July 27, 2024 khân ITI kohhranah upa Vansanga Bible study pekna a\angin mi duhawm tak pasarihin bialtu pastor kutah baptisma an chang. Hei hi City crusade rah sengna a ni a, tunah hian hmun hrang hrangah hma lak mek zel a ni.
Bial chhung kohhran ten Aizawl City Crusade hlawhtlin nan revival programme leh \awng\ai urhsun programme an hmang uar \an hle a, Upper Republic kohhran phei chuan Friday tlai tin chawnghei \awng\ai inkhawmna an hmang ziah \hin bawk.
Bial chhung kohhran ho ten lehkha sem rawngbawlna neiin an hun remchang neih ang ang an hmang \angkai reng bawk .
Maubawk kohhran chuan Lawipuah kohhran thar din ngei tumin hma an la zel a, chawlhni tin inkhawmpuiin \an an la mek zel a ni.
Aizawl East Circle Women Ministries hruaitute pawhin Thaidawr kohhran tlawhchhuakin hetah hian Tirhkoh thar in a awp nghala, tin, quarters repair hna an thawk nghal bawk.
July 27, 2024 khân bial kohhran hrang hrangah Children’s Sabbath nuam leh ropui taka hman a ni a, naupangten an talent \ha tak tak an entira a hmuhnawm hle a ni.
Nl. Faith Lalnunfeli D/o Pu Joseph Lalrintluanga chu 1000 Missionary Volunteer programme a thawk ve turin Krista tana inhlanna sang tak neiin a thawk chhuak ve leh ta a, kan lawmpuiin kan chhuang tak meuh a ni. A nau pawh thawk zo tawhin a lo haw leh tawh a, unaua missionary chhuak thei kan \halai zingah kan nei hi kan chhuang hle a, an unau hian Upper Republic AY member an ni.
