan chû Kohhranah chuan Isua hmêl leh nungchang a lo lang dawn a ni. Chutiang-a hma la tur chuan Kohhran chu min fuih a, chû chu rawngbawlna ropui leh pawimawh êm êm a ni.

3. Pathumnaah chuan inkhawm uar sauh sauh turin min fuih bawk. Kohhranho chu rawngbawl tura an inbuatsaih dawn chuan an inkhawm phawt ang: Chû chu hrui khat vuana an chêt theih nana thil \ûl tak chu a ni. Inkhawmnaah chuan Pathianin ti tura min duhte chu Bible chhhiara sawichhuah a ni \hin ang a, hma lak dan tur ngaihtuahin an Committee ang a, thil ropui tak ti turin an kal chhuak thin ang. Tin, inkhawmnaah hian Pathian hmangaih dan tur te, a rawngbawl dan tur te inzirtirin fak hla te sain an infuih tawn \hin ang a, an chaklohna te a\angin an lo chak leh (Revive) ang a, Sual hnathawh leh thangkam laka fihlim leh pumpelh turin an inzirtir \hin bawk dawn a ni. Chutianga an inkhawm zin chuan kohhranho chu an lo chak hle dawn a ni.

Chutichuan heng thil pathum thurina nghet taka awmte, mite \anpui a thil tha tih fan fan te, infuih tawn tura inkhawmho \hin te hi Kohhranin nghet tak leh chak taka a vawng reng a nih chuan kan Lalpa Isua Krista lo kal hunah pawh mi tam tak a hnena Vana kal ve turin an lo inpeih thei dawn a ni. Amahereawh chu hêng thil te ngaihthah a, Kohhran chu a awm a nih chuan Kohhran memberte chu Khawvel lamah bûm leh hîpin an awm ang a, Krista hmuak turin an inpeih thei lo vang. Chuvangin, Khawvel tawp dawna Kohhran chuan he fuihna hi ngaipawimawh sela, mi tam tak chhandamin an awm thei dawn a ni.

*A ziaktu: Lalrintluanga Tlau hi Aizawl South Circle Leader a
ni mek a. Mizo Confernce Pastor thawk mek zingah chuan a senior
berte zinga mi a ni.