MINISTERIAL & SHEPHERDESS TRAINING

Mizo Conference of Seventh-day Adventists hnuaia rawngbawltu (ministerial workers) leh an nupuite (shepherdess) tana training chu, January 26, 2025 khan Seventh-day Tlang Biak Inah neih a ni.

Ministerial Training-ah hian, Pastor Malsawma Tochhawng chuan devotion hun hmangin, program tan a ni a. Pastor Biakzidinga Renthlei chuan tul leh pawimawhte a sawi hnuin, Pu Lalbiakdika Ralte hnen atangin sum leh pai lama kohhrante inenkawl dan turah zirtirna a pe ve leh a. Pastor R. Biakthansanga chuan paper presentation a nei chhunzawm a. Rawngbawlna thianghlim (sacred service) felfai taka neih theih dan tur chungchang a sawi a. Pastor Rodingliana chuan Pastor-te tana registration tih dan leh field worker-te hriat tur tulte a sawi ve leh a. Discussion neih chhunzawm a ni a. He discussion hi Pastor Rohlua Fanai chuan a kaihruai ve thung a. Pastor leh Evangelist ten rawngbawlna rualkhai taka an kalpui theih dan turte, Confirmation of Marriage chungchang leh tul dangte sawiho a ni.

Shepherdess Training hi Pi Lalsangpuii Renthlei chuan a kaihruai a. Pi Lalbiakdiki Ralte, Director, Women’s Ministries, NEIU chuan rawngbawltu nupuite tana hriattur pawimawhte sawiin presentation a nei a. Pi Lalmuanpuii w/o Pastor Rohlua Fanai leh Pi K. Zonunsangi w/o Pastor Rodingliana te chuan presentation hun an hmang ve leh bawk a ni.

Northeast India Union of Seventh-day Adventist President Pastor Tawkthanga chuan Consecration Service hun hmangin, rawngbawltute chu phur tak leh taima taka hna thawk turin a chah a. Inhlanna thutiam sawi rualin, tawngtaina nen training tih tawp a ni ta a ni.

#Mizo_Adventist_News