MEMBER-TE’N KOHHRAN AN CHHUAH SAN LOH NAN

Kum 2024 khan Papua New Guinea-ah chuan “PNG for Christ” tih thupuia hmangin rawngbawlna lian tham tak kalpui a ni a. He rawngbawlna a\ang hian mi sing tam takin Krista chu an lal leh chhandamtuah pawmin baptisma an chang a, kohhran an rawn zawm a. Heng mi sing tam takte hian thutak zawng zawng an la hmu thiam vek lo a. Heng ringtharte hi Setana chuan a rawn bei nasa dawn a ni tih hriain, heng mite’n kohhran an chhuahsan leh mai loh nan New Disciples Empowerment Conference buatsaih a ni a. He hunah hian South Pacific Division (SPD) discipleship strategy leader Danny Philip chuan kohhran hruatu leh rawngbawltute chu Thlarau Thianghlim nena thawk ho turin a sawm a. Thui tak kal tur chuan mi tinte kan thawh ho a ngai a. Tin, Thlarau Thianghlim zai ngaia thawh a nih loh chuan ring thar member-te hi an bo leh mai dawn a. Chuvang chuan mahni theihnaa thawk lo a, chunglam ngaichang reng turin a fuih hlawm a ni.